முதல் மனிதன் குரங்கு இல்லையாம்..அணில்: சொல்கிறது புதிய ஆய்வு!

நமது மூதாதையர்கள் அதாவது முதல் மனிதன் குரங்கு போல இல்லாமல், அணில் போன்று இருந்ததாக புதிய ஆய்வொன்றின் மூலம் தெரியவந்துள்ளது.

புதிதாக கண்டுபிடிக்கப்பட்டுள்ள புர்கடோரியஸ் என்ற பாசில் மூலம் இது தெரியவந்துள்ளதாக ஆய்வாளர்கள் தெரிவித்துள்ளனர்.

இந்த பாசிலில் உள்ள உருவம் தான் உலகின் மிகப் பழமையான, மிகவும் ஆரம்ப கால மனித உயிரின் முதல் படி என்றும் அவர்கள் கூறுகிறார்கள்.

இந்த உருவம் அணிலைப் போல இருப்பதாகவும், இதுதான் மனிதனின் ஆரம்ப கால உருவமாக இருக்கலாம் என்றும் ஆய்வாளர்கள் தெரிவிக்கிறார்கள்.

இந்த ஆரம்ப கால மனித உருவமானது பெரும்பாலும் மரங்களிலேயே வசித்து வந்ததாகவும், பழங்களைச் சாப்பிட்டு உயிர் வாழ்ந்து வந்ததாகவும் ஆய்வாளர்கள் தெரிவித்துள்ளனர்.

ஆய்வாளர்கள் மேலும் கூறுகையில், இதற்கு முன்பு புர்கடோரியஸின் பல் மட்டுமே சிக்கியிருந்தது. தற்போதுதான் அதன் எலும்புக் கூட சிக்கியுள்ளது.

இந்த அணில் வகை உயிரினமானது தனது கால்களை எல்லாப் பக்கமும் திருப்பும் வகையில் இருந்துள்ளது.

மேலும் அதன் கால் எலும்பு மூட்டுகளும் மனிதர்களுக்கு இருப்பதை போலவே இருப்பதாகவும் தெரிவித்துள்ளனர்.

இந்த அணில் போன்ற உயிரினம் தான் பின்னாளில் மனித உருவமாக மாறியிருக்கலாம் என்றும் இந்த ஆய்வு கூறுகிறது.

Read More

இலங்கை இராணுவத்திற்கு பாதுகாப்பு வழங்கும் முன்னாள் போராளிகள்!

முல்லைத்தீவு மாவட்டத்தில் சிவில் பாதுகாப்பு உத்தியோகஸ்தர்கள் என்ற போர்வையில் சமுகப் பாதுகாப்பிற்கென நியமிக்கப்பட்ட முன்னாள் போராளிகளை படையினர் தமது முகாம்களுக்கு பாதுகாப்பாக நிறுத்தியுள்ளனர். புதுக்குடியிருப்பு, வள்ளிபுனம், கைவேலி, போன்ற கிராமங்களிலிருந்து 250 முன்னாள் பெண் போராளிகளும் , 100 முன்னாள் ஆண் போராளிகளும் சிவில் பாதுகாப்பு உத்தியோகஸ்தர்கள் ஆக நியமிக்கப்பட்டனர்.

இவர்களுக்கு 6மாதங்கள், 10ஆயிரம் ரூபா சம்பளத்துடன், கிராம மட்டத்தில் இடம்பெறும் சமூக, கலாச்சார பிறழ்வுகளை தடுப்பதற்கும், சட்டத்தின் முன் நிறுத்துவதற்குமான உரிமை வழங்கப்படும் என முன்னர் அறிவிக்கப்பட்டது.

இந்நிலையில் இணைத்துக் கொள்ளப்பட்ட இந்த சிவில் பாதுகாப்பு உத்தியோகஸ்த்தர்களுக்கு இதுவரை அவ்வாறான உரிமைகள் எவையும் வழங்கப்படாத நிலையில் தற்போது கைவேலியிலுள்ள காட்டுப் பகுதியில் அமைக்கப்பட்டுள்ள இராணுவத்தினரின், பாரிய படைமுகாமிற்கு முன்பாக காவல் கடமை வழங்கப்பட்டிருக்கின்றது.

காலையில் 8.30 மணிக்கு கடமைக்குச் செல்லும் இந்த பாதுகாப்பு ஊழியர்கள் மாலை 5மணிக்கே வீடு திரும்ப முடியும்.மேலும் இவர்களுக்கான வரவுப்பதிவுகளை படையினரே மேற்கொள்வதோடு, பணிக்கு வராவிட்டால் கடுமையான கேள்விகளும், தண்டனைகளும் கூட வழங்கப்படுவதாக தெரிவிக்கப்படுகின்றது.

Read More

7 மாணவர்களிடம் தவறான உறவு வைத்துக் கொண்ட கணித ஆசிரியை கைது!

கணித ஆசிரியையாக பணிபுரியும் 24 வயது பெண், தன்னிடம் படித்த 7 மாணவர்களிடம் முறைகேடான உறவில் ஈடுபட்டதற்காக கைது செய்யப்பட்டுள்ளார்.

அமெரிக்காவின் அயோவா நகரில் உள்ள ஆப்லிங்டன் பார்க்கர்ஸ்பெர்க் உயர்நிலைப் பள்ளியில் கணித ஆசிரியையாக பணிபுரிபவர் ஆஷ்லி நிக்கோல் ஆண்டர்சன்(வயது 24).

இவர் தன்னிடம் படித்து வந்த 7 மாணவர்களிடம் முறைகேடான உறவில் ஈடுபட்டார் என்ற குற்றம் சுமத்தப்பட்டது. மேலும் அந்த மாணவர்களுக்கு தனது கவர்ச்சி படங்களையும், நிர்வாண படங்களையும் அனுப்பி வைத்ததாகவும் குற்றம் சுமத்தப்பட்டது.

இதனையடுத்து கைது செய்யப்பட்ட ஆஷ்லியை ஜாமீனில் பொலிசார் விடுத்துள்ளனர். அவர் மீதான குற்றச்சாட்டுக்கள் நிரூபணமானால் அவருக்கு 5 ஆண்டு சிறைத் தண்டனை கிடைக்கலாம்

Read More

மீண்டும் நடிக்க வந்தார் குட்டி ராதிகா !

கர்நாடக முன்னாள் முதல்வர் குமாரசாமியை மணந்த குட்டி ராதிகா மீண்டும் நடிக்க வந்தார்.

இயற்கை, வர்ணஜாலம், மீசை மாதவன் உள்ளிட்ட படங்களில் நடித்தவர் குட்டி ராதிகா.
இவர் கர்நாடக முன்னாள் முதல்வர் குமாரசாமியை திருமணம் செய்து கொண்டு செட்டிலானார். இதையடுத்து நடிப்புக்கு முழுக்கு போட்டார்.
சமீபத்தில் லக்கி என்ற படம் மூலம் தயாரிப்பாளராக திரையுலகிற்குள் நுழைந்தார். 

இதில் யாஷ், திவ்யா நடித்தனர்.இதையடுத்து சுவீட்டி நானா ஜோடி என்ற படத்தை தயாரிப்பதுடன் மீண்டும் நடிக்க வந்துள்ளார். இப்படத்தின் படப்பிடிப்பு தொடங்கப்பட்டு, ராதிகா நடித்த பாடல் காட்சிகள் படமாக்கப்பட்டன.மீண்டும் நடிக்க வந்தது பற்றி ராதிகா கூறுகையில், படங்களில் கிளாமராக நடிப்பதில் எனக்கு ஆட்சேபனை இல்லை. ஆனால் ஆபாசமான உடை அணிய மாட்டேன். இந்த கட்டுப்பாடுகளுடன் படங்களில் நடிக்கிறேன்.இப்படத்தில் ஆதித்யா கதாநாயகனாக நடிக்கிறார். ஏற்கனவே அவருடன் நான் நடித்திருக்கிறேன். தொடர்ந்து 20 நாட்கள் படப்பிடிப்பு நடக்க உள்ளது என்றார்.

Read More

பற்களின் ஆரோக்கியத்தை கெடுக்கும் உணவுகள்!

பற்களை பராமரிப்பது என்பது மிகவும் முக்கியமானது. அதிலும் பற்கள் நன்கு சுத்தமாக இருக்க, ஒரு நாளைக்கு இரண்டு முறையாவது பிரஷ் பண்ண வேண்டும்.
இதனால் வாயில் ஏற்படும் துர்நாற்றம், பற்களுக்கிடையே உணவுப் பொருட்கள் மாட்டிக் கொள்ளுதல், சொத்தை பற்கள் ஏற்படுதல் போன்றவை ஏற்படாமல் இருப்பதோடு, பற்களும் வெள்ளையாக பளிச்சென்று இருக்கும்.
பொதுவாக பற்களில் பிரச்சனைகள் ஏற்படுவதற்கு உண்ணும் உணவுகளே காரணங்களாகின்றன. அதிலும் அவற்றை உண்பதால் பற்கள் மஞ்சள் நிறத்தில் மாறுவதோடு, பற்களுக்கிடையே உணவுப் பொருட்கள் சிக்கிக் கொண்டு பற்களை சொத்தையாகவும், துர்நாற்றம் உள்ளதாகவும் மாற்றுகிறது.
ஆகவே அத்தகைய உணவுகளை உண்ட பின், பற்களில் மாட்டிக் கொள்ளும் உணவுப் பொருட்களை நீக்க டூத் பிக் அல்லது டென்டல் ப்ளாஸ் பயன்படுத்துவது நல்லது.
சீஸ்
உணவுகளில் வித்தியாசமான சுவைக்காக சேர்க்கும் பால் பொருட்களில் ஒன்று தான் சீஸ். இதனை சேர்ப்பதால் அந்த உணவை சாப்பிடும் ஆர்வம் அதிகரிக்கும்.
அவ்வாறு சேர்க்கும் சீஸை சாப்பிடும் போது அவை பற்களில் சிக்கிக் கொண்டு, பற்களை சொத்தை ஆக்குவதோடு, வாய் துர்நாற்றத்தையும் உண்டாக்குகிறது.
சொக்லேட்
அனைவருக்குமே சொக்லேட் மிகவும் பிடிக்கும். சொக்லேட் சாப்பிட்டால், இதயம் ஆரோக்கியமாக இருக்கும். ஆனால் அதில் உள்ள இனிப்பு பற்களில் கிருமிகள் மற்றும் பக்டீரியாக்களை தங்க வைக்கும்.
ஆகவே அதனை தொடர்ந்து அடிக்கடி சாப்பிடுவதை தவிர்க்க வேண்டும். மேலும் அதை சாப்பிட்டப் பின் பற்களை மறக்காமல் பிரஷ் செய்துவிட வேண்டும்.
பாப்கார்ன்
பாப்கார்ன் பற்களுக்கிடையே மாட்டிக் கொள்ளும். அதனை நீக்குவது என்பது கடினமானது. ஆகவே அதனை நீக்க டென்டல் ப்ளாஸ் (dental floss) தான் பயன்படுத்த வேண்டும்.
பிரட்
அதிகமான அளவு நார்ச்சத்து நிறைந்துள்ள பிரட் கூட பற்களில் மாட்டும் உணவுப் பொருட்களில் ஒன்று. இது வறட்சியுடன் இருப்பதால், ஈறுகளில் மாட்டிக் கொண்டு, வாய் துர்நாற்றத்தை ஏற்படுத்தும். மேலும் பற்களுக்கு பாதிப்பை ஏற்படுத்தும்.
நூடுல்ஸ்
நூடுல்ஸ் என்றாலே பிடிக்காதவர்கள் இருக்க மாட்டார்கள். இதனை எந்த நேரத்தில் கொடுத்தாலும் சாப்பிடுவோம். அத்தகைய நூடுல்ஸ் கூட பற்களில் மாட்டிக் கொண்டு, நீண்ட நேரம் இருந்தால் பக்டீரியாவை அதிகரிக்கும்.
இறைச்சி
அசைவ உணவு சாப்பிடுபவர்கள் இறைச்சியை நன்கு கடித்து இழுக்கும் போது, அதில் உள்ள சிறிய பகுதி கண்டிப்பாக பற்களில் மாட்டிக் கொள்ளும்.
அவ்வாறு மாட்டிக் கொள்வதை நீக்க முடியாமல் இருக்கும். மேலும் அவை பற்களில் இருப்பதால், அதிக எரிச்சலை ஏற்படுத்தும்.
ஆகவே எப்போது அதனை சாப்பிட்டாலும், டென்டல் ப்ளாஸை பயன்படுத்துவது நல்லது.

Read More

மேலும் பல கருக்கலைப்புக்கள் யாழில் இடம்பெறலாம் – கலாச்சாரத்தைக் கட்டியெழுப்பும் விதம் இதுதானா?

(Copied From Vidikural.com) யாழ்ப்பாணத்தில் கடந்த 6ம் திகதி ரில்கோ விடுதில் நடைபெற்ற அதிர்ச்சிச் சம்பவங்களின் தொகுப்பு.யாழ்ப்பாணம் றோட்றிக் கிளப் என்னும் பணக்காரக் கழகம் நடாத்திய காமக் களியாட்டம் சிங்க கொடி ஏற்றி கடந்த 6ம் திகதி ரில்கோ விடுதில் அரங்கேறியுள்ளது.

சேவையின் ஊடான சமாதானம் எனும் தொனிப் பொருளில் நடைபெற்ற இந்த ஒன்று கூடலில் யாழ்ப்பாணத்தின் பிரபல பணக்காரர்களும் சமூகத்தில் முக்கிய பொறுப்பு வாய்ந்தவர்களாகக் கருதப்படுபவர்களும் பாடசாலை மாணவிகளும் கலந்து கொண்டனர்.
இதில் முக்கியமாக விடயம் என்னவெனில் தேசியத்தின் குரல் எனத் தெரிவித்து யாழ்ப்பாணத்தில் இருந்து வெளிவரும்; உதயன் பத்திரிகையின் முதலாளியும் தமிழத் தேசியக்கூட்டமைப்பின் நாடாளுமன்ற உறுப்பினருமான சரவணபவன் மற்றும் உதயன் ஆசிரியர் பிறேம் ஆகியோர் மேடையில் நடைபெற்ற குத்தாட்டத்தை மெய்மறந்து ரசித்தார்கள்.

றோட்றிக் கழக்ததின் அழைப்பின் பேரில் வந்திருந்த ஏனைய தமிழத் தேசியத்திற்கு ஆதாரவானவர்கள் அனேகர் இந்த நிகழ்ச்சியில் இருந்து வெளியேறிவிட்டனர். இவ்வாறு வெளியேறியவர்களில் பாராளுமன்ற உறுப்பினர் சிறிதரன் மற்றும் கஜேந்திரகுமார் ஆகியோர் அடக்கம்.ஏனைய தமிழ்த்தேசியம் கதைப்பவர்களும் தமிழத் தேசியத்திற்காகப் பிறந்தேன் என வீராப்புடன் கதைப்பவர்களும் பணக்கார அதிகாரத்தினரும் அரச உயரதிகாரிகள், வைத்தியர்கள் ஆகியோரும் வாய்க்குள் ஈ பூருவது தெரியாது மெய்மறந்து ரசித்தார்கள்.குடாநாட்டுப் பாடசாலை மாணவிகளையும் வரவழைத்துவிட்டு அவர்களுக்கு முன் அங்கு குத்தாட்டம் போட்டமை அங்கு சென்ற பலரை அதிர்ச்சிக்குள்ளாக்கியது. பாடசாலை மாணவிகளுடன் அங்கு வந்திருந்த பெரும் பணக்காரப் புள்ளிகள் வாய் இழித்துக் கதைத்துக் கொண்டிருந்ததாகத் தெரியவருகின்றது.இன்னும் சில மாதங்களில் யாழ்ப்பாணத்தில் மேலும் சில சட்டவிரோத கருக்கலைப்புக்கள் நடைபெறலாம். ஆதற்கு யாழ்றோட்டறிக் கழகம் நிச்சயம் உதவி செய்யும்.

கிறிஸ்தவப் பாதிரிமார், கிறிஸ்தவ மதகுருமார் என பலரும் இந்தக் குத்தாட்டத்தைக் கண்டு களித்தது மிகுந்த வேதனையைத் தந்தது. ஏற்கனவே கிறிஸ்தவ பாதிரிகள்,மற்றும் மத போதகர்கள் மீது யாழ்ப்பாணத்தில் பாலியல் புகார்கள் இருக்கின்றது. இவ்வாறான குத்தாட்டங்கள் மூலம் மேலும் பல புகார்களை அவர்கள் மேல் திணிப்பதற்கு தூண்டு கோலான அமையும்.யாழ்ப்பணத்திற்கே உரிய கலை கலாச்சாரங்களைப் பிரதிபலிக்காது இவ்வாறான குத்தாட்டங்களை ஒழுங்கு செய்த றோட்டிறிக் கிளப் உறுப்பினர்களின் நடத்தை பற்றி சிந்திக்க வேண்டிய தேவை அனைவருக்கும் உள்ளது.

Read More