சாம்பியன்ஸ் லீக் : முதல் வெற்றியை தனதாக்கிய சென்னை சூப்பர் கிங்ஸ்

சாம்பியன்ஸ் லீக் போட்டியில் கேப் கோப்ராஸிக்கு எதிரான ஆட்டத்தில்

4 விக்கெட் வித்தியாசத்தில் வெற்றி கண்டது சென்னை சூப்பர் கிங்ஸ்.

இதன்மூலம் இந்தத் தொடரில் முதல் வெற்றியை தனதாக்கியது சூப்பர் கிங்ஸ். முதலில் ஆடிய கேப் கோப்ராஸ் 20 ஓவர்களில் 7 விக்கெட் இழப்புக்கு 145 ரன்கள் குவித்தது. பின்னர் ஆடிய சென்னை 19.4 ஓவர்களில் 6 விக்கெட் இழப்புக்கு 146 ரன்கள் எடுத்து வெற்றி கண்டது.

சென்னையில் நேற்று புதன்கிழமை நடைபெற்ற ஆட்டத்தில் பூவா தலையா வென்று துடுப்பெடுத்தாடிய கேப் கோப்ராஸ் அணியில் ரிச்சர்டு லெவி 6 ரன்களில் அஸ்வின் பந்துவீச்சில் ஆட்டமிழந்தார். 14 பந்துகளைச் சந்தித்த கிப்ஸ் 3 பவுண்டரிகளுடன் 18 ரன்கள் எடுத்தார்.

பின்னர் வந்த டி.ஜே.விலாஸ் 19 பந்துகளில் 1 சிக்ஸர், 1 பவுண்டரியுடன் 18 ரன்கள் எடுத்தார். இதன்பிறகு ஜோடி சேர்ந்த ஓவைஸ்ஷாவும், டுமினியும் சற்று அதிரடியாக விளையாட அந்த அணியின் ஸ்கோர் உயர்ந்தது. 24 பந்துகளைச் சந்தித்த டுமினி 1 சிக்ஸர், 2 பவுண்டரிகளுடன் 29 ரன்கள் எடுத்து ஆட்டமிழந்தார். ஓவைஸ்ஷா 38 பந்துகளில் 1 சிக்ஸர், 3 பவுண்டரிகளுடன் 45 ரன்கள் எடுத்து வெளியேறினார். அந்த அணி 20 ஓவர்களில் 7 விக்கெட் இழப்புக்கு 145 ரன்கள் குவித்தது. சென்னை தரப்பில் மோர்கல், பொலிங்கர், பிராவோ ஆகியோர் தலா 2 விக்கெட்டுகளை வீழ்த்தினர்.

பதிலுக்கு துடுப்பெடுத்தாடிய சென்னை அணியில் விஜய் 14, ஹசி 29, பத்ரிநாத் 2, சாஹா 6, ரெய்னா 20 ரன்களுக்கு வெளியேற 5 விக்கெட் இழப்புக்கு 77 ரன்கள் என்ற நிலைக்கு தள்ளப்பட்டது சூப்பர் கிங்ஸ். கேப்டன் டோனி 17 பந்துகளில் 15 ரன்கள் மட்டுமே எடுத்தார். மறுமுனையில் பிராவோ அதிரடியில் இறங்கினார்.

சென்னை அணி வெற்றிபெற கடைசி 2 ஓவர்களில் 23 ரன்கள் தேவைப்பட்டபோது, ஸ்டெயின் வீசிய 19-வது ஓவரை எதிர்கொண்ட பிராவோ அந்த ஓவரில் ஒரு சிக்ஸரையும், 2 பவுண்டரிகளையும் விளாசினார். இதனால் சென்னையின் வெற்றி எளிதானது.

19.4 ஓவர்களில் 6 விக்கெட் இழப்புக்கு 146 ரன்கள் எடுத்து வெற்றி கண்டது சென்னை சூப்பர் கிங்ஸ். பிராவோ 25 பந்துகளில் 2 சிக்ஸர், 3 பவுண்டரிகளுடன் 46 ரன்களும், மோர்கல் 6 ரன்களும் எடுத்து களத்தில் இருந்தனர். கேப் கோப்ராஸ் தரப்பில் டுமினி 4 விக்கெட்டுகளை வீழ்த்தினார். பிராவோ ஆட்டநாயகனாகத் தேர்வு செய்யப்பட்டார்.

Read More

செல்போன் கேம்ராவை ஆன் செய்து தூக்கில் தொங்கிய எம்பிஏ பட்டாதாரி பெண்!

தனது செல்போன் கேமராவை ஆன் செய்துவிட்டு தூக்கு போட்டு எம்பிஏ பட்டாதாரி பெண் ஒருத்தி தூக்குப்போட்டு தற்கொலை செய்து கொண்ட சம்பவம்

மும்பையில் பரபரப்பை ஏற்படுத்தியுள்ளது. மும்பை அந்தேரி கிழக்கு பகுதியில் வசித்து வந்தவர் சம்தாஷி (25).இவர் மும்பையில் உள்ள தனியார் வங்கியில் உதவி மேலாளராக பணிபுரிந்து வருகிறார்.இவரது மனைவி நிதிஜிங் (24).

எம்பிஏ பட்டாதாரியான இவர்,தனியார் நிறுவனத்தில் நிர்வாக பிரிவில் அதிகாரியாக வேலை பார்த்து வந்தார்.நீண்ட நாட்களாக காதலித்து வந்த இவர்கள், கடந்த பிப்ரவரி மாதம்தான் திருமணம் செய்துகொண்டனர்.

இந்நிலையில் இருவருக்கும் இடையே சமீப காலமாக சில கருத்துவேறுபாடுகள் நிலவி வந்ததாக தெரிகிறது. 

நேற்று காலை சம்தாஷி வழக்கம் போல வேலைக்கு புறப்பட்டுக் கொண்டிருந்தார். அப்போது நிதிஜிங்,தமது கணவரிடம்," உங்களிடம் சிறிது பேச வேண்டி உள்ளது. எனக்காக 10 நிமிடங்கள் ஒதுக்குங்கள்!" என்று கேட்டார்.இதற்கு ஒப்புக் கொண்ட சம்தாஷி 10 நிமிடங்கள் அவருடன் பேசினார். 

பின்னர் சம்தாஷி அலுவலகத்திற்கு கிளம்பிய போது மீண்டும் அவரை தடுத்து நிறுத்தினார் சம்தாஷி.ஆனால் அலுவலகத்திற்கு நேரமாகிவிட்டதால், சம்தாஷி கோபம் அடைந்து அவரை சத்தம் போட்டுவிட்டு புறப்பட்டு சென்று விட்டார். 

இந்நிலையில் சிறிது நேரம் கழித்து, தனது செல்போனில் கணவருக்கு “சாரி” என்று எஸ்எம்எஸ் அனுப்பினார். 

ஆனால் அந்த சம்தாஷி பொருட்படுத்தவில்லை.கணவரிடம் இருந்து எந்த பதிலும் வரவில்லை. 

இதனால் மனமுடைந்த அவர், தற்கொலை செய்துகொள்ள முடிவு செய்ததாக தெரிகிறது. 

தனது தற்கொலை காட்சியை கணவர் பார்க்க வேண்டும் என்பதற்காக அதை தனது செல்போனில் பதிவு செய்ய தீர்மானித்தார்.இதனையடுத்து தனது பெட்ரூமில் தூக்கில் தொங்கி தற்கொலை செய்வதற்கான ஏற்பாடுகளை செய்து விட்டு செல்போனில் உள்ள கேமிராவை ஆன் செய்து அதை சரியான கோணத்தில் பொருத்தி வைத்தார். 

பின்னர் தூக்கில் தொங்கி உயிரை விட்டார்.மதியம் நிதிஜிங்கின் தந்தை போன் செய்தார். பதில் இல்லாததால் அருகில் குடியிருக்கும் உறவினரிடம் விபரத்தை சொல்லி, நேரில் போய் பார்த்து விட்டு வருமாறு கேட்டுக் கொண்டார்.அவர் போய் கதவை தட்டியபோது எந்த பதிலும் வராததால், நிதிஜிங்கின் கணவருக்கு தகவல் தெரிவித்தார். 

அவர் வீட்டிற்கு வந்ததும், மீண்டும் கதவை தட்டி பார்த்தும் பதில் வராததால், இது குறித்து காவல்துறைக்கு தகவல் தெரிவித்தனர். 

காவல்துறையினர் விரைந்து வந்து கதவை உடைத்து உள்ளே சென்று பார்த்தபோதுதான், நிதிஜிங் தூக்குப் போட்டு தற்கொலை செய்துகொண்டிருப்பது தெரியவந்தது. 

போலீசார் நிதிஜிங்கின் உடலை கைப்பற்றி பிரேத பரிசோதனைக்கு அனுப்பி வைத்தனர். நிதிஜிங்கின் செல்போனை கைப்பற்றி அதை பரிசோதித்து பார்த்தனர்.அதில் நிதிஜிங் தூக்கில் தொங்கும் காட்சி பதிவாகி இருந்தது. 

அத்துடன் அதில், " எனது சாவுக்கு யாரும் காரணம் இல்லை.நான் மட்டுமே பொறுப்பு. சிறிய மனக்கசப்பு காரணமாகவே இந்த முடிவை நான் எடுத்தேன். யாருடைய மனதையும் புண்படுத்த விரும்பவில்லை. அடுத்த பிறவியில் எனது குடும்பத்துக்கும், கணவரின் குடும்பத்துக்கும் பொதுவான நடுவராக பிறக்க விரும்புகிறேன்" என்று நிதிஜிங் பேசியிருப்பதும் பதிவாகி இருந்தது. 

இதைப் பார்த்து கணவர் மற்றும் உறவினர்கள் அதிர்ச்சி அடைந்தனர்.அதே சமயம் காவல்துறையினர் இது குறித்து மேற்கொண்டு விசாரணை நடத்தி வருகிறார்.

Read More

Samsung வெளியிடும் வளையக்கூடிய திரையுள்ள தொலைபேசிகள்

Galaxy Skin கைத்தொலைபேசியினை நீங்கள் சுற்றி உங்கள் கைகளுக்குள் வைத்துக்கொள்ளலாம்.

வளையக்கூடிய AMOLED திரைகள் 4.5 அங்குலம் அகலமாகவும் 0.3மி.மீ. தடிப்பாகவும் இருக்குமென இவ்வருடம் ஜனவரியில் அறிமுகக் கருத்துவெளியிட்டபோது Samsung கூறியிருந்தது.இதனைச் சுத்தியல் கொண்டு அடித்தாலும் அதனைத் தாங்கக்கூடியவாறிருக்கும். ‘கிறபீன்’ எனும் அணுவைப் போன்ற தடிப்புள்ள படிகளைக் கொண்ட காபன் உறைகளால் இதன் திரை பாதுகாக்கப்படும்.கிறபீன் திரைகளை உடைக்கமுடியாது. இதன்மூலம் ஏனைய கையடக்கத் தொலைபேசிகளுக்கும் பயன்படுத்தக்கூடியவாறு உடனடி அனுகூலமாக உருவாகியுள்ளது.

Read More

பிரமாண்டமாக அரங்கேற தயாராகும் சேக்ஸ்பியரின் 37 நாடகங்கள்

ஆங்கிலேய நாடக ஆசிரியர் வில்லியம் சேக்ஸ்பியரின் 37 நாடகங்களும் 37 மொழிகளில் அரங்கேற்றப்படவுள்ளன.

இந்த நிகழ்வுகள் 2012 ஒலிம்பிக்கின் கலாச்சார விழாக்களாக அரங்கேற்றப்படுவதற்கான ஒத்திகைகளாக இடம்பெறுகின்றன.

இவை உருது, சுவாஹலி ஆகிய மொழிகளிலிருந்து பிரபல்யமான மொழிகள்வரை அரங்கேற்றப்படுகின்றன.

முக்கியமாக ஆங்கிலேய உலகிலிருந்து Henry V உம் சிக்காக்கோவின் நிறுவனத்தினால் Othello உம் அரங்கேற்றப்படவுள்ளன.

அதேவேளை லண்டன் நிறுவனத்தினால் பிரித்தானியாவின் சைகை மொழியினால் Love’s Labor’s Lost என்ற நாடகம் அரங்கேற்றப்படுவது இதுதான் முதல் முறையாகும்.

இவற்றை அந்தந்த நாடுகளின் நிறுவனங்கள் ஒழுங்குபடுத்துகின்றன. ஹிந்தியில் Twelfth Night உம் கிரேக்க மொழியில் Pericles உம் சுவாஹலியில் Merry Wives of Windsor இஸ்ரேலின் ஹபிமா நிறுவனம் The Merchant of Venice நாடகத்தினையும் அரங்கேற்றியது.

Read More

அநுராதபுரம் , யாழ் வீதியில் பேருந்தும் லொறியும் விபத்தில் சிக்கியதில் 25 போர்வரை காயமடைந்தனர்!

அநுராதபுரம் யாழ்ப்பாண வீதியிலுள்ள றாமகலே பகுதியில் இன்று செவ்வாய்க்கிழமை நடைபெற்ற பாரிய வாகன விபத்தில் 25 பேர்வரை

காயமடைந்துள்ளதாக அநுராதபுரம் தலைமயக பொலிஸ் நிலைய போக்குவரத்து பிரிவு பொறுப்பதிகாரி பாலித்த நிஸ்ஸங்க தெரிவித்தார்.

யகல்ல பகுதியிலிருந்து அநுராதபுரம் நோக்கி பயணித்து கொண்டிருந்த இலங்கை போக்குவரத்து சபைக்கு சொந்தமான பேருந்து இயந்திர கோளாறு காரணமாக எதிரே கொழும்பிலிருந்து வவுனியா நோக்கி பயணித்துக்கொண்டிருந்த லொறி ஒன்றுடன் மோதியுள்ளது. இதன்போது பேரூந்தின் பின்னால் வந்த மோட்டார் சைக்கிளும் பேரூந்துடன் மோதி பெரும் சேதத்துக்குள்ளாகியுள்ளது.

இதனால் பேருந்து மற்றும் லொறிகளின் சாரதிகள் உட்பட 25 பேர் காயங்களுக்குள்ளாகி அநுராதபுரம் போதனா வைத்தியசாலையில் அனுமதிக்கப்பட்டுள்ளனர். இவர்களில் 12 பேர் பெண்களாவர். இது தொடர்பான மேலதிக விசாரணைகளை அநுராதபுரம் தலைமயக பொலிஸார் மேற்கொண்டு வருகின்றனர்.

Read More

G.C.E.A/L results will be release on November

The Examinations Department has made arrangements to release the results of the G.C.E.Advanced Level results by end of November.

Commissioner General of Examinations Anura Edirisinghe said that 147,761 candidates under the old syllabus and 147,100 candidates under the new syllabus sat for the Advanced Level examinations which was held from August 8th to September 3rd.


The examination covered 64 subjects under Science, Arts and Commerce streams

Read More