யாழ் பல்கலைக்கழக வங்கி கிளையில் கடமையாற்றிய ஒருவர் கைது!

யாழ் பல்கலைக்கழகத்திலுள்ள வங்கி கிளையொன்றின் அடகுப் பிரிவில் கடமையாற்றிய ஒருவரை பொலிஸார் கைது செய்துள்ளனர்.

குறித்த வங்கிக் கிளையில் நேற்று கணக்காய்வு நடவடிக்கைகள் இடம்பெற்றபோது சந்தேகநபர் தலைமறைவானதாக பொலிஸ் ஊடகப் பேச்சாளர் பொலிஸ் அத்தியட்சகர் அஜித் ரோஹன தெரிவித்துள்ளார்.

பின்னர் பொலிஸார் மேற்கொண்ட சோதனை நடவடிக்கையின் போது சந்தேகநபர் நேற்று மாலை கைது செய்யப்பட்டுள்ளார்.

யாழ் பல்கலைக்கழகத்தில் உள்ள குறித்த வங்கிக் கிளையில் அடகு வைக்கப்பட்டிருந்த நகைகள் காணாமற்போயுள்ளமை கணக்காய்வு நடவடிக்கையின் போது தெரியவந்துள்ளது.

எவ்வாறாயினும் கணக்காய்வு நடவடிக்கைகள் தொடர்ந்தும் நடைபெற்று வருவதால் காணாமற்போன நகைகளின் பெறுமதியை தற்போது கூற முடியாது என பொலிஸ் ஊடகப் பேச்சாளர் குறிப்பிட்டுள்ளார்.

இது தொடர்பான மேலதிக விசாரணைகளை பொலிஸார் மேற்கொண்டு வருகின்றனர்