ஆண்மைக் குறைவைப் போக்கும் ஜின்ஜெங் வேர்.....

* அமெரிக்காவிலும், இங்கிலாந்திலும் ஒரு வேர் விறுவிறுப்பாக விற்பனையாகிறது. அதன் பெயர், ஜின்ஜெங். இது சீனாவில் உற்பத்தியாகிறது.
 

* இந்த வேரை அரைத்துக் குடிக்கிறார்கள். மாத்திரை, கேப்ஸ்யூல் ஆக்கி விழுங்குகிறார்கள், தேநீர், காபியில் கலந்து பருகுகிறார்கள். மதுபானத்தில் சேர்த்துக் குடிக்கிறார்கள். சோப்பிலும் சேர்த்து உடம்பில் தேய்த்துக் குளிக்கிறார்கள். 

* காரணம், ஜின்செங் ஆண்மைக் குறைவைப் போக்குகிறது. மலேரியா, இஸ்மோரியா, தலைவலி, கேன்சர், சாதாரண ஜலதோஷம் ஆகியவற்றுக்கு நல்ல மருந்தாக உள்ளது.

* ஜின்செங் செடி 5 ஆயிரம் ஆண்டுகளாக சீனாவில் வளர்க்கப்படுகிறது. 1948-ல் இளம் ரஷ்ய விஞ்ஞானி ஒருவர், ஜின்செங் வேரை ராணுவ வீரர்களுக்குக் கொடுத்துப் பார்த்தார். 

* உடனே அவர்கள் அதிகமான சுறுசுறுப்பு அடைந்து வேலை செய்தார்கள். அதிலிருந்து ஐரோப்பாவில் ஜின்செங் வேர் பிரபலமாகிவிட்டது. சமீப ஆண்டுகளில் பல கோடி ரூபாய்க்கு ஜின்செங் வேர்களை அமெரிக்கா வாங்கியுள்ளது.

* ஜின்செங்கின் மருத்துவக் குணங்களைப் பற்றி ஆராய பல சர்வதேச மாநாடுகள் நடைபெற்று வருகின்றன.

* இருந்தாலும் சீன, கொரிய டாக்டர்கள், ஜின்செங் வேரை தொடர்ந்து சாப்பிட்டு வந்தால் உடல் ஆரோக்கியமாக இருக்கும் என்று இப்போதே அறுதியிட்டுக் கூறுகிறார்கள். 

* படிப்புத் திறனையும், நினைவாற்றலையும் ஜின்செங் அதிகப்படுத்தி இருப்பதை அவர்கள் சோதனைகள் மூலம் நிலைநாட்டியிருக்கிறார்கள்.

Read More

கேரட் சாப்பிட்டால் பெண்களின் மார்பகப் புற்று நோய் முற்றாமல் காத்துக் கொள்ளலாம்

கேரட் சாப்பிட்டால் பெண்களின் மார்பகப் புற்று நோய் முற்றாமல் காத்துக் கொள்ளலாம் என்று விஞ்ஞானிகள் தெரிவித்துள்ளனர்.

அமெரிக்காவில் புளோரிடாவில் புற்று நோய் ஆராய்ச்சிக்கான அமெரிக்க அமைப்பு இத்தகவலை வெளியிட்டுள்ளது.

கேரட் மற்றும் சர்க்கரை வள்ளிக்கிழங்கை உண்பதன் மூலம் மார்பகப் புற்று நோயிலிருந்து ஆரம்ப நிலையிலேயே விடுபடலாம் என்று விஞ்ஞானிகள் கண்டுபிடித்துள்ளனர். இந்தக் காய்களில் உள்ள வைட்டமின் ஏ விலிருந்து பெறப்படும் ரெட்டினாயிக் அமிலம் புற்றுநோய் உண்டாக்கும் செல்களை ஆரம்ப நிலையிலேயே அழித்து விடும். கேரட் சருமத்திற்கு பொலிவைத் தந்து சுருக்கத்தை நீக்குகிறது என்பதும் கண்டறியப்பட்டுள்ளது.
இது பற்றி பிலடெல்பியாவிலுள்ள பாக்ஸ் சேஸ் புற்று நோய் மையத்தின் ஆராய்ச்சியாளர் சாண்ட்ரா பெர்ணாண்டஸ் கூறுகையில், இந்தக் காய்களிலுள்ள சத்துக்கள் புற்று நோயை ஆரம்ப நிலையில் மட்டுமே அழிக்குமென்றும், நோய் முற்றிய புற்றுச் செல்களை அழிக்காது என்றும் தெரிவித்தார்.

Read More

இனி குத்துப்பாடல்களிலும் தனது திறமையை காட்டவரும் சமீரா

குத்துப்பாட்டுக்கு என்று ஆடி வந்த கவர்ச்சி நடிகைகள் போய், இப்போது முன்னணி ஹீரோயின்‌களே இதுபோன்று ஆட துவங்கிவிட்டனர்.

பிபாசா பாசு, தீபிகா படுகோனே போன்றவர்களின் வரிசையில் இப்போது சமீரா ரெட்டியும் இணைய போகிறார். தனக்கு குத்துப்பாட்டில் ஆட ரொம்பவே ஆசையாக இருப்பதாக நடிகை சமீரா ரெட்டி விருப்பம் தெரிவித்துள்ளார்.

கவுதம் மேனனின் வாரணம் ஆயிரம் படம் மூலம் தமிழில் அறிமுகமானவர் நடிகை சமீரா ரெட்டி. தொடர்ந்து அசல், நடுநிசி நாய்கள் உள்ளிட்ட படங்களில் நடித்துள்ளார். இதுதவிர தமிழ், தெலுங்கு, இந்தி என்று எல்லா மொழிகளிலும் ஒரு ரவுண்ட் வந்துவிட்டார். தற்‌போது லிங்குசாமியின் வேட்டை படத்தில் பிஸியாக இருக்கும் சமீராவுக்கு, குத்துப்பாட்டில் ஆட ஆசை வந்திருக்கிறது.

இதுகுறித்து சமீரா கூறுகையில், சினிமாக்களில் குத்துப்பாட்டு இல்லாத படங்களே கிடையாது என்ற நிலைமை வந்துவிட்டது. காலங்கள் கடந்தாலும் அதற்கான மவுசு எப்போதும் குறைவதில்லை. ஒருபடத்தின் வெற்றிக்கு இதுபோன்ற பாட்டுகளும் அவசியம். சமீபத்தில் இந்தியில் வந்த தபாங் படத்தில் கூட இடம்பெற்ற முன்னி பாடல் செம ஹிட்டானது.

 

முன்னி மட்டுமல்ல முன்னி பாடல் போல ஏகப்பட்ட பாடல்கள் ஹிட்டாகியுள்ளது. ஆகவே இதுபோன்ற பாடல்களில் எனக்கும் ஆட வேண்டும் என்று ஆசை உள்ளது. அதற்கான சந்தர்ப்பம் கிடைத்தால் நிச்சயம் ஆடுவேன் என்றார்.

சமீராவின் இந்த தடாலடி ஆஃபரால் பலரும், இப்போதே சமீராவை அணுக தொடங்கியுள்ளனர். அநேகமாக நல்ல ஒரு கலக்கலான குத்துப்பாட்டில் சமீராவை விரைவில் காணலாம்.

Read More

தெலுங்கு நடிகர் ராணாவும் பிபாஷாவும் விரைவில் திருமணம்!

பாலிவுட் நடிகை பிபாஷா பாசுவும், தெலுங்கில் இருந்து இந்திக்கு சென்றிருக்கும் நடிகர் ராணா டக்குபதிக்கும் இடையே பத்திக்கிச்சாம். விரைவில் திருமணம் நடக்கப்போவதாக பேசப்படுகிறது. நடிகை பிபாஷா பாசுவும், நடிகர் ஜான் ஆபிரகாமும் கடந்த 9 ஆண்டுகளாக காதலித்து வந்தனர். என்னாச்சோ, ஏதாச்சோ என்று தெரியவில்லை ஆளுக்கொரு பக்கமா பிய்த்துக் கொண்டு போய் விட்டனர். பிபாஷா தன்னை மணந்துகொள்ளுமாறு கேட்டதாகவும், அதற்கு ஜான் மறுப்பு தெரிவத்தனால் தான் இருவரும் பிரிந்ததாக ஒரு பேச்சு. ஜானைப் பிரிந்த பிறகு பிபாஷா தெலுங்கில் இருந்து இந்திக்கு சென்ற நடிகர் ராணா டக்குபதியுடன் நேரத்தை செலவிட ஆரம்பித்தார். ராணா தெலுங்கு முன்னணி நடிகர்கள் வெங்கடேஷ், நாகர்ஜூனாவின் நெருங்கிய உறவினர். ராணாவும், பிபாஷாவும் சேர்ந்து தம் மாரோ தம் என்ற படத்தில் நடித்தனர். அதில் இருந்து பிபாஷா, ராணாவுடன் சுற்றுவதாகத் தகவல்கள் வந்தன. இந்நிலையில் இருவரும் திருமணம் செய்துகொள்ளப்போவதாக கூறப்படுகிறது. முன்னதாக ராணா தமிழ் நடிகை ஷ்ரேயா சரணை டேட் செய்தார். அதன் பிறகு தான் பிபாஷா பக்கம் தாவி்விட்டார். ராணா, ஷ்ரேயா பிரிய பிபாஷா தான் காரணம் என்றும் கூறப்படுகிறது.

Read More

வித்யா பாலனுக்கும், மஹி கில்லுக்கும் இடையே ஒரு சேலைப் போட்டி

பாலிவுட்டில் அவ்வப்போது ஹீரோயின்களுக்குள் திடீர் போட்டிகள் கிளம்புவதுண்டு.அந்தவகையில் இப்போது வித்யா பாலனுக்கும், மஹி கில்லுக்கும் இடையே ஒரு சேலைப் போட்டி கிளம்பியுள்ளதாம்.


தி டர்ட்டி பிக்சர்ஸ் படத்தில் கலக்கலான கிளாமருடன் சில்க் ஸ்மிதா வேடத்தில் நடித்துக் கொண்டிருக்கிறார் வித்யா பாலன். அதேபோல சாஹேப் பீவி ஆர் கேங்ஸ்டர் என்ற புதிய படத்தில் நடித்திருப்பவர் மஹி கில். இருவருமே இப்படத்தில் ஒரு கவர்ச்சிகரமான காட்சியில் வருகிறார்கள். இருவருமே அதில் சேலையில் வருகின்றனர்.

இதை வைத்து சேலையில் யார் அதிக கவர்ச்சியுடன் இருப்பது என்று கிசுகிசுக்க ஆரம்பித்து விட்டது பாலிவுட். வித்யாதான் செம கவர்ச்சி என்று ஒரு தரப்பும், மஹிதான் மயக்குகிறார் என்று இன்னொரு தரப்புமாக வாதப் பிரதிவாதிங்கள் சூடாகியுள்ளனவாம்.

ரசிகர்களுக்கோ இரண்டு பேருமே கலக்கலாகத்தான் இருக்கிறார்கள் என்று இருவருக்குமே தங்களது வாக்குகளை மானாவாரியாக செலுத்தி வருகிறார்கள். மஹி கில் கவர்ச்சிக்குப் பெயர் போனவர் என்பது நினைவிருக்கலாம். அதிலும், சாஹேப் படத்தில் தாறுமாறான கவர்ச்சிக் காட்சிகளில் கலக்கியுள்ளார். ஆனால் வித்யா பாலன் இப்போதுதான் உச்சகட்ட கிளாமர் கடலில் நீந்த ஆரம்பித்திருக்கிறார் என்பது குறிப்பிடத்தக்கது.

Read More

உலகிலேயே பணியாற்ற சிறந்த நிறுவனம் கூகுள்

பணியாற்ற சிறந்த நிறுவனமாக தொடர்ந்து 3வது ஆண்டாக உலகிலேயே இணைய தள தேடல் நிறுவனமான கூகுள் முதலிடம் பெற்றுள்ளதாக ஆய்வு முடிவு தெரிவிக்கிறது. மனித வள பிரிவில் சிறந்த நிறுவனங்கள் பற்றி ஆய்வு செய்யும் சர்வதேச நிறுவனம் யுனிவர்சம். அதன் ஆய்வின்படி இந்த ஆண்டில் ஊழியர்கள் அதிக மனநிறைவுடன் பணியாற்றும் உலகின் முன்னணி 50 நிறுவனங்கள் பட்டியலை அது தயாரித்தது. அதில் தொடர்ந்து 3வது ஆண்டாக முதலிடம் பிடித்தது கூகுள். பணியாற்ற ஏற்ற சூழல், திறமைக்கு மதிப்பு, உழைப்புக்கேற்ற அங்கீகாரம், ஊதியம் என எல்லா வகையிலும் திருப்தி அளிப்பதாக கூகுள் பற்றி இந்தியா, பிரேசில், கனடா, சீனா, பிரான்ஸ், ஜெர்மனி, இத்தாலி, ஜப்பான், ரஷ்யா, ஸ்பெயின், இங்கிலாந்து, அமெரிக்கா நாடுகளை சேர்ந்த 1.6 லட்சம் ஊழியர்கள் தெரிவித்தனர். பிரபல தணிக்கை நிறுவனமான கேபிஎம்ஜி, பட்டியலில் 2வது இடத்தில் உள்ளது. மேலாண்மை கல்வி நிறுவனங்களில் பட்டம் பெற்றவர்கள் பணியாற்ற விரும்பும் நிறுவனமாக அது உள்ளது. பொறியியல் பட்டதாரிகளின் தேர்வாக ஐபிஎம் உள்ளது. பொறியியல் பட்டதாரிகள் பணியாற்ற விரும்பும் நிறுவனமாக மைக்ரோசாப்ட் 3வது இடத்தில் உள்ளது. கார் நிறுவனமான பிஎம்டபிள்யூ (4), சிப் தயாரிப்பாளர் இன்டெல் (5), மின்னணு நிறுவனம் சோனி (6), தொழில் நுட்ப நிறுவனம் ஆப்பிள் (7), ஜிஇ (8), சீமன்ஸ் (9), பி அண்ட் ஜி (10) என முதல் 10 இடங்களில் உள்ளன.

Read More