டெக்கான் வெற்றி: பிளே ஆப் சுற்றுக்குள் நுழைந்தது சென்னை...

ஐ.பி.எல் தொடரின் பரபரப்பான இன்றைய போட்டியில் பெங்களூர் றொயல் சேலஞ்சர்ஸ் அணியை 9 ஓட்டங்கள் வித்தியாசத்தில் டெக்கான் சார்ஜர்ஸ் அணி வீழ்த்தியது.

ஐந்தாவது ஐ.பி.எல் டி20 கிரிக்கெட் தொடரின் 71வது லீக் போட்டியில் டெக்கான். பெங்களுர் அணிகள் மோதும் இன்றைய போட்டி ஹைதராபாத் ராஜிவ் காந்தி சர்வதேச மைதானத்தில் தொடங்கியது.

நாணய சுழற்சியில் வெற்றி பெற்ற பெங்களூர் றொயல் சேலஞ்சர்ஸ் அணி களத்தடுப்பை தெரிவு செய்தது.

இதனையடுத்து, டெக்கான் சார்ஜர்ஸ் அணி துடுப்பெடுத்தாட தொடங்கியது. தொடக்க வீரர்களாக களமிறங்கிய ஷிகார் திவான் 5 ஓட்டங்களும், அக்ஷத் ரெட்டி 7 ஓட்டங்களும் எடுத்த நிலையில் ஆட்டமிழந்தனர்.

அடுத்து களமிறங்கிய காமிரான் ஒயிட்டும் 1 ஓட்டங்கள் எடுத்த நிலையில் மயான்க் அகர்வாலிடம் பிடி கொடுத்து ஆட்டமிழந்தார். அடுத்து களமிறங்கிய அணித்தலைவர் குமாரா சங்கக்காரா 15 ஓட்டங்களும், பார்த்தீவ் படேல் 16 ஓட்டங்களும் எடுத்து ஆட்டமிழந்தனர். பின்பு களமிறங்கிய ஜீன் பால் டுமினி 53 பந்தில் 4 பவுண்டரி, 5 சிக்சருடன் 74 ஓட்டங்கள் எடுத்து ஆட்டமிழந்தார்.

டெக்கான் சார்ஜர்ஸ் அணி 20 ஓவர் முடிவில் 7 விக்கெட் இழப்பிற்கு 132 ஓட்டங்கள் எடுத்தது.

இதனையடுத்து 133 ஓட்டங்கள் இலக்குடன் பெங்களூர் றொயல் சேலஞ்சர்ஸ் அணி துடுப்பெடுத்தாட தொடங்கியது.

தொடக்க வீரர்களாக களமிறங்கிய கிறிஸ் கெய்ல் 27 ஓட்டங்களும், திலகரத்ண டில்ஷான் 4 ஓட்டங்களும் எடுத்து ஆட்டமிழந்தனர். அடுத்து களமிறங்கிய சௌரப் திவாரி 2 ஓட்டங்கள் எடுத்த நிலையில் காயம் ஏற்பட்டதால் வெளியேறினார்.

பின்பு களமிறங்கிய அணித்தலைவர் வீராட் கோஹ்லி நிலைத்து நின்று 42 ஓட்டங்கள் எடுத்தார். சிறிது நேர ஓய்வுக்கு பின் மீண்டும் இணைந்த திவாரி 30 ஓட்டங்கள் எடுத்து ஆட்டமிழந்தார். பின்பு களமிறங்கிய வீரர்கள் அனைவரும் ஒற்றை இலக்க ஓட்டங்களில் ஆட்டமிழந்தனர்.

மேலும், ஜாகிர்கானும், முத்தையா முரளிதரனும் ஓட்டங்கள் ஏதுமின்றி ஆட்டமிழந்தனர்.

பரபரப்பான இன்றைய போட்டியில் 20 ஓவர் முடிவில் பெங்களூர் றொயல் சேலஞ்சர்ஸ் அணி 9 விக்கெட் இழப்பிற்கு 123 ஓட்டங்கள் மட்டுமே எடுத்து 9 ஓட்டங்கள் வித்தியாசத்தில் அதிர்ச்சி தோல்வியடைந்து பிளே ஆப் வாய்ப்பை தவற விட்டது.

டெக்கான் சார்ஜர்ஸ் அணி 9 ஓட்டங்கள் வித்தியாசத்தில் ஆறுதல் வெற்றி பெற்றதன் மூலம் சென்னை சூப்பர் கிங்ஸ் அணி பிளே ஆப் சுற்றுக்குள் நுழைந்தது.

டிவில்லியர்ஸ் 4 ஓட்டங்களுடனும் ஆட்டமிழக்காமல் களத்தில் உள்ளனர்.