வெளிநாடுகளின் அழுத்தங்கள், சூழ்ச்சிகளுக்கு இடமளியோம்!- மேதினக் கூட்டத்தில் ஜனாதிபதி மகிந்த...

எமது நாட்டின் மனித உரிமைகள் குறித்த அக்கறையில் சில வெளிநாடுகள் பேசவில்லை. மாறாக இலங்கை இன்னும் அவர்களின் காலனித்துவ நாடு என்ற எண்ணத்திலேயே சில நாடுகள் செயற்படுகின்றன என்று கொழும்பு மேதினக் கூட்டத்தில் உரையாற்றுகையில் ஜனாதிபதி மகிந்த ராஜபக்ச தெரிவித்தார்.    

 கொழும்பு மாநகர சபைத் திடலில் நடைபெற்ற ஆளும் ஐக்கிய மக்கள் சுதந்திர முன்னணியின் மே தினக் கூட்டத்தில் உரையாற்றும் போதே ஜனாதிபதி மகிந்த ராஜபக் இவ்வாறு கூறினார்.

மனித உரிமைகள் என்ற பெயரில் எமது உரிமைகளை , தேசத்தின் உரிமையை உழைக்கும் மக்களின் உரிமைகளை பறித்துவிடப் பார்க்கின்றனர். இந்த நாட்டின் மனித உரிமைகளைப் பாதுகாக்க இவர்கள் செயற்படவில்லை. இவர்கள் முதலைக் கண்ணீர் வடிக்கின்றனர். இன்னும் நாம் காலனித்துவ ஆட்சியின் கீழ் இருப்பதாக நினைத்துக் கொண்டு ஏகாதிபத்தியத்தின் மூலம் எம்மை அடிபணியச் செய்யப் பார்க்கிறார்கள். அதுதான் அழுத்தங்களை வழங்குகின்றனர்.

நான் 2005 ஆம் ஆண்டு ஆட்சிக்கு வந்ததில் இருந்து இந்த அரசாங்கம் ஏப்ரல் மாதத்தில் கவிழ்ந்து விடுமென்று ஒவ்வொரு ஏப்ரல் மாதமும் கூறுகின்றனர்.எனினும் அவர்கள் கூறும் ஒவ்வொரு ஏப்ரல் மாதத்திலும் நாம் பலம்பெற்று முன்னோக்கி வந்திருக்கின்றோம்.

இதனால் தான் வெளிநாட்டுச் சக்திகள் இன்று நாட்டில் ஸ்திரமற்ற நிலைமையை ஏற்படுத்தவும் மக்களை பலவீனப்படுத்தவும் முயற்சிக்கின்றன. எனினும் மக்கள் புத்திசாலிகள். அது தான் மக்கள் நாட்டை பாதுகாத்து முன்னேற்றியுள்ளனர்.

கடந்த காலங்களில் சிலர் இந்த நாட்டை குழப்பவும் அதேபோல் குழப்ப முயற்சிப்பவர்களுக்கு உதவியும் செய்தார்கள். இலங்கை என்பது ஆசியாவின் பழைமையான நாடு.

வாக்குகள் மூலம் அரசை தோற்கடிக்க மக்களுக்கு உரிமை இருக்கிறது.அதை நாம் ஏற்றும் கொள்கிறோம். அது தான் சர்வஜன வாக்கெடுப்பில் எமக்கு நம்பிக்கை இருக்கிறது.

அதுதான் ஜனநாயகம். எனினும் சூழ்ச்சிகள், வெளிநாட்டு சக்திகள் மூலம் நாட்டை கவிழ்க்க இடமளிக்க மாட்டோம்.

சிலர் இன, மத, குல ரீதியாக சிந்தித்து செயற்படுபவர்களாக இருக்கின்றனர். இவை அனைத்தையும் ஒதுக்கி வைத்துவிட்டு நாட்டுக்காக சிந்தித்து வாழும் காலம் உதயமாகியுள்ளது. அவ்வாறு செயற்பட்டால் இன, மத பிரச்சினைகள் வராது என்று ஜனாதிபதி இதன்போது தெரிவித்தார்.

அவர் இங்கு மேலும் பேசுகையில்;

“சிலர் இன்று யாழ்ப்பாணத்தில் மே தினக் கூட்டம் நடத்துகின்றனர். அவர்கள் அங்கு மே தினம் கொண்டாடும் அதேநேரம் யாழ்.நூலகம் எரிப்பு, வாக்குகள் கொள்ளை போன்ற தவறுகளுக்கு மன்னிப்பு கோருவார்கள் என்று நம்புகிறோம்.

அவர்கள் யாழ்ப்பாணம் செல்வதையிட்டு நாம் சந்தோசப்படுகிறோம். ரணில் விக்கிரமசிங்க இந்த நாட்டின் பிரதமராக இருந்த போது போர் நிறுத்த உடன்படிக்கையை ஏற்படுத்தி யாழ்ப்பாணம், கிளிநொச்சி செல்ல கிடைக்கவில்லை. அவர் அநுராதபுரம் கூட அப்போது போகவில்லை. எமது மக்களும் படையினரும் அர்ப்பணிப்புடன் செயலாற்றியமையினால் தான் அவர்களால் யாழ்ப்பாணம் சென்று மே தினம் கொண்டாட முடிந்துள்ளது.

யாழ்ப்பாணத்தில் மேற்கொள்ளப்படும் அபிவிருத்திகள் சிலருக்கு தெரிவதில்லை. குறுகிய அரசியல் நோக்கங்களுக்காக மூடி மறைக்க நினைக்கும் உண்மைகளை உழைக்கும் மக்கள் கண்ணால் காண்கின்றனர் என்றார்.

Read More

மனித உரிமைகள் கண்காணிப்பகம் வேண்டுகோள்! அவுஸ்திரேலிய அமைச்சர் இலங்கைக்கு விஜயம்...

அவுஸ்திரேலியாவின் குடியேற்ற விவகாரங்களுக்கான அமைச்சர் Chris Bowen , இரண்டு நாள் பயணமாக நாளை சிறிலங்காவுக்கு செல்லவுள்ள நிலையில், மனித உரிமைகள் கண்காணிப்பகம் சிறிலங்கா தொடர்பில் செய்தியறிக்கையொன்றினை வெளியிட்டுள்ளது.

2009ம் ஆண்டு, போர் ஓய்வுக்கு பிந்திய இலங்கைத்தீவில், சிறிலங்கா இராணுவத்தினரது மனித உரிமை மீறல்கள், தொடர்ச்சியாக இடம்பெற்று வருவதாக தெரிவித்துள்ள மனித உரிமைகள் கண்காணிப்பகத்தின், ஆசிய பிராந்திய உபதலைவர் Elaine Pearson அவர்கள் ,சிறிலங்காவுக்கு திருப்பி அனுப்பபடும் அகதிகள் மீது, சிறிலங்காவில் அச்சுறுத்தல்களும், மனித உரிமை மீறல்களும் உள்ளதென தெரிவித்துள்ளார்.

அவுஸ்திரேலியாவுக்கு கடல்வழியாக வரும், இலங்கைக் குடிமக்கள் தொடர்பிலான விவகாரம் குறித்து, சிறிலங்கா அரச தரப்புடன் கலந்துரையாடல்களை அவுஸ்திரேலிய அமைச்சர் மேற்கொள்ளவுள்ளார்.

சிறிலங்காவுக்கு நாடுகடத்தப்பட்ட அகதிகள் பலர் கடத்தப்பட்டும், கைது செய்யப்பட்டும், பல்வேறு வகையிலும் அச்சுறுத்தப்பட்டும் உள்ளனர் என தெரிவித்துள்ள மனித உரிமைகள் கண்காணிப்பகம், இவ்விவகாரம் தொடர்பில், சிறிலங்காவின் கள நிலைவரங்களை நேரில் கணடறிய வேண்டுமென, சிறிலங்காவுக்கு செல்லும் அவுஸ்திரேலியாவின் குடியேற்ற விவகாரங்களுக்கான அமைச்சரிடம் கோரிக்கை விடுத்துள்ளது.

பிரித்தானியாவில் இருந்து சிறிலங்காவுக்கு நாடுகடத்தப்பட்ட அகதிகளில் பலருக்கு, சிகரெட்டினால் சுடப்பட்டு அச்சுறுத்தப்பட்ட விடயம் குறித்தும் மனித உரிமைகள் கண்காணிப்பகத்தின் ஆசிய பிராந்திய உபதலைவர் சுட்டிக்காட்டியுள்ளார்.

சமீபத்தில் சிறிலங்காவில் கடத்தப்பட்டு, பரபரப்பினை ஏற்படுத்தியிருந்த அவுஸ்திரேலிய குடியுரிமை பெற்றிருந்த குணரட்ணத்தின் விவகாரத்தினையும், மனித உரிமைகள் கண்காணிப்பகம் கோடிட்டுக் காட்டியுள்ளது.

மனித உரிமைகள் தொடர்பிலான பல்வேறு விவகாரங்களுக்கு சிறிலங்கா பொறுப்புக்கூறத் தவறியுள்ளதென, சுட்டிக்காட்டியுள்ள மனித உரிமைகள் கண்காணிப்பகம், சமீபத்தில் ஐ.நா மனித உரிமைச் சபையில் சிறிலங்கா தொடர்பில் நிறைவேற்றப்பட்டுள்ள தீர்மானத்தினையும் அவுஸ்திரேலிய அமைச்சருக்கு நினைவூட்டியுள்ளது.

Read More

பவர் ஸ்டார் மீது பண மோசடி புகார்...

தமிழ் நாட்டின் சென்னை சைதாப்பேட்டை புஜங்கராவ் தெருவை சேர்ந்தவர் கணேசன்.

இவர், பொலிஸ் கமிஷனர் திரிபாதியிடம் அளித்த புகாரில் லத்திகா உள்ளிட்ட ஒரு சில படங்களை தயாரித்து, நடித்திருப்பவர் டாக்டர் சீனிவாசன். இவர், நண்பர் ஒருவர் மூலம் எனக்கு அறிமுகமானார். எனக்கு தொழிலில் நஷ்டம் ஏற்பட்டதைத் தொடர்ந்து, தொழில் நடத்த ரூ.2 கோடி கடன் வாங்கித் தருவதாக சீனிவாசன் என்னிடம் கூறினார். அதற்காக முதல் கட்டமாக ரூ.10 லட்சம் கொடுக்க வேண்டும் என்றார். அதை நம்பி அண்ணாநகரில் உள்ள அவரது பாபா டிரேடிங் என்ற நிறுவனத்தின் பெயரில் டி.டி.எடுத்து கொடுத்தேன். ஆனால், சொன்னபடி ரூ.2 கோடி கடன் வாங்கித் தரவில்லை. நான் கொடுத்த பணத்தை திருப்பிக் கேட்டபோது, அதையும் தரவில்லை. அவர் மீது நடவடிக்கை எடுக்க வேண்டும்.

Read More

Xperia Sola கைப்பேசிகளை வெளியிடுகி​ன்றது சோனி....

சோனி நிறுவனம் தனது புதிய அறிமுகமான Xperia Sola கைப்பேசிகளை முதன் முதலில் கொங்கொங்கில் அறிமுகப்படுத்த தீர்மானித்துள்ளது.

இதன் புரசசர் ஆனது 1GHz வேகத்தைக் கொண்டதாகக் காணப்படுகின்றது. இதன் அறிமுக விலையானது 387 அமெரிக்க டொலர்களாகக் காணப்படுகின்றது.

இக்கைப்பேசிகள் 3.7 அங்குல தொடுதிரை வசதியைக் கொண்ட BRAVIA Engine தொழில்நுட்பத்தைக் கொண்டன.

இது தவிர அன்ட்ரோயிட் 2.3 இயங்குதளத்தில் தொழிற்படக் கூடியவாறு வடிவமைக்கப்பட்டுள்ளதுடன் முப்பரிமாண விரிவான ஒலிநயத்தை வெளிப்படுத்தக்கூடியன.

இதன் புரசசர் ஆனது 1GHz வேகத்தைக் கொண்டதாகக் காணப்படுகின்றது. இதன் அறிமுக விலையானது 387 அமெரிக்க டொலர்களாகக் காணப்படுகின்றது.

Read More

சென்னை அணிக்கு முதன் முறையாக சவால் ஏற்பட்டுள்ளது: ஃபிளமிங்....

ஐ.பி.எல் வரலாற்றில் சென்னை சூப்பர் கிங்ஸ் அணி முதன்முறையாக சவாலுக்குட்படுத்தப்பட்டுள்ளதாக சென்னை அணியின் பயிற்சியாளர் ஸ்டீவன் ஃபிளமிங் தெரிவித்துள்ளார்.

ஐந்தாவது ஐ.பி.எல் டி20 கிரிக்கெட் தொடரில் நடப்பு சாம்பியனான சென்னை சூப்பர் கிங்ஸ் அணி தங்களது பட்டத்தைத் தக்கவைத்துக் கொள்வதற்காக கடுமையான அழுத்தத்தை எதிர்கொண்டு காணப்படுகிறது.

இத்தொடர் முழுவதும் சென்னை அணி தேவையானளவுக்கு திறமைகளை வெளிப்படுத்தவில்லை என்பதை ஏற்றுக்கொண்ட ஃபிளமிங், ஐ.பி.எல். தொடரில் முதன்முறையாக சவாலுக்குள்ளாக்கப்படுவதன் காரணமாக அதைப் பற்றி ஆராய வேண்டிய தேவையுள்ளதாகத் தெரிவித்தார்.

வழக்கமாக சென்னை அணி தொடர்ச்சியான திறமைகளை வெளிப்படுத்தும் வழக்கம் கொண்ட போதிலும், இம்முறை அணியில் காணப்படும் சில குறைகளை நீக்க வேண்டிய தேவையுள்ளதாகத் தெரிவித்துள்ளார்.

சென்னையில் நடைபெறும் போட்டிகளில் சென்னை அணி தடுமாறிவருகிறது என்பது பற்றி சென்னை அணி அறிந்துள்ளது எனத் தெரிவித்த ஃபிளமிங், கடந்த பருவகாலங்களில் சூப்பர் கிங்ஸ் அணி சென்னையில் நடைபெறும் போட்டிகளில் மிகுந்த பலமாகக் காணப்பட்டது என்ற வகையில், தற்போதைய நிலைமை வருத்தமளிப்பதாகவும் தெரிவித்தார்.

Read More

ஆபாச படத்திற்குள் ஐரோப்பாவை தாக்குவதற்கான சதித் திட்டம்: அல்கொய்தாவின் புதிய யுக்தி....

அல்கொய்தா இயக்கதினர், தங்களது தாக்குதல் திட்டத்தை ஆபாச படம் ஒன்றிற்குள் மறைத்து வைத்து அனுப்பியது தற்போது தெரியவந்துள்ளது.


இந்தியாவின் மும்பை மாநகரில் கடந்த 2008ஆம் ஆண்டு நடத்திய தீவிரவாதத் தாக்குதலைப் போன்று, ஐரோப்பிய நாடுகளில் தாக்குதல் சம்பவங்களை அரங்கேற்ற அல்கொய்தா அமைப்பு திட்டமிட்டுள்ளது.


இதற்கான திட்ட விவரங்களை ஒரு ஆபாசப் படத்தில் சேர்த்து, அதை மெமரி டிஸ்க்கில் வைத்து அனுப்பியுள்ளனர். இது ஜேர்மன், ஆங்கிலம், அரபி ஆகிய மொழிகளில் பிடிஎப் போர்மட்டில் அனுப்பப்பட்டுள்ளது.

இதை அமெரிக்க உளவுப் பிரிவினர் கண்டறிந்து அந்த சதித் திட்டத்தை முறியடித்துள்ளனர். இதுகுறித்த தகவலை முதன் முதலில் ஜேர்மன் நாட்டைச் சேர்ந்த டை ஜெய்ட் என்ற செய்தித்தாள் தான் வெளியிட்டது. பெர்லினில் கடந்த ஆண்டு கைதான அல்கொய்தா நபர் மூலம் தான் இந்த தகவல் தற்போது தெரியவந்துள்ளது.

இந்த மெமரி டிஸ்க்கைப் போட்டுப் பார்த்த போது அது ஒரு ஆபாசப் படம் என்று தெரியவந்தது. அதேபோல மற்றொரு பெயரிலும் ஒரு ஆபாசப் படம் இருந்தது. ஆனால் அந்த மெமரி டிஸ்க்கை ஆராய்ந்த போது தான் அதில் ஐரோப்பிய நாடுகளில் நடத்தத் திட்டமிடப்பட்டிருந்த விவரங்கள் ஒளிந்திருந்ததை அதிகாரிகள் கண்டுபிடித்து அதிர்ந்தனர்.

Read More