3 கன்றுக் குட்டிகளை ஒரேநேரத்தில் ஈன்ற பசு!!!

வட­மேற்கு இங்­கி­லாந்­தி­லுள்ள பண்­ணை­யொன்றைச் சேர்ந்த பசு­வொன்று ஒரேசம­யத்தில் 3 கன்­றுக்­குட்­டி­களை ஈன்­றுள்­ளது.

இவ்­வாறு பசு­வொன்று ஒரே சம­யத்தில் 3 கன்­றுக்­குட்­டி­களை ஈனு­வது 700000 க்கு ஒன்று என்ற விகிதத்தில் இடம்­பெறும் அபூர்வ நிகழ்­வாகும்.

விர்ரல் எனும் இடத்­தி­லுள்ள கிறீன் ஹவுஸ் பண்­ணையைச் சேர்ந்த 901 ஆம் இலக்க பசுவே இயற்­கை­யான முறையில் கருத்­த­ரித்து இவ்­வாறு 3 (காளை) கன்­று­களை அபூர்­வ­மான முறையில் ஈன்­றுள்­ளது.

இந்த 3 கன்­றுக்­குட்­டி­களும் வெவ்­வேறு மூலவுருக்கலங்களிலிருந்து விருத்தியாகியுள்ளன.தமை குறிப்பிடத்தக்கது.

Read More

60 செக்கன்களில் இணைய உலகம்...நம்ப முடிகிறதா!!!

இணைய உலகம் என்றும் பரபரப்பானது. சுறுசுறுப்பாக இயங்கும் இணைய உலகத்திற்கு 24 மணித்தியாலங்கள் நிச்சயம் போதாது.

அங்கு 60 செக்கனுக்குள் பல ஆயிரக் கணக்கான செயற்பாடுகள் நடைபெற்றுக் கொண்டு இருக்கின்றன. அதேபோல் கோடிக்கணக்கான பாவனையாளர்கள் தங்கள் நேரத்தை அதில் செலவழிக்கின்றனர்.

ஸ்கைப் அழைப்புகள்,பேஸ்புக் லைக்கள்,டுவிட்கள்,பிலிக்கர்கள் படங்கள், யு டியுப்  காணொளிகள் என்பன இதில் அடங்கும்.

இதனை தெளிவாகக் காட்டும் பொருட்டு 'கிவ்மீ' என்ற நிறுவனம் 'இன்போகிராப்' ஒன்றை வெளியிட்டுள்ளது.

பிசி மெக், பிஸ்னஸ் இன்சைடர், போமட்,டெய்லிமெய்ல்,போன்ற பிரபல இணையத்தளங்கள் சிலவற்றில் இருந்து பெறப்பட்ட தரவுகளை அடிப்படையாகக் கொண்டே இதனை 'கிவ்மீ' வெளியிட்டுள்ளது.

இதன் அடிப்படையில் நிமிடமொன்றில்....

1. பேஸ்புக்கில் 1.8 மில்லியன் 'லைக்ஸ்' போடப்படுகின்றது.

2. 216,000 படங்கள் இன்ஸ்ரகிராமில் பரிமாற்றப்படுகின்றன.

3. கூகுளில் 2 மில்லியன் தேடல்கள் இடம்பெறுகின்றன.

4. அமேசன் இணையத்தளத்தில் 83,000 அமெரிக்க டொலர்கள் பெறுமதியான விற்பனை நடவடிக்கைகள் இடம்பெறுகின்றன.

5. 278,000  டுவிட்கள் பதிவு செய்யப்படுகின்றன.

6. யுடியூப்பில் 72 மணித்தியாலங்கள் ஓடக்கூடிய காணொளிகள்.

7. புதிய இணைய முகவரிகள் 70 பதிவு செய்யப்படுவதுடன் 571 தளங்கள் உருவாக்கப்படுகின்றன.

8.  204 மில்லியன் மின்னஞ்சல்கள் அனுப்பப்படுகின்றது.

Go-Globe.com  இதேபோன்ற 'இன்போகிராப்' ஒன்றை கடந்த வருடம் ஜூன் மாதம் வெளியிட்டிருந்தது.

Read More

ஆபாசம் தொடர்பான விடயங்கள் கூகிள் தேடலில் வராமல் தடுப்பது எப்படி???

இப்போது தேடுதல் என்பதற்கு மறு பெயராக குறிப்பிட கூடியது கூகிள் தேடுதளம் இந்த தளத்தில் நாம் தேடும் போது தவறுதலாக ஆபாச படங்கள் வந்து சேர்ந்துவிடும் இதை தடுப்பதற்கு கூகிள் ஒரு வசதியை தந்துள்ளது. இந்த வசதி எவ்வாறு இயக்கப்பட வேண்டும் என்பதை பார்ப்போம் ஆபாச தகவல் Google தேடலில் வராமல் Lock செய்வது எப்படி..? நாம் வீட்டில் இல்லாத போது குழந்தைகள் ஆபாச தளங்கள் பார்க்காமல் இருக்க சிறந்த வசதி google வழங்குகிறது அது எப்படி என்று பார்க்கலாம் .

…முதலில் கூகிள் தளம் சென்று உங்கள் User name, password கொடுத்து Login செய்யுங்கள்.

பிறகு settings தேர்வு செய்து search settings click செய்யுங்கள்.

அல்லது

http://www.google.com/preferences ஓபன் பண்ணுங்கள்..

Safe serrch Filtering சென்று உங்களுக்கு தேவையானவாறு நிறுவுங்கள், அடுத்து Safe SearchFiltering கீழே உள்ள Lock safe search கிளிக் செய்துகொள்ளுங்கள்.

Locking Process நடைபெறும் பிறகு Safe search Locked என்று தோன்றும் சரியாக Lock ஆகா விட்டால் மீண்டும் ஒரு முறை சென்று Lock safe search கொடுங்கள்.

அவ்வளவுதான் இனி ஆபாசம் சம்மந்தமான எந்த தகவலும் உங்கள் குழந்தைகளுக்கு Google வழங்காது.

இதன் பிறகு google search பக்கத்தில் நீங்கள் Lock செய்த அடையாளமாக வண்ண பந்துகள் அடையாளமாக தோன்றும் .

நீங்கள் இதனை Unlock செய்ய மீண்டும் Search setting சென்று unlock என்று மாற்றிவிடுங்கள்.

google எவ்வளவு பாதுகாப்பானது பாருங்கள்…

Setting போய் பாத்துட்டு அட ஆமா இருக்கு’ல ன்னு சும்மா இருக்காம… setting correct’ah பண்ணுங்க…

Read More

ஆமையை பிரசவித்த அதிசய பெண் – அதிர்ச்சி படம்...

உலகில் எத்தனையோ விதமான நம்பமுடியாத அதிசயமான உண்மைகள் இடம்பெறுகின்றன.இருந்தபோதிலும் சில சம்பவங்களை நாம் இணையங்களின் மூலம் அறிகின்ற போது அவற்றின் உண்மைத்தன்மைய 100 வீதம் உறுதிப்படுத்த முடிவதில்லை என்பது ஒருபுறம் இருக்க நம்பமுடியாத பல விசித்திரங்கள் உலகில் இடம்பெற்றுக்கொண்டிருக்கின்றது என்பதும் நாம் நம்பியாகவேண்டிய உண்மை. இன்று புதியஉலகம் இணையத்தில் நீங்கள் பார்க்க இருக்கும் ஒரு விசித்திர தகவல் உண்மையில் நம்ப மறுக்கும் இயற்கைக்கு புறம்பான ஒரு தகவலே.

பல ஆங்கில இணையத்தளங்களில் வெளிவந்து சர்ச்சையை கிளப்பிய ஒரு செய்தியே இது. இதன் உண்மைத்தன்மை பற்றி புதியஉலகம் குழுமம் உறுதிப்படுத்த முடியவில்லை எனினும் அத்தளங்களில் வெளிவந்த செய்தியினை உங்களுக்கு அப்படியே தருகிறோம். அந்த ஆச்சரியமூட்டும் செய்தி என்ன என்பதை தலைப்பை பார்த்து புரிந்துகொண்டிருப்பீர்கள். ஆம் ஒரு பெண் சாதாரணமா குழந்தையை பிரசவிப்பாள் ஆனால் இங்கு ஒரு ஆமையை பிரசவித்திருக்கிறாள் என்பதே அந்த அதிர்ச்சி செய்தி. கடந்த சில ஆண்டுகளுக்கு முன்பு சில ஆங்கில இணையங்களில் வெளிவந்த அச்செய்தி மேலும் குறிப்பிடுகையில்:-

20 வயதான ரசீதா ரைமி எனப்படும் குறித்த பெண் 10 மாதங்கள் கர்ப்பமுற்றிருந்த நிலையில் ஒரு குழந்தையை பிரசவித்திருக்கிறாரள். இதோடு சேர்ந்து ஒரு ஆமை ஒன்றையும் பிரசவித்திருக்கிறாள். லாகோஸ் புறநகர்பகுதியில் வசிக்கும் குறித்த பெண் ஆமையுடன் சேர்த்து ஒரு குழந்தையினையும் தேவாலய பூஜை ஒன்றுக்கு சென்று அங்கு பிரார்த்தனையில் இருக்கும் போதே அதிக வலி ஏற்பட்டு இவ் அதிசய நிகழ்வு இடம் பெற்றதாக குறிப்பிடப்பட்டுள்ளது.

குறித்தபெண் பிரசவத்திற்கு முன்னர் பலமுறை டாக்டர்களிடம் மருத்துவ பரிசோதனை செய்து பார்த்தபோது மருத்துவர்கள் குழந்தைபற்றிய தகவல்களை மட்மே வழங்கியதாகவும் வயிற்றில் வித்தியாசமான வேறு எந்த விடயங்களோ காணப்படுவதாக குறிப்பிடவில்லை எனவும் குறிப்பிட்டார். எனினும் தான் பின்னர் தேவாலயத்தில் பிரார்த்தனையில் இருக்கும் போது வலி ஏற்பட தான் வயிற்றில் விசித்திரமான ஒரு அசைவை உணர்ந்ததாகவும் தான் அது ஒரு பல்லியாக உணர்ந்ததாகவும் சம்பவம் தொடர்பாக குறித்த பெண் விபரித்தார் என குறிப்பிடப்பட்டுள்ளது.

மேலும் வலி அதிகரித்து தொப்புள் கொடியினை அறுத்துக்கொண்டு முதலில் ஆமைதான் வெளியில் வந்து விழுந்ததாகவும் பின்னரோ குழந்தை பிறந்ததாகவும் தொடரும் அச்செய்தி இயற்கைக்கு மாறாக நடைபெறும் எத்தனையோ சம்பவங்களை விஞ்ஞானமோ தொழில்நுட்பமோ இன்னும் கண்டுபிடிக்கமுடியாமல் உள்ளது. எனவே விஞ்ஙானத்தினையும் மீறிய சில அதிசயங்கள் இடம்பெறுவதை நாம் நம்பித்தான் ஆகவேண்டும் என்கிறது அச்செய்தி.

(copied from puthiyaulakam.com)

Read More

40,000 ரூபாயில் ஹெலிகாப்டர்....இந்திய மெக்கானிக் சாதனை !!!

ஒரிசாவை சேர்ந்த அபுமன்யூ சமால் (Abhmanyu Samal) என்னும் இவர் தனியாளாக ஒரு ஹெலிகாப்டரை உருவாக்கியுள்ளார்...இவருக்கு வயது 40. இவர் ஒரு மெக்கானி.. இரண்டு வருட கடின உழைப்பில் இதனை உருவாக்கியுள்ளார்...இதற்காக இவர் செய்த செலவு வெறும்40,000 மட்டுமே..இருசக்கர வாகனத்திற்கு பயன்படும் இஞ்சினை இதில் பயன்படுத்தியுள்ளார்...இதன் எரிபொருள் கொள்ளளவு 5 லிட்டர்...இதன் வேகம் 120கி/மஇவரை போன்ற திறமைசாளிகளை வெளிகொண்டுவந்துஊக்குவித்தால்....கோடி கோடியாய் ஊழல் செய்து வெளிநாட்டிலிருந்து ஹெலிகாப்டர் வாங்க தேவையில்லை....நாமே செய்துவிடலாம்... அவனைவிட தரமாக...திறமைசாளிகளுக்கு பாரதத்தில் என்றுமே பஞ்சமில்லை...அதற்கு ஓர் சிறந்த உதாரணம் இந்த விஞ்ஞானி...

Read More

2015 உலக கோப்பை கிரிக்கெட் அட்டவணை வெளியீடு...

உலக கோப்பை கிரிக்கெட் போட்டி 4 ஆண்டுகளுக்கு ஒருமுறை நடைபெற்று வருகிறது. 2011–ம் ஆண்டுக்கான உலக கோப்பை போட்டியை இந்தியா, இலங்கை, வங்காள தேசம் ஆகியவை இணைந்து நடத்தியது. இதில் இலங்கை அணியை வீழ்த்தி டோனி தலைமையிலான இந்திய அணி உலக கோப்பையை கைப்பற்றியது.

2015–ம் ஆண்டுக்கான உலக கோப்பை போட்டியை ஆஸ்திரேலியா, நியூசிலாந்து ஆகிய நாடுகள் இணைந்து நடத்துகின்றன. 23 ஆண்டுக்கு பிறகு அங்கு உலக கோப்பை போட்டி நடக்கிறது. 1992–ம் ஆண்டு நடந்த அந்த உலக கோப்பை போட்டியில் இம்ரான்கான் தலைமையிலான பாகிஸ்தான் அணி சாம்பியன் பட்டம் பெற்றது.

2015–ம் ஆண்டுக்கான உலக கோப்பை கிரிக்கெட் போட்டிக்கான அட்டவணை இன்று வெளியிடப்பட்டது.

பிப்ரவரி 14–ந்தேதி போட்டி தொடங்குகிறது. மார்ச் 29–ந்தேதி வரை உலக கோப்பை போட்டி நடக்கிறது. இந்தப்போட்டியில் 14 நாடுகள் பங்கேற்கின்றன. அவை இரண்டு பிரிவாக பிரிக்கப்பட்டுள்ளன.

இந்தியா, பாகிஸ்தான் அணிகள் ஒரே பிரிவில் (‘பி’ பிரிவு) இடம் பெற்று உள்ளன.

இரண்டு பிரிவிலும் இடம் பெற்றுள்ள அணிகள் வருமாறு:–

‘ஏ’ பிரிவு:- இங்கிலாந்து, ஆஸ்திரேலியா (போட்டியை நடத்தும் நாடு), இலங்கை, வங்காளதேசம், நியூசிலாந்து (போட்டியை நடத்தும் நாடு), குவாலிபையர் 2, குவாலிபையர் 3.

‘பி’ பிரிவு:– தென் ஆப்பிரிக்கா, இந்தியா, பாகிஸ்தான், வெஸ்ட் இண்டீஸ், ஜிம்பாப்வே, அயர்லாந்து, குவாலிபையர் 4.

தகுதி சுற்று போட்டியில் இருந்து 3 அணிகள் தகுதி பெறும்.

ஒவ்வொரு அணியும், தங்கள் பிரிவில் உள்ள மற்ற அணிகளுடன் தலா ஒரு முறை மோத வேண்டும். ‘லீக்’ முடிவில் இரண்டு பிரிவில் இருந்தும் முதல் 4 இடங்களை பிடிக்கும் அணிகள் கால் இறுதிக்கு தகுதி பெறும்.

உலக கோப்பை போட்டியின் தொடக்க ஆட்டம் நியூசிலாந்தில் உள்ள கிறிஸ்ட் சர்ச்சில் நடக்கிறது. இதில் இலங்கை– நியூசிலாந்து அணிகள் மோதுகின்றன. பகல் ஆட்டமாக இந்தப் போட்டி நடக்கிறது. அதே தினத்தில் (பிப்ரவரி 14) ஆஸ்திரேலியாவில் உள்ள மெல்போர்னில் நடைபெறும் ஆட்டத்தில் இங்கிலாந்து– ஆஸ்திரேலியா மோதுகின்றன. பகல்– இரவாக இந்த ஆட்டம் நடக்கிறது.

இந்திய அணி தொடக்க ஆட்டத்தில் பரம்பரை எதிரியான பாகிஸ்தானை சந்திக்கிறது. இந்த ஆட்டம் பிப்ரவரி 15–ந்தேதி அடிலெய்டுவில் நடக்கிறது. அதை தொடர்ந்து 22–ந்தேதி தென்ஆப்பிரிக்க அணியை சந்திக்கிறது.

4 கால் இறுதி ஆட்டங்களில் 3 போட்டி ஆஸ்திரேலியாவிலும் (சிட்னி, மெல்போர்ன், அடிலெய்டு), ஒரு போட்டி நியூசிலாந்திலும் (வெலிங்டன்) நடக்கிறது. முதல் அரை இறுதி ஆட்டம் மார்ச் 21–ந்தேதி ஆக்லாந்திலும், 2–வது அரை இறுதி ஆட்டம் மார்ச் 26–ந்தேதி சிட்னியிலும் நடக்கிறது. இறுதிப்போட்டி மார்ச் 29–ந்தேதி மெல்போர்னில் நடக்கிறது.

Read More