இயக்குனர் ஷங்கர் படத்தில் நடிக்க அசினுக்கு எதிர்ப்பு...

இயக்குனர் ஷங்கரின் புதிய படத்தில் அசின் நடிக்கக்கூடாதென இந்து மக்கள் கட்சி எதிர்ப்பு தெரிவித்துள்ளது.
கொலிவுட்டில் நண்பன் திரைப்படத்திற்கு பிறகு, சியான் விக்ரமை வைத்து புதிய படமொன்றை ஷங்கர் இயக்கவுள்ளார்.

இப்படத்தில் நாயகியாக நடிக்க அசின் ஒப்பந்தம் செய்யப்பட்டதாக தகவல் வெளியானது.

இந்நிலையில் இதற்கு இந்து மக்கள் கட்சி எதிர்ப்பு தெரிவித்துள்ளது. அவர்கள் கூறியதாவது, தமிழ் திரையுலகினர் யாரும் இலங்கை செல்லக்கூடாதென தடை விதிக்கப்பட்டிருந்த நேரத்தில் நடிகை அசின் இலங்கை சென்றார்.

அங்கு ஜனாதிபதி ராஜபக்சவுடன் விருந்து சாப்பிட்டார். தமிழர்களுக்கு எதிராக போர் தொடுத்த ராஜபக்சவுடன் கைகுலுக்கி பேசியுள்ளார்.

எனவே அவர், இனி தமிழ்படங்களில் நடிக்கக்கூடாது. இயக்குனர் ஷங்கர், தனது புதிய படத்தில் அசினை நடிக்க வைக்கக்கூடாது.

மீறி நடிக்க வைத்தால் ஷங்கர் வீட்டு முன்பு, முற்றுகை போராட்டம் நடத்துவோம் என அறிக்கை விடுத்துள்ளனர்.