தெலுங்கில் ரவி தேஜாவுடன் இணையும் காஜல் அகர்வால்...

தெலுங்கில் த்ரிஷா, அமலா பால் என பிரபல நாயகிகள் நடிக்க இருப்பதாக பேசப்பட்ட படத்தில் இப்போது காஜல் அகர்வால் நடிப்பதாக தகவல் வெளியாகியுள்ளது. தெலுங்கு பட இயக்குனர் பரசுராம் இயக்கத்தில், நாயகன் ரவிதேஜா நடிக்கும் படம் 'சார் ஒஸ்தாரா'. இப்படத்தில் நடிக்க தென்னிந்திய நட்சத்திர நாயகிகள் த்ரிஷா, அமலா பால் ஒப்பந்தமாகி விலகினர். இந்நிலையில் காஜல் அகர்வால் ரவிதேஜாவுடன் நடிக்கிறார். படத்தில் காஜல் நடிப்பதற்கு படத்தயாரிப்பாளர் அஸ்வினி தத் சம்மதம் கூறியுள்ளார். படத்தில் முக்கியமான கதாப்பாத்திரத்தில் நடிக்க பொருத்தமான நடிகையை அவர் தேடிவருகிறார். படத்தின் முதற்கட்ட படப்பிடிப்பை ஊட்டியில் தொடங்குகிறார்கள். நாயகன் ரவி தேஜா தற்போது வேறு படங்களில் நடித்து வருகிறார்.

அவர் இந்தப்படத்தில் நடிக்க களமிறங்கியதும் படம் பற்றிய அறிவிப்பு வெளியாகும் என்று படக்குழு தெரிவித்துள்ளது.