உயர்தரப் பரீட்சைகள்(G.C.E.A/L) ஆகஸ்ட் 5ஆம் திகதி ஆரம்பம்...

கல்விப் பொது தராதர உயர்தரப் பரீட்சைகள் எதிர்வரும் ஆகஸ்ட் மாதம் 5ஆம் திகதி ஆரம்பமாகவுள்ளன.

இப்பரீட்சைகள் ஆகஸ்ட் மாதம் 31ஆம் திகதிவரை இடம்பெறவுள்ளன.

நாடு முழுவதிலுமுள்ள 2,164 பரீட்சை மத்திய நிலையங்களில் உயர்தரப் பரீட்சைகள் இடம்பெறவுள்ளன.

கொழும்பில் 29-07-2013  இடம்பெற்ற ஊடகவியலாளர் சந்திப்பின்போது பரீட்சைகள் ஆணையாளர் நாயகம் டபிள்யூ.எம்.என்.ஜே. புஸ்பகுமார தெரிவித்தார்.

Read More

நீண்ட இடைவேளைக்கு பின்பு தமிழ் படத்தில் கே.ஆர்.விஜயா

பெண்ணின் பெருமையை மையப்படுத்தி உருவாகும் நிலாவில் மழை படத்தில் கே.ஆர்.விஜயா நடிக்கிறார்.

முதலில் நடிப்பதா? வேண்டாமா? என்ற குழப்பத்தில் இருந்த கே.ஆர்.விஜயா, கதையை கேட்டதும் நடிப்பதற்கு ஒப்புக் கொண்டாராம்.

இப்படத்தில் சமூக சிந்தனையுள்ள மருத்துவர் வேடத்தில் நடிக்கிறார்.

குறைந்த வருவாய் கிடைத்தாலே போதும் என்று மருத்துவர் தொழிலை செய்யும் கே.ஆர்.விஜயாவுக்கு சவாலான நிகழ்வு ஒன்று ஏற்படுகிறது.

அதாவது உயிருக்கு போராடும் வாலிபரை காக்கும் பொறுப்பு அவருக்கு வருகிறது.

குறித்த இளைஞரை நோயிலிருந்து மீட்கும் போராட்டத்தில் வெற்றி பெற்றாரா என்பது தான் படத்தின் கதை.

SPR பிக்சர்ஸ் தயாரிப்பில் உருவாகும் இப்படத்தில் பாண்டு முக்கிய வேடத்தில் நடிக்கிறார்.

தொழில்நுட்ப கலைஞர்கள்

http://www.winjaffna.com/

Read More

HTC அறிமுகப்படுத்தும் புத்தம் புதிய ஸ்மார்ட் கைப்பேசி

 முன்னணி கைப்பேசி உற்பத்தி நிறுவனங்களில் ஒன்றான HTC ஆனது தனது புதிய உற்பத்தியான HTC One Max Cloned எனும் ஸ்மார்ட் கைப்பேசியினை அறிமுகப்படுத்தவுள்ளது. எதிர்வரும் செப்டெம்பர் மாதமளவில் அறிமுகமாகலாம் என எதிர்பார்க்கப்படுகிறது. 6.3 அங்குல அளவுடைய தொடுதிரையைக் கொண்டதாக உருவாக்கப்பட்டுள்ள இக்கைப்பேசியானது 1.2GHz Quadcore MediaTek Processor, பிரதான நினைவகமாக 1 GB RAM ஆகியனவற்றினையும் உள்ளடக்கியுள்ளது. இவற்றுடன் 8 மெகாபிக்சல்களை உடைய பிரதான கமெரா மற்றும் வீடியோ அழைப்புக்களை ஏற்படுத்துவதற்காக 2 கெமாபிக்சல்களை உடைய துணைக் கமெரா ஆகியனவும் இணைக்கப்பட்டுள்ளன. 250 டொலர்களே பெறுமதியான இக்கைப்பேசியுடன் 3,050 mAh மின்கலமும் இணைக்கப்பட்டுள்ளமை குறிப்பிடத்தக்கது.

Read More

ஜனாதிபதியின் புதிய பொருளாதார ஆலோசகராக தமிழர் ஒருவர் நியமனம்

இலங்கை ஜனாதிபதி மகிந்த ராஜபக்சவின் புதிய பொருளாதார ஆலோசகராக தமிழர் ஒருவர் நியமிக்கப்பட்டுள்ளார் என தெரிவிக்கப்பட்டுள்ளது.

கலாநிதி இந்திரஜித் குமாரசுவாமி என்பவரே ஜனாதிபதி மஹிந்த ராஜபக்சவின் பொருளாதார ஆலோசகராக நியமிக்கப்படவுள்ளார்.
பொதுநலவாய நாடுகள் செயலாளர் அலுவலகத்தின் பொருளாதார இணைப்புப் பணிப்பாளராக இந்திரஜித் குமாரசுவாமி கடமையாற்றியுள்ளார்.
உலகப் பொருளாதார அறிஞர்களில் ஒருவராக போற்றப்படும் இந்திரஜித் பிரிட்டனின் கேம்பிரிட்ஜ் மற்றும் சசெக்ஸ் பல்கலைக்கழகப் பட்டதாரி என்பது குறிப்பிடத்தக்கது.
கலாநிதி இந்திரஜித் சுமாரசுவாமி, ஐக்கிய நாடுகள் அமைப்பின் சிறுவர் போராளிகள் குறித்த முன்னாள் விசேட பிரதிநிதி ராதிகா குமாரசுவாமியின், சிரேஸ்ட சகோதரர் என்பது குறிப்பிடத்தக்கது

Read More

வாள்வெட்டுக்கு இலக்காகி நால்வர் படுகாயம்-யாழில் சம்பவம்

யாழ்ப்பாணம், கொழும்புத்துறை துண்டி சந்தியில் இடம்பெற்ற வாள்வெட்டுச் சம்பவத்தில் நால்வர் படுகாயமடைந்துள்ளதாக தெரிவிக்கப்படுகிறது.

இன்று 5.30 மணியளவில் இச்சம்பவம் இடம்பெற்றுள்ளது. இச்சம்பவம் தொடர்பாக மேலும் தெரியவருவதாவது,

கொடுத்த பணத்தினை கேட்டு சென்ற இருவர் மீது வாகனத்தில் வந்த 8 பேர் கொண்ட குழுவினர் கைகலப்பில் ஈடுபட்டதுடன், வாளால் வெட்டியுள்ளனர். இரு சாராருக்குமிடையே இடம்பெற்ற இத்தாக்குதல் சம்பவத்தில் நால்வர் படுகாயமடைந்துள்ளனர்.

ஆரியகுளம் பகுதியைச் சேர்ந்த குணசேகரம் பிரேமம்காந் (வயது 26), சதர்சன் நிரூபன் (வயது 27), குணசேகரம் பிரசாத் (வயது 24), வட்டுக்கோட்டைப் பகுதியைச் சேர்ந்த காந்தன் ஆகிய நால்வரே வாள்வெட்டுக்கு இலக்காகியுள்ளனர்.

வெட்டுக் காயங்களுக்கு இலக்காகிய நால்வரும் யாழ்.போதனா வைத்தியசாலையில் சிகிச்சைக்காக அனுமதிக்கப்பட்டுள்ளனர். ஒருவர் பலத்த காயங்களுடன் அதி தீவிர சிகிச்சைப் பிரிவில் அனுமதிக்கப்பட்டுள்ளதாக தெரிவிக்கப்படுகிறது.

Read More

மீண்டும் திரையுலகை கலக்க போகும் நிலா....

எஸ்.ஜே.சூர்யாவால் அறிமுகப்படுத்தப்பட்டவர் நிலா. சிம்ரனுக்கு போட்டியாக வருவார் என்று கருதப்பட்ட நிலா, அதன் பிறகு ஒரு சில படங்களில் நடித்தார். பின்னர் காணாமல் போனார். படப்பிடிப்பு தளங்களில் ஆர்ப்பாட்டமாக நடந்து கொள்வது, நட்சத்திர ஓட்டல் வசதி, குளிக்க மினரல் வாட்டர் வசதி என பல பிரச்னைகளில் சிக்கியவருக்கு பலரும் வாய்ப்புத் தர தயங்கினார்கள். அதோடு நிலா நடிப்பு கிலோ என்ன விலை என்று வேறு கேட்டார். இவர் நடித்து வெளிவராமல் இருந்த கில்லாடி படத்தை இப்போது வெளியிட ஏற்பாடுகள் நடந்து வருகிறது. இந்தப் படத்தின் மூலம் சினிமாவில் மீண்டும் நுழைந்து விடலாம் என்று கருதிய நிலா இப்போது மீடியாக்கள் முன் வந்து நிற்கிறார்.

வாய்ப்பு கிடைக்காமல் போனது ஏன் என்பதற்கு அவர் அளித்துள்ள விளக்கம் இது..., ' நான் சினிமாவை மட்டும் நம்பியிருக்கவில்லை, எங்க அப்பா ஓட்டல் பிசினஸ் பண்ணுகிறார். அதில் நானும் பார்ட்னராக இருக்கிறேன். உலகம் முழுவதும் எங்களுக்கு ஓட்டல் இருக்கிறது. அதை கவனிக்க வேண்டாமா? அதுமட்டுமில்லை நான் பேஷன் டிசைனிங் படிச்சிருக்கேன். நிறைய பேஷன் ஷோக்கள் நடத்துறேன். இப்போது மீண்டும் நடிக்க வந்திருக்கிறேன். இந்தியில் 2 படத்தில் நடிச்சிட்டிருக்கேன், தெலுங்கில் நாகார்ஜுனாவுடன் நடிக்கிறேன் தெரியுமா? தமிழில்தான் நான் குளிக்க மினரல் வாட்டர் கேட்டேன். அவரை காதலிக்கிறேன். இவரை காதலிக்கிறேன்னு என் மேல சர்ச்சையை கிளப்பி அனுப்பிட்டாங்க. 'கில்லாடி'க்கு பிறகு நிச்சயம் ஒரு ரவுண்ட் வருவேன்' என்கிறார்.

Read More