ஐ.பி.எல் போட்டியை தடை செய்யக் கோரி முன்னாள் கிரிக்கெட் வீரர் உண்ணாவிரதம்...

ஐ.பி.எல் கிரிக்கெட்டை முற்றிலும் நிறுத்தக்கோரி பா.ஜ.க எம்.பியும், முன்னாள் கிரிக்கெட் வீரருமான கீர்த்தி ஆசாத் அவரது ஆதரவாளர்களுடன் டெல்லியில் உண்ணாவிரதப் போராட்டம் தொடங்கியுள்ளார்.

டெல்லியில் உள்ள பெரோஷ் ஷா கோட்லா மைதானத்திற்கு வெளியே உண்ணா விரதத்தை தொடங்கிய கீர்த்தி ஆசாத் பேசுகையில், கிரிக்கெட் விளையாட்டில் வெளிப்படைத்தன்மை என்பது இல்லாமல் அதிகமாக அரசியல் கலந்துள்ளது என்றார்.

மேலும் அவர் கூறுகையில், கிரிக்கெட் நம் நாட்டின் மதம், ஆனால் இளம் வீரர்கள் நாட்டிற்காக விளையாடுவதை விட ஐ.பி.எல் கிரிக்கெட்டில் விளையாடுவ்தையே விரும்புகின்றனர் என்றார்.

பாகிஸ்தானுக்கு எதிராக முதல் டெஸ்ட் போட்டியிலேயே ஒரு இன்னிங்ஸில் 5 விக்கெட்டுகளை கைப்பற்றிய விவேக் ரஸ்தான் என்ற வீரரும் கீர்த்தி ஆசாத்துடன் இருந்தார்.

இதேபோல யோகாகுரு பாபா ராம்தேவும், ஐ.பி.எல் ஆட்டம் என்ற பெயரில் தீய ஒழுக்க கேடுகள் நிறைந்து இருப்பதாகவும், இதனை தடை செய்ய வேண்டும் என்றும் வலியுறுத்தியுள்ளார்.