தனியார் கல்வி நிலையம் சென்ற மாணவனைக் காணவில்லை - வடமராட்சியில் சம்பவம்...

வடமராட்சியின் கெருடாவில். பகுதியில் பாடசாலை மாணவன் ஒருவர் கடந்த சனிக்கிழமை முதல் காணாமல் போயுள்ளதாக தெரிவிக்கப்படுகின்றது.

உடுப்பிட்டி அமெரிக்க மிஷன் கல்லூரியில் தரம் 10 இல் கல்வி கற்கும் கெருடாவில் தெற்கைச் சேர்ந்த கோணேஸ்வர குருக்கள் செந்தூரன் வயது 15 என்ற பாடசாலை மாணவனே இவ்வாறு காணாமல் போயுள்ளர்.

தனியார் கல்வி நிலையத்திற்கு காலை 8 மணியளவில் வீட்டிலிருந்து புறப்பட்ட இவர் பின்னர் வீடு திரும்பவில்லையென்பதோடு கல்வி நிலையத்திற்கும் செல்லவில்லையெனத் தெரியவருகின்றது.

இது தொடர்பில் இவரது பெற்றோரால் வல்வெட்டித்துறைப் பொலிஸில் முறைப்பாடு மேற்கொள்ளப்பட்டுள்ளது. சம்பவம் தொடர்பான விசாரணைகளை பொலிஸார் மேற்கொண்டு வருகின்றனர்.