சீனாவில் அந்தரத்தில் தொங்கிய கேபிள் கார்: 78 பேர் உயிருடன் மீட்பு...

சீனாவில் கேபிள் கார் பாதியில் நின்றதால் அந்தரத்தில் தொங்கிய 78 பேர் உயிருடன் பத்திரமாக மீட்கப்பட்டனர்.

சீனாவின் கூவான்ஜிகி ஜியாங்க் மாகாணத்தில் ஜிலியான் நகரில் யோவாஷான் மலைப்பிரதேச பகுதியில் கேபிள் கார்(ரோப் கார்) இயங்கி வருகிறது.

இந்த கேபிள் காரில் நேற்று 80 பேர் பயணித்தனர். இவர்களில் பெரும்பாலானோர் சுற்றுலா பயணிகள் ஆவர்.

மெதுவாக நகர்ந்து கொண்டிருந்த கேபிள் கார் திடீரென மின்தடையால் பாதியில் நின்றுவிட்டது.

பல ஆயிரம் அடி உயரத்தில் அந்தரத்தில் தொங்கி கொண்டிருந்த அவர்கள் அலறினர்.

உடனடியாக அவர்களை மீட்க தீயணைப்புப்படை வரவழைக்கப்பட்டது. 200 வீரர்களின் 11 மணிநேர போராட்டத்திற்கு பின் அனைவரும் பத்திரமாக மீட்கப்பட்டனர், இதனால் உயிர்ச்சேதம் எதுவுமில்லை.