மாணவர்களுக்கு சேதி சொல்லும் 'படிக்கிற வயசுல' படம்...

படிக்கிற வயசுல” படம் மாணவர்களை நல்வழிப்படுத்தி பொறுப்புள்ள குடிமகன்களாக மாற்றும் என்று உறுதியாக ராஜேஷ் கூறியுள்ளார்.
மாணவர்களுக்கு சேதி சொல்லும் படத்தை எடுத்துள்ளது 'படிக்கிற வயசுல' படக்குழு
இதில் நாயகனாக ராஜேஸ்குமார், நாயகியாக ராகி இருவரும் இணைந்து நடித்துள்ளார்கள்.

பள்ளி இறுதி வகுப்பு படிக்கும் மாணவ-மாணவி இருவரும் காதலில் 'திடீரென' விழுந்தால் என்னவாகும் என்பதை படமாக எடுத்துள்ளார்கள்.
'இந்தப்படத்தின் மூலமாக மாணவ சமுதாயத்துக்கு அழுத்தமான சேதியை சொல்லியிருக்கிறோம். மாணவ பருவத்தில் படிப்பின் மேல் ஆர்வத்தைக் காட்டாமல், காதலில் கவிழ்வதால் மாணவக் கண்மணிகளின் பொன்னான நேரம் வீணாகிறது.
இப்படம் மாணவர்களை நல்வழிப்படுத்தி பொறுப்புள்ள குடிமகன்களாக மாற்றும் என்று உறுதியாக ராஜேஷ் கூறியுள்ளார்

Read More

அஜீத்தின் புகழ் பாடும் ஆர்யா...

அஜீத் குமார் புகழ் பாடும் நடிகர்கள் பட்டியிலில் புதிதாக இணைந்திருப்பவர் ஆர்யா
அஜீத் குமாரை வைத்து இயக்குனர் விஷ்ணுவர்தன் எடுக்கும் படத்தில் ஆர்யாவும் நடிக்கிறார். அவருக்கு ஜோடியாக டாப்ஸி நடிக்கிறார். இன்னும் பெயரிடப்படாத இந்த படத்தில் நடிக்க ஆர்யா ஓவர் ஆர்வமாக உள்ளார்.

இந்நிலையில் அஜீத் குறித்து ஆர்யா கூறுகையில், எனக்கு அஜீத் படங்கள் மிகவும் பிடிக்கும். அவருக்கு ஈகோவே கிடையாது.   மங்காத்தா நடிகர்களுடன் அவர் பழகிய விதத்தை பார்க்க வேண்டுமே. அவர் டெக்னீஷயன் முதல் சக நடிகர்கள் வரை அனைவரையும் சரிசமமாக பார்ப்பார்.

எனது பிறந்தநாளைக்கு எனக்கு வாழ்த்து கூறினார். நம் கூட்டணி சிறப்பாக இருக்கப் போகிறது என்று அவர் என்னிடம் தெரிவித்தார்.

விஷ்ணுவர்தன் எனக்கு நல்ல நண்பர். அவர் கேட்டால் நான் அவருக்காக துணை நடிகராகக் கூட நடிக்க தயங்க மாட்டேன் என்று தெரிவித்தார்.

Read More

9 மொழிகளில் உருவாகும் இயேசு கிறிஸ்து 3டி படம்...

திரையுலகில் முதன்முறையாக இயேசு கிறிஸ்துவின் வாழ்க்கை 3டி படமாகிறது.

தமிழ், மலையாளம், ஆங்கிலம் உட்பட 9 மொழிகளில் உருவாக உள்ள இப்படத்திற்கு “முப்பது வெள்ளிக்காசு” என பெயர் வைக்கப்பட்டுள்ளது.

ஆங்கிலத்தில் “தர்ட்டி பீசஸ் ஆப் சில்வர்” என பெயர் சூட்டியுள்ளது குறிப்பிடத்தக்கது.

ரூ.35 கோடி செலவில் தயாராக உள்ள இப்படத்தை ஒரே நேரத்தில் 5 ஆயிரம் திரையரங்குகளில் வெளியிட படக்குழுவினர் முடிவு செய்துள்ளனர்.

இப்படத்தை சூரியன் என்பவர் இயக்குகின்றார். இவர் வாரணசாலா பைபிள் நிபுணர்களுடன் பலதடவை கதை பற்றி விவாதித்து திரைக்கதைக்கு இறுதி வடிவம் கொடுத்துள்ளார்.

படப்பிடிப்புகள் ஜெருசலேம், கர்நாடகாவில் உள்ள ஹம்பி, ஐதராபாத்தில் உள்ள ராமோஜிராவ் பிலிம்சிட்டி போன்ற பகுதிகளில் எதிர்வரும் ஜூலை இறுதியில் நடக்கிறது.

இயேசுவாகவும் 12 சீடர்களாகவும் புதுமுகங்கள் நடிக்க, இவர்களுடன் 300 பேர் நடிக்கிறார்கள். அதில் 50 பேர் கேரளாவை சேர்ந்தவர்கள் என்பது குறிப்பிடத்தக்கது.

படத்துக்கான பூஜை அடுத்த மாதம் (ஜூன்) 5ம் திகதி கொச்சியில் நடைபெறுகின்றது. அடுத்த ஈஸ்டர் பண்டிகையில் இப்படத்தை ரிலீஸ் செய்ய திட்டமிட்டுள்ளனர்.

Read More

படவிழாவிற்கு பாய்பிரண்டுடன் வந்தார் ஸ்ரேயா...

கடந்த சில காலமாக பல நடிகர்களுடன் சேர்த்து கிசு கிசுக்கப்பட்ட ஸ்ரேயா, யாருடனும் காதல் இல்லை என கூறி வந்தார்.
இந்நிலையில் அவரது நிஜ காதலருடன் பட விழாவுக்கு வந்ததால் பரபரப்பு ஏற்பட்டது. தீபா மேத்தாவின் மிட்நைட்ஸ் சில்ரன் படத்தில் நடித்து வருகிறார் ஸ்ரேயா.

இதற்கிடையில் கன்னட படமொன்றில் நடிக்கிறார். சமீபத்தில் பிரான்சில் நடந்த கேன்ஸ் பட விழாவுக்கு தனது பாய்பிரெண்ட் ராகுல் அகர்வாலுடன் வந்திருந்தார்.

இது பற்றி ஸ்ரேயா கூறுகையில்: கேன்ஸ் பட விழாவில் கலந்துகொண்டது மிகவும் அற்புதமான அனுபவம். முழுமையான ஓய்வு எடுத்துக்கொண்டே பங்கேற்றேன்.

இங்கு திரையிடப்பட்ட ஏராளமான படங்களை ரசித்துப் பார்த்தேன். உலகம் முழுவதிலும் இருந்த பிரபல நடிகர், நடிகைகள் வந்திருந்தனர். அவர்களை சந்தித்து பேசும் வாய்ப்பு கிடைத்தது.

யார், யாரை சந்தித்தேன் என்பதை சொல்ல முடியாவிட்டாலும் இதுவொரு அருமையான சந்தர்ப்பமாக எனக்கு அமைந்தது மறக்க முடியாது. எத்தனையோ படங்களை பார்த்தாலும் அனுராக் கஷ்யப்பின் “கேங்ஸ் ஆப் வசெப்பூர்” என்னை கவர்ந்தது.

இந்திய படங்கள் வித்தியாசமான பாதையில் பயணிக்கிறது என்பதற்கு ஒரு உதாரணமாக அமைந்திருந்தது. எனது நண்பர்கள் பலரை சந்தித்து அவர்களுடன் பொழுதை கழித்தேன். ஜில்லென குளிர் வீசும் சூழலுடன் கூடிய இந்த இடம் என் மனதை கவர்ந்துவிட்டது என ஸ்ரேயா கூறினார்.

ராகுல் அகர்வால் பற்றி கேட்டதற்கு பதில் எதுவும் கூற மறுத்துவிட்டார் ஸ்ரேயா. முதல் முறையாக காதலருடன் பொது இடத்துக்கு வந்ததால் ஸ்ரேயாவின் காதலை பற்றித்தான் சினிமா வட்டாரத்தில் பேச்சாக உள்ளது.

Read More

தன் மீதான தாக்குதலுக்கு உதவிய பெண்ணை மன்னிக்கத் தயார் என்கிறார் அமைச்சர் டக்ளஸ்...

இலங்கையில் கடந்த 2004 ம் ஆண்டில் தன் மீது நடத்தப்பட்ட தற்கொலைத் தாக்குதல் நடவடிக்கைக்கு உதவிய பெண்ணை மன்னிக்க தான் தயார் என்று அமைச்சர் டக்ளஸ் தேவானந்தா தெரிவித்துள்ளார்.

கொழும்பு மேல் நீதிமன்றத்தில் இது குறித்த வழக்கு விசாரணை ஒன்றில் நேரில் ஆஜராகிய போதே அமைச்சர் இதனைத் தெரிவித்துள்ளார்.

2004 ஆம் ஆண்டு அமைச்சர் டக்ளஸ் தேவானந்தா மீது தாக்குதல் நடத்திய தற்கொலையாளியை அங்கு அழைத்து வந்ததாகக் கூறப்படும் சத்தியலீலா என்னும் பெண்மணி மீதே இந்த வழக்கு விசாரணை நடக்கிறது.

இந்த வழக்கில் ஆஜராகிய அமைச்சர், அந்தப் பெண்மணி தனது அலுவலகத்தில் முதலில் பணியாற்றியவர் என்றும், விடுதலைப்புலிகளின் நிர்ப்பந்தம் காரணமாகவே அவர் தற்கொலைத் தாக்குதலாளியை தன்னை தாக்குவதற்கு அழைத்து வந்ததாகத் தான் நம்புவதாகவும், ஆகவே அவரை மன்னிக்க தான் தயாராக இருப்பதாகவும் கூறியுள்ளார்.

எவரையும் பழிவாங்கும் நோக்கம் தனக்கு என்றும் கிடையாது என்றும், அந்தப் பெண்மணி ஏற்கனவே விளக்கமறியலில் பல ஆண்டுகளைக் கழித்துவிட்டார் என்பதால் அவர் மீது தனக்கு அனுதாபம் உண்டு எனவும் செய்தியாளர்களிடம் அமைச்சர் டக்ளஸ் கூறியுள்ளார்.

அதேவேளை வழக்கில் முடிவான தீர்ப்பை வழங்க வேண்டியது நீதிமன்றத்தின் கையிலேயே இருக்கிறது என்றும் அமைச்சர் குறிப்பிட்டுள்ளார்.

Read More

மன்னார் ஆயருக்கு எதிரான அச்சுறுத்தல்களுக்கு நாடுகடந்த தமிழீழ அரசாங்கம் கண்டனம்...

மதங்களைக் கடந்து மனிதநேயத்தின்பால், மக்களின் நீதிக்காக குரல் கொடுத்து வரும் மன்னார் மறை மாவட்ட ஆயர் மீது, சிறிலங்கா அரசாங்கத்தினால் மறைமுகமாகவும், வெளிப்படையாகவும் ஏற்படுத்தப்பட்டு வரும் தொடர் அச்சுறுத்தல்களுக்கு, நாடுகடந்த தமிழீழ அரசாங்கம் தனது வன்மையான கண்டனத்தினை தெரிவித்துள்ளது.

ஆயர் இராயப்பு ஜோசப்பின் பாதுகாப்பினை உறுதிப்படுத்த கோரியும், அவர் மீதான அச்சுறுத்தல்களுக்கு கண்டித்தும் மன்னார் புனித செபஸ்தியார் தேவாலயத்தில் கண்ட ஒன்றுகூடலொன்று நேற்று இடம்பெற்றிருந்தது.

இந்த ஒன்றுகூடலுக்கு வலுவூட்டும் வகையில், நாடுகடந்த தமிழீழ அரசாங்கத்தின் பிரதமர் வி.உருத்திரகுமாரன், தமிழீழத் தாயக உறவுகளுக்கு, சிற்றலையூடான வானோசை ஒலிபரப்பின் ஊடாக செய்தியொன்றினைத் தெரிவித்திருந்தார்.

சிறிலங்காவிலும் தமிழர் தாயகத்திலும் இராணுவ மேலாதிக்க ஆட்சி அதிகாரத்தின் கீழ், சுதந்திரமாக கருத்துக்களை கூறுவதற்கும் உண்மைகளினை வெளிப்படுத்துவதற்கும் அரசியல் அபிலாசைகளை கொண்டிழுப்பதற்கும் அரசியல் அகற்றப்பட்டுள்ள இன்றைய சூழலில், மன்னாரில் முன்னெடுக்கப்பட்டும் சாத்தவீக வழிப்போராட்டங்களுக்கு உலகெங்கும் சிதறிவாழும் தமிழர்கள் யாவரும் தங்கள் ஆதரவினைத் தெரிவித்துக் கொள்கின்றனர் என பிரதமர் வி.உருத்திரகுமாரன் தெரிவித்தார்.

மேலும் அவர் தெரிவிக்கையில்,

போர் இடம்பெற்ற காலங்களிலும், தொடர்ந்து மனிதநேய நெருக்கடி மிகுந்த கட்டங்களிலும், மிகுந்த துணிச்சலுடன் கிறிஸ்தவ மத விழுமியங்களுடன், ஒடுக்கப்பட்ட மக்களுக்காக ஆயர் இராயப்பு ஜோசப் ஆண்டகை குரல் கொடுத்தவர்.

சிறிலங்கா அரசினால் நியமிக்கப்பட்ட நல்லிணக்க ஆணைக்குழு முன்பாக அப்பாவித் தமிழ் மக்களுக்கும், அவர்களின் குடும்பங்களுக்கும் நீதிவேண்டி சாட்சியம் அளித்தவர்.

அந்த ஒரே காரணத்தினை முன்வைத்து, அவரின் தனித்துவத்தினையும் நன்மதிப்பினையும் புறந்தள்ளி சிறிலங்கா புலனாய்வுப் பிரிவினர் விசாரணைக்கு உட்படுத்துவதிலும் பாராளுமன்றத்தில் பொறுப்பற்று விமர்சிப்பதும் ஆட்சி அதிகாரத்தில் உள்ளவர்களின் திட்டமிட்ட செயற்பாடுகளாகும்.

இத்தகைய செயல்கள் யாவற்றினையும் நாடுகடந்த தமிழீழ அரசாங்கம் மிகவும் வன்மையாக கண்டிக்கின்றது.

சிறிலங்காவிலும் தமிழர் தாயகத்திலும் இராணுவ மேலாதிக்க ஆட்சி அதிகாரத்தின் கீழ், சுதந்திரமாக கருத்துக்களை கூறுவதற்கும், உண்மைகளினை வெளிப்படுத்துவதற்கும், அரசியல் அபிலாசைகளை கொண்டிழுப்பதற்கும் அரசியல் அகற்றப்பட்டுள்ள இன்றைய சூழலில் மன்னாரில் முன்னெடுக்கப்பட்டும் சாத்தவீக வழிப்போராட்டங்களுக்கு, உலகெங்கும் சிதறிவாழும் தமிழர்கள் யாவரும் தங்கள் ஆதரவினைத் தெரிவித்துக் கொள்கின்றனர்.

தாயக மக்களால் மேற்கொள்ளப்படும் போராட்டம் புலத்தில் வாழும் எமக்கு புது உத்வேகத்தினைத் தருகின்றது.

தமிழர் தாயகத்தினுள்ளும் சிறிலங்காவிலும் இந்து, இஸ்லாமிய மத சுதந்திரத்துக்கும் வழிபாட்டு உரிமைக்கு எதிராகவும் கட்டவிழ்த்து விடப்பட்டுள்ள சிங்கள பௌத்த இனவாதிகளின் செயல்களுக்கு எதிராக, நாடுகடந்த தமிழீழ அரசாங்கம், எமது புதிய போர்களம், தமிழர் வாழும் தேசங்கள் என்ற அடிப்படையில் உலகலாவிய ரீதியில் விழிப்புணர்வுப் போராட்டங்களை முன்னெடுக்கவுள்ளது.

இவ்வாறு நாடுகடந்த தமிழீழ அரசாங்கத்தின் பிரதமர் வி.உருத்திரகுமாரன் அவர்கள் தெரிவித்துள்ளார்.

Read More

காதலனுக்கு வேறு பெண்ணுடன் திருமணம்: மனமுடைந்த யுவதி தீக்குளித்து தற்கொலைக்கு முயற்சி: யாழில் சம்பவம்...

யாழ். குருநகர் பகுதியைச் சேர்ந்த யுவதி ஒருவர், தற்கொலை செய்து கொள்ள முயன்று தீக்காயங்களுடன் யாழ். போதனா வைத்திசாலையில் இன்று அனுமதிக்கப்பட்டுள்ளதாக யாழ். பொலிஸார் தெரிவித்துள்ளனர்.
23 வயதுடைய குறித்த யுவதி நீண்ட நாட்களாக இளைஞர் ஒருவரை காதலித்ததாகவும் அவ் இளைஞர் வேறு ஒரு பெண்ணை திடீரென திருமணம் செய்ததினால் மனமுடைந்த யுவதி மண்ணெண்னை ஊற்றி தற்கொலை செய்ய முயன்றதாகவும் தெரிவிக்கப்படுகிறது.


இச்சம்பவம் தொடர்பாக விசாரணைகளை மேற்கொண்டு வருவதாக யாழ். பொலிஸார் தெரிவித்துள்ளனர்.

Read More

வலியின்றி ஊசி போடும் நவீன கருவி கண்டுபிடிப்​பு...

மனிதனை வாட்டி வதைக்கும் நோய்களுக்கான நிவாரணிகளில் ஊசி மருந்து ஏற்றுவதும் ஒரு மருத்துவ முறையாக கையாளப்பட்டு வரப்படுகின்றது.

எனினும் இச் செயன்முறையின் போது ஊசி பயன்படுத்தப்படுவதனால் வலி ஏற்படுகின்றது.

ஆனால் தற்போது வலியை ஏற்படுத்தாததும், ஊசி பயன்படுத்தப்படாததுமான நவீன மருந்து செலுத்தி ஒன்றை கண்டுபிடித்து சாதனை படைத்துள்ளார்கள் MIT ஆய்வாளர்கள்.

Jet-Injected Drugs என அழைக்கப்படும் இந்த மருந்து செலுத்தும் முறைமூலம் தசைப்பகுதியில் தேவைப்படும் ஆழத்திற்கு நோய் நிவாரணியை செலுத்த முடியும் என்பது குறிப்பிடத்தக்கது.

Read More

இஷ்டம் படம் பற்றி 2ம் கதாநாயகன் அனுப்பின் பேட்டி...

கொலிவுட்டில் வட்டாரம், சிக்குபுக்கு, மறுமுகம் ஆகிய படங்களைத் தொடர்ந்து அனுப், விமலுடன் இணைந்து இஷ்டம் படத்தில் நடித்துள்ளார்.

இஷ்டம் படத்தில் இரண்டாவது கதாநாயகனாக நடித்திருக்கும் அனுப், இப்படம் குறித்து பேட்டியளித்துள்ளார்.

இஷ்டம் படத்தில் நடித்த அனுபவம் பற்றி?

நாயகி நிஷா அகர்வாலை விமலுக்கு விட்டுக்கொடுக்கும் வேடத்தில் பணக்கார வீட்டுப்பையனாக வருகின்றேன்.

தொடர்ந்து 2ம் கதாநாயகனாக நடித்தாலும் இஷ்டத்துடன் தான் நடித்தேன். இஷ்டம் எனக்கு திருப்புமுனையாக அமையும்.

மறுமுகம் படம் எப்பொழுது வெளியாகின்றது?

விரைவில் திரைக்கு வருகின்றது. டேனியல் பாலாஜி வில்லத்தனமான நாயகனாகவும் நான் இயல்பான நாயகனாகவும் நடித்துள்ளேன்.

மறுமுகம் எனது முகத்தை தமிழ் ரசிகர்களிடையே பதிக்க துணை புரியும் என்று நம்புகின்றேன்.

தங்களது குடும்ப பின்னணி? குடும்ப ஆதரவு பற்றி?

அப்பா பல தெலுங்கு படங்களில் துணை இயக்குனராக பணியாற்றியவர். அவர் தான் இந்த யோசனைகளை வழங்கினார்.

நடிப்பதற்காக எடுத்துக்கொண்ட பயிற்சிகள்?

ஸ்விங்கர்ஸ் நடனப்பள்ளியில் 8 ஆண்டுகள் பணியாற்றியதுடன் அங்கு ஆசிரியராகவும் பணியாற்றியுள்ளேன். தொடர்ந்து நடிகர் சங்கத்தில் ஜெயந்தி மாஸ்டரிடம் பயின்றேன். ஓக்ஷன் பிரகாஷ் மாஸ்டரிடம் சண்டைப்பயிற்சிகளும் கற்றுக்கொண்டேன். கூத்துப்பட்டறையில் நடிப்புப்பயிற்சி எடுத்த அனுபவமும் இருக்கிறது.

தமிழ் தவிர மற்ற மொழிகளிலும் நடிக்கிறீர்களா?

கேகா என்ற தெலுங்கு படத்திலும் ரவிதேஜாவுடன் இரண்டு கதாநாயகர்களில் ஒருவராக நடித்துள்ளேன்.

தொடர்ந்து இரண்டு கதாநாயகர்களில் ஒருவராகவே நடிக்கிறீர்களே?

இப்படித்தான் நடிக்க வேண்டும் என்று நான் திட்டமிடவில்லை. இன்னும் சொல்லப்போனால் இரண்டிற்கு மேற்பட்ட நாயகர்கள் என்ற முறை இந்தி, தெலுங்கு படங்களில் இருப்பது போல தமிழிலும் இருக்கின்றது. இரண்டாம் கதாநாயகனாக நடிப்பதில் நிறைய விடயங்களை கற்றுக்கொள்ள முடிகின்றது என்றார்.

   

Read More

துணை நடிகையை விலைமாதுவாக சித்தரித்து புகைப்படத்தை இணையத்தில் வெளியிட்டது மர்மகும்பல்...

கே.வி.ஆனந்தின் “கோ” படத்தில் பெண் நக்சலைட் தீவிரவாதியாக காஜல் என்ற தமிழ்ச் செல்வி நடித்துள்ளார்.
தனியார் தொலைக்காட்சியில் நிகழ்ச்சி தொகுப்பாளராக இருந்து திரையுலகிற்கு வந்தவர் நடிகை காஜல்.

நகைச்சுவை நடிகர் விவேக்குடன் நடித்திருக்கிறார். இந்நிலையில் மர்மநபர்கள் சிலர், இவரை விலைமாதுவாக சித்தரித்து புகைப்படத்துடன் இணையதளத்தில் வெளியிட்டுள்ளனர்.

அதில், காஜலின் கைப்பேசி எண்ணும் இடம் பெற்றிருந்ததால் பலர் போன் செய்து ஆபாசமாக பேசி தொல்லை கொடுத்துள்ளனர்.

இந்த பிரச்சினையால் மனமுடைந்து போன காஜல், சென்னை பொலிஸ் கொமிஷனர் திரிபாதியை சந்தித்து புகார் மனு ஒன்றை அளித்தார்.

அதில் கூறி இருப்பதாவது: கடந்த சில திகதிகளுக்கு முன்பு எனது கைப்பேசியில் பேசிய ஒருவர் உங்கள் புகைப்படத்தை இணையதளத்தில் பார்த்தேன் என்று கூறி ஆபாசமாக பேசினார்.

மேலும் எனது கைப்பேசிக்கு பலர் ஆபாச குறுஞ்செய்திகளையும் அனுப்பினர். இதனால் நான் அதிர்ச்சி அடைந்தேன். இத்தொல்லை அதிகரித்ததால் எனது கைப்பேசி எண்ணை மாற்றும் நிலைமைக்கு தள்ளப்பட்டுள்ளேன்.

இதன் காரணமாக நானும் எனது குடும்பத்தினரும் மிகுந்த மனஉளைச்சலுக்கு ஆளாகி உள்ளோம்.

எனவே எனது இதுகுறித்து நடவடிக்கை எடுக்கவேண்டுமென தனது மனுவில் தெரிவித்துள்ளார். தற்போது சைபர் கிரைம் பொலிஸ் விசாரணைக்கு உத்தரவிடப்பட்டுள்ளது.

Read More

எழுத்தாளராக நடிக்கும் பூனம் கவுர்...

கொலிவுட்டில் 'வதம்' படத்தை இயக்குனர் மதிவாணன் இயக்கியுள்ளார்.


இந்த த்ரில்லர் படத்தில் பூனம் கவுர் முக்கியமான வேடத்தில் நடித்துள்ளார்.


இப்படம் குறித்து இயக்குனர் மதிவாணன், வதம் படத்தில் நாயகன் என்று யாரும் கிடையாது. பூனம் வலுவான கதாப்பாத்திரத்தில் நடித்துள்ளார்.


எழுத்தார்வம் மிக்க இளம் பெண்ணாக அவர் வருகிறார். எந்த சூழ்நிலையிலும் ஒரு பெண்ணால் உறுதியாக நின்று எதையும் சாதிக்க முடியும் என்பதற்கு உதாரணமாக இப்படத்தில் இருப்பார்.


சமீபத்தில் கொடைக்கானலில் படப்பிடிப்பை நடத்தியுள்ளோம். படத்துக்கு ஸ்ரீகாந்த் தேவா இசையமைத்துள்ளார். அபு ஷா ஒளிப்பதிவு செய்துள்ளார்.


படத்தில் இயக்குனர் வெங்கடேஷ், ஜான் விஜய், மகேந்திரன், பாய்ஸ் மணிகண்டன், எம்.எஸ்.பாஸ்கர், பேபி வர்ஷா மற்றும் பலர் நடித்துள்ளார்கள் என்று கூறியுள்ளார்.


   

Read More

அரவான் அர்ச்சனாவுக்கு திருமணம்...

அரவான் படத்தில் முக்கியமான வேடத்தில் நடித்த அர்ச்சனாவுக்கு திருமணம் நடந்ததாக கொலிவுட்டில் தகவல் வெளியாகியுள்ளது.
கொலிவுட்டில் வசந்தபாலன் இயக்கத்தில் அரவான் படத்தில் ஆதி, தன்ஷிகாவுடன் அர்ச்சனா கவி நடித்துள்ளார்.

பழங்கால தமிழ் கலாசாரத்தை வெளிப்படுத்தக்கூடிய அரவானில் நடித்திருக்கும் அரச்சானா, கேரளா பாலக்காட்டை சேர்ந்தவர்.

மலையாளத்தில் ஒரு சில படங்களில் நடித்துள்ள அர்ச்சனா தற்போது கொலிவுட்டில் முகாமிட்டுள்ளார்.

இந்நிலையில் அர்ச்சனா திருமணம் முடித்துக்கொண்டதாக தகவல் ஒன்று வெளிவர சற்றே அதிர்ச்சியடைந்துள்ளார்.

நான் யாரையும் திருமணம் செய்து கொள்ளவில்லை. இப்படியெல்லாம் வதந்திகளை பரப்பிவிடுபவர்கள் யார் என்று எனக்கு தெரியவில்லை.

இன்னும் சில வருடங்களுக்கு திருமணம் பற்றி நினைத்து பார்க்க மாட்டேன் என்று அர்ச்சனா கவி கூறியுள்ளார்.

   

Read More