நோர்வே திரைப்பட விழாவில் திரையிடப்பட்ட 20 குறும்படங்களில் 5 படங்கள் தமிழர் விருதுக்கு தெரிவு செய்யப்பட்டுள்ளன.

சென்னையைச் சேர்ந்த எஸ்.பிரவீண்குமார் தயாரித்த “தி மெசையா” படம் நடிப்புக்கான சிறந்த குறும்படமாக விருது வென்றுள்ளது. சிறந்த படமாக “ரோட்சைட் அம்பானிஸ்” தெரிவு செய்யப்பட்டுள்ளது. சிறந்த கமெராமேன் விருது “கள்ளத்தோணி” படத்துக்காக பிரபல ஒளிப்பதிவாளர் செழியனுக்கு வழங்கப்பட்டுள்ளது. இந்த ஆண்டு நோர்வே திரைப்பட விழாவில் அனைவரது கவனத்தையும் கவர்ந்தவை குறும்படங்கள் போட்டிப் பிரிவு தான். ஏராளமான இளைஞர்கள், புதிய படைப்பாளிகள் ஆர்வத்துடன் தங்கள் படங்களை இதற்கு அனுப்பி வைத்தனர். போட்டிக்கு வந்த 50க்கும் மேற்பட்ட படங்களில் 20 படங்களை மட்டும் விழாவில் திரையிட விழாக் குழுவினர் தெரிவு செய்தனர். இந்தப் படங்கள் ஏப்ரல் 25 மற்றும் 26ம் திகதி நோர்வே தலைநகர் ஆஸ்லோவில் திரையிடப்பட்டன. Kultursalen, Nedre Fossum Gard, Oslo தமிழர்கள் மற்றும் நோர்வையைச் சேர்ந்தவர்கள் மிகுந்த ஆர்வத்துடன் இந்தப் படங்களைப் பார்க்க வந்தனர். இரண்டு நாட்கள் திரையிடலின் முடிவில் 5 படங்களுக்கு விருதுகள் அறிவிக்கப்பட்டன. விருதுகள் வென்ற குறுப்படங்கள் விபரம்: படம்: தி மெசையா, நடிப்பு: தேசப்பன், தயாரிப்பாளர்: எஸ். பிரவீண்குமார், இயக்கம்: ஷரத் ஜோதி. படம்: ரோட்சைட் அம்பானிஸ், இயக்கம்: கமல் சேது படம்: நகல், இயக்குநர்: பொன் தயா படம்: பூச்சாண்டி, இயக்குநர்: சைமன் ஜார்ஜ் படம்: கள்ளத்தோணி, ஒளிப்பதிவு: செழியன், இயக்கம்: அருள் எழிலன். விருதுக்கான குறும்படங்களை குளோரியானா செல்வநாதன் தலைமையிலான குழுவினர் தெரிவு செய்தனர்.

. 
 

Read More

ஆட்டோ ஓட்டுனர் திருமணத்திற்கு சென்ற அமிர்கான்...

ஆட்டோ ஓட்டுனர் வீட்டு திருமணத்திற்கு சென்று மணமக்களை மனதார வாழ்த்தி அனைவரையும் அதிர்ச்சிக்கு உள்ளாக்கியுள்ளார் அமிர்கான்.

பாலிவுட் நடிகர் அமீர்கான் நடித்த “த்ரீ இடியட்ஸ்” இந்தி படத்தின் விளம்பரத்தின்போது, ஆட்டோ ஓட்டுனர் ராம் லக்கன் பஸ்வான் என்பவரது நட்பு அமீர்கானுக்கு கிடைத்தது. இதையடுத்து தன் மகன் ராஜிவ் திருமணத்தில் கலந்து கொள்ள வேண்டும் என ஆட்டோ ஓட்டுனர் கேட்டுக் கொண்டார். திருமணத்தில் நிச்சயம் கலந்துகொள்கிறேன் என, அமீர்கான் உறுதி அளித்தார். ஓராண்டுக்கு முன் அளித்த உறுதிமொழியை நினைவில் வைத்திருந்த அமீர்கான் மறக்காமல், உத்தரபிரதேசம் வாரணாசியில் நடந்த அந்த திருமணத்திற்காக புதன்கிழமை நள்ளிரவு அங்கு சென்றார். முதலில் தன் மாமா வீட்டுக்கு சென்ற அவர், பின்னர் திருமணம் நடந்த மெக்முர்கஞ்ச் சாருயாஸ்யா மண்டபத்திற்கு சென்றார். அவர் வருவதை முன்கூட்டியே அறிந்திருந்த பத்திரிகையாளர்களும், பொதுமக்களும் அங்கு திரண்டனர். இதனால், அங்கு குழப்பம் நீடித்தது. மேலும், அவர் நின்றிருந்த மேடை திடீரென சரிந்தது. பதட்டமடையாத அமீர்கான் சமாளித்து மேடையிலேயே நின்றார். தொடர்ந்து நிருபர்களிடம் பேசிய அமீர்கான் ஆட்டோ ஓட்டுனர் என் நண்பர்.

Read More

பிரான்சில் வேலையில்லாத் திண்டாட்டம் அதிகரிப்பு...

கடந்த 1999ஆம் ஆண்டில் 16,600 என்ற அளவில் இருந்த வேலையில்லாத் திண்டாட்டம் தற்போது 2.88 மில்லியனாக உயர்ந்துள்ளது.

2007ஆம் ஆண்டில் நடந்த தேர்தலின் போது சர்கோசி வேலையில்லாத் திண்டாட்டம் 5 சதவிகிதமாக குறைக்கப்படும் என உறுதி அளித்தார். ஆனால் தற்போது வேலையில்லாத் திண்டாட்டம் 9.3 சதவிகிதமாக அதிகரித்துள்ளது.

அத்துடன் மற்ற புள்ளி விபரங்களை கணக்கில் எடுத்துக் கொள்கையில், வீட்டுப் பொருட்களுக்கான விற்பனை சதவிகிதமும் கடந்த மாதத்துடன் ஒப்பிடுகையில் 2.9 சதவிகிதம் சரிந்து காணப்பட்டது.

Read More

சைனஸ் பிரச்னைக்கான நிரந்தர தீர்வுகள்...

கோடையில் உண்டாகும் சைனஸ் பிரச்னையை 2 வகையாகப் பிரிக்கலாம். ஒன்று திடீர் திடீரென வந்து போகும், அதிக வலியை தரும் சைனஸ். இன்னொன்று நிரந்தரமான ஆனால் குறைவான வலியைத் தரும் சைனஸ்.

முதல் வகையை நாசில்ஸ் ஸ்பிரே, நோய் எதிர்ப்பு மாத்திரைகளால் எளிதில் குணப்படுத்தி விடலாம். மிகச் சில பேருக்கு மட்டுமே அறுவை சிகிச்சை வரை போக வேண்டியதிருக்கும்.

சைனஸ் பிரச்னையை பொருட்படுத்தாமல் விடுவதால் வரும் 2-வது வகையை என்ன மருந்து கொடுத்தாலும் முழுமையாக குணப்படுத்தி விட முடியாது.

வலியை வேண்டுமானால் கட்டுப்படுத்த இயலும். பாதிக்கப்பட்ட அத்தனை திசுக்களையும் நீக்கினால் தான் முழு நிவாரணம் கிடைக்கும். தற்போதைய நவீன சிகிச்சை முறையில் திசுக்களை நீக்க வேண்டியதில்லை.

என்டோஸ்கோப்பிக் சைனஸ் அறுவை சிகிச்சை முறையில் அதை குணப்படுத்த முடிகிறது. குணப்படுத்த முடியாத சைனஸ் என்று எதுவும் இல்லை. மூடப்பட்ட சைனஸ் அறை கதவை திறந்து உள்ளே இருக்கும் சீழ் வெளியேற்றப்படும் வகையில் தற்போது சிகிச்சை அளிக்கப்படுகிறது.

Read More

கொல்கத்தா நைட் ரைடர்ஸ் அசத்தல் வெற்றி....

ஐ.பி.எல் லீக் போட்டியில் கொல்கத்தா நைட் ரைடர்ஸ் அணி 47 ஓட்டங்கள் வித்தியாசத்தில் அசத்தல் வெற்றி பெற்றது.

ஐந்தாவது ஐ.பி.எல் தொடரில் நேற்று நடந்த லீக் போட்டியில் கொல்கத்தா நைட் ரைடர்ஸ், பெங்களூரு றொயல் சாலஞ்சர்ஸ் அணிகள் மோதின.

நாணய சுழற்சியில் வெற்றி பெற்ற கொல்கத்தா அணித்தலைவர் காம்பீர் துடுப்பெடுத்தாட முடிவு செய்தார்.

கொல்கத்தா அணிக்கு மெக்கலம், காம்பிர் ஜோடி சூப்பர் தொடக்கம் தந்தனர். ஜாகிர் கான் வீசிய முதல் பந்தில் இருந்தே அதிரடி தொடங்கியது. இவரது ஓவரில் பவுண்டரிகளாக விளாசிய காம்பிர், அப்பன்னா, வினய் குமார் என ஒருவரையும் விட்டு வைக்கவில்லை. வெட்டோரி ஓவரில் அடுத்தடுத்து பவுண்டரி அடித்த மெக்கலம் 43 ஓட்டங்களுக்கு ஆட்டமிழந்தார்.

அதிரடியை நிறுத்தாத காம்பிர், ஹர்ஷால் படேல், அப்பன்னா மற்றும் வெட்டோரி பந்துகளை சிக்சராக மாற்றினார். இவர் 93 ஓட்டங்களுக்கு ஆட்டமிழந்து, சதம் அடிக்கும் வாய்ப்பை இழந்தார்.

மூன்று சிக்சர் அடித்த காலிஸ் 41 ஓட்டங்களில் வெளியேறினார். கடைசி பந்தில் யூசுப் பதான்(7) ஆட்டமிழக்க, கொல்கத்தா நைட் ரைடர்ஸ் அணி, 20 ஓவரில் 4 விக்கெட்டுக்கு 190 ஓட்டங்கள் எடுத்தது.

கடின இலக்கை துரத்திய பெங்களூரு அணிக்கு தொடக்கமே அதிர்ச்சி காத்திருந்தது. யூசுப் பதானின் முதல் ஓவரில் தில்ஷன்(1) ஆட்டமிழந்தார். விராத் கோஹ்லியை(18) காலிஸ் கவனித்து அனுப்பினார். அடுத்த பந்திலேயே அபாயகரமான டிவிலியர்ஸ் ஆட்டமிழந்தார். பாட்யா பந்தில் சிக்சர் அடித்த சவுரப் திவாரி(19) அவரிடமே சிக்கினார்.

ஒருமுனையில் விக்கெட் சரிந்த போதும், உறுதியான ஆட்டத்தை வெளிப்படுத்தினார் கெய்ல். 12 ஓட்டங்களில் தப்பிப் பிழைத்த இவர், வாய்ப்பை கெட்டியாக பிடித்துக் கொண்டார். யூசுப் பதான், பாட்யா பந்துகளில் தலா ஒரு சிக்சர் அடித்த கெய்ல், பின் பிரட் லீ பந்தையும் சிக்சருக்கு விரட்டினார். மயங்க் அகர்வால்(10) ஏமாற்றினார்.

பாட்யா வீசிய 19வது ஓவரில் கெய்ல் 3 சிக்சர், ஒரு பவுண்டரி அடிக்க, பெங்களூரு அணியின் வெற்றிக்கு கடைசி ஓவரில் 53 ஓட்டங்கள் தேவைப்பட்டன. சுக்லா வீசிய இந்த ஓவரில் கெய்ல்(86) ஆட்டமிழந்தார்.

20 ஓவரில் பெங்களூரு றொயல் சாலஞ்சர்ஸ் அணி 6 விக்கெட்டுக்கு 143 ஓட்டங்கள் மட்டும் எடுத்து, 47 ஓட்டங்கள் வித்தியாசத்தில் தோல்வியடைந்தது.

Read More

லண்டனில் துப்பாக்கி முனையில் நான்கு பேர் சிறைபிடிப்பு,,,

மத்திய லண்டனில் உள்ள அடுக்குமாடி குடியிருப்பில் துப்பாக்கி முனையில் நான்கு பேரை சிறை பிடித்து வைத்திருந்த நபர், நீண்ட போராட்டத்திற்கு பிறகு கைது செய்யப்பட்டார்.

சிறைபிடித்த பின் அங்கு காஸ் சிலிண்டர்களை வெடிக்கச் செய்வதாகவும் அச்சுறுத்தி வந்துள்ளார்.

இது குறித்து லண்டன் பொலிஸ் செய்தி தொடர்பாளர் கூறுகையில், டாட்டென்காம் கோர்ட் சாலையில் உள்ள அடுக்கு மாடி குடியிருப்பில் 100 மீட்டர் இடைவெளியில் இச்சம்பவம் நடந்தது.

5 வது மாடியிலிருந்து ஜன்னல் வழியாக சத்தம் வருவதாகவும் ‌‌மற்ற தகவல்கள் ஏதும் தெரியவரவில்லை எனவும் தெரிவித்தார்.

அதன் பின் லண்டன் பொலிஸாரின் தீவிர முயற்சிக்கு பின், சிறை பிடித்து வைத்துள்ள நபர் கைது செய்யப்பட்டார்.

Read More