9 மொழிகளில் உருவாகும் இயேசு கிறிஸ்து 3டி படம்...

திரையுலகில் முதன்முறையாக இயேசு கிறிஸ்துவின் வாழ்க்கை 3டி படமாகிறது.

தமிழ், மலையாளம், ஆங்கிலம் உட்பட 9 மொழிகளில் உருவாக உள்ள இப்படத்திற்கு “முப்பது வெள்ளிக்காசு” என பெயர் வைக்கப்பட்டுள்ளது.

ஆங்கிலத்தில் “தர்ட்டி பீசஸ் ஆப் சில்வர்” என பெயர் சூட்டியுள்ளது குறிப்பிடத்தக்கது.

ரூ.35 கோடி செலவில் தயாராக உள்ள இப்படத்தை ஒரே நேரத்தில் 5 ஆயிரம் திரையரங்குகளில் வெளியிட படக்குழுவினர் முடிவு செய்துள்ளனர்.

இப்படத்தை சூரியன் என்பவர் இயக்குகின்றார். இவர் வாரணசாலா பைபிள் நிபுணர்களுடன் பலதடவை கதை பற்றி விவாதித்து திரைக்கதைக்கு இறுதி வடிவம் கொடுத்துள்ளார்.

படப்பிடிப்புகள் ஜெருசலேம், கர்நாடகாவில் உள்ள ஹம்பி, ஐதராபாத்தில் உள்ள ராமோஜிராவ் பிலிம்சிட்டி போன்ற பகுதிகளில் எதிர்வரும் ஜூலை இறுதியில் நடக்கிறது.

இயேசுவாகவும் 12 சீடர்களாகவும் புதுமுகங்கள் நடிக்க, இவர்களுடன் 300 பேர் நடிக்கிறார்கள். அதில் 50 பேர் கேரளாவை சேர்ந்தவர்கள் என்பது குறிப்பிடத்தக்கது.

படத்துக்கான பூஜை அடுத்த மாதம் (ஜூன்) 5ம் திகதி கொச்சியில் நடைபெறுகின்றது. அடுத்த ஈஸ்டர் பண்டிகையில் இப்படத்தை ரிலீஸ் செய்ய திட்டமிட்டுள்ளனர்.