லண்டன் ஒலிம்பிக் போட்டிகளை ஒளிபரப்புவதற்கு மகாராஜா ஒளிபரப்பு வலையமைப்புக்கு தடை...

லண்டன் ஒலிம்பிக் போட்டிகளை ஒளிபரப்புவது தொடர்பில் மகாராஜா ஒளிபரப்பு வலையமைப்பு மேற்கொண்ட தீர்மானத்திற்கு, கொழும்பு வர்த்தக உயர் நீதிமன்றம் தடையுத்தரவை பிறப்பித்துள்ளது.

 இலங்கை ரூபவாஹினி கூட்டுத்தாபனம் தாக்கல் செய்த மனுவொன்றை கவனத்தில் கொண்டே இந்த தடையுத்தரவு பிறக்கப்பட்டுள்ளதாக தெரிவிக்கப்படுகிறது.

எதிர்வரும் 2012 மே 31 திகதியுடன் குறித்த உத்தரவு அமுலுக்கு வரும் என வர்த்தக உயர் நீதிமன்ற நீதவான் காமினி அமரசேகர தெரிவித்தார்.

மலேசியாவை தலைமையகமாக கொண்டியங்கும் ஆசிய – பசுபிக் ஒளிபரப்பு ஒன்றியத்தின் ஒத்துழைப்புடன் இந்த மனு தாக்கல் செய்யப்பட்டதாக தெரியவருகிறது.

எதிர்வரும் ஜுலை 27 ம் திகதி தொடக்கம் ஆரம்பமாகவுள்ள ஒலிம்பிக் போட்டிகளின் ஒளிபரப்பு உரிமை தொடர்பில் இலங்கை ரூபவாஹினிக் கூட்டுத்தாபனம் மற்றும் மகாராஜா
ஒளிபரப்பு வலையமைப்பு ஆகியவற்றுக்கிடையில் தொடர்ச்சியாக முறுகல் நிலை நிலவி வருகின்றது.