பார்வையாளர்களை நோக்கி சப்பாத்துவை காட்டினாரா ஷாருக்கான்? மீண்டும் சர்ச்சை...

ஐ.பி.எல் 5 தொடரில் மும்பை மைதானத்திற்கு குடித்துவிட்டு வந்து, ரகளையில் ஈடுபட்டதாக ஷாருக்கான் மீது குற்றச்சாட்டு எழுந்தது. இதனால் மும்பை மைதானத்திற்குள் நுழைய ஷாருக்கானுக்கு 5 ஆண்டு கால தடை விதிக்கப்பட்டுள்ளது.

இந்நிலையில் மீண்டும் ஷாருக்கான் பார்வையாளர்களை நோக்கி சப்பாத்துவை(ஷூ) காட்டியதாக புதிய சர்ச்சை ஒன்று கிளம்பியுள்ளது.

நடப்பு ஐ.பி.எல் 5 தொடரின் பிளேஆப் சுற்றில் கொல்கத்தா நைட் ரைடர்ஸ் அணி, டெல்லி டேர்டெவில்ஸ் அணிகள் மோதிய போட்டி புனே மைதானத்தில் நடைபெற்றது.

அதிக விறுவிறுப்பை ஏற்படுத்திய இப்போட்டியில் கொல்கத்தா அணி 18 ஓட்டங்கள் வித்தியாசத்தில் டெல்லி அணியை வீழ்த்தி இறுதிச் சுற்றுக்கு முதன் முறையாக தகுதி பெற்றது.

கொல்கத்தா நைட் ரைடர்ஸ் அணியின் வெற்றியை கொண்டாடிய, அந்த அணியின் உரிமையாளரான பாலிவுட் நடிகர் ஷாருக்கான், மைதானத்தில் வீரர்களுடன் வலம் வந்தார். மகிழ்ச்சி வெள்ளத்தில் திளைத்த ஷாருக்கான் ஆரவாரமிட்டபடி மைதானத்தில் இங்கும் அங்குமாக ஓடினார்.

அப்போது அவர் பார்வையாளர்களை பார்த்து டாடா காட்டி கொண்டிருந்த போது, பார்வையாளர்களில் குறிப்பிட்ட யாரையோ மைதானத்திற்குள் இறங்கி வருமாறு அழைத்தார்.

ஆனால் அவரது செய்கை டாடா காட்டுவது போல இருந்ததால், யாரும் அதை பெரிய பொருட்டாக எடுத்து கொள்ளவில்லை. ஆனால் அதன்பிறகு ஷாருக்கான் கோபமாக தனது சப்பாத்துவை கையில் எடுத்து மிரட்ட முயன்றதாக கூறப்படுகிறது.

கொல்கத்தா நைட் ரைடர்ஸ் அணியின் வெற்றிக் கொண்டாடங்களுக்கு இடையே அதிகம் கவனிக்கப்படாமல் விடப்பட்ட இந்த சம்பவம் கேமராவில் சிக்கியுள்ளது

ஏற்கனவே, ஜெய்ப்பூர் மைதானத்தில் புகை பிடித்ததற்காக நீதிமன்றம் சம்மன்  வழங்கியது மற்றும் மும்மை மைதானத்தில் நுழைய தடை என்று அடுத்தடுத்து பிரச்சினைகளில் ஷாருக்கான் சிக்கித்தவிக்கிறார்.