ஐ.பி.எல் தொடர்: துடுப்பெடுத்தாடுகிறது புனே.....

ஐ.பி.எல் தொடரின் டெல்லி டேர்டெவில்ஸ் அணிக்கெதிரான இன்றைய ஆட்டத்தில் புனே வாரியர்ஸ் அணி துடுப்பெடுத்தாடி வருகிறது.

ஐந்தாவது ஐ.பி.எல் டி20 கிரிக்கெட் தொடரின் 27வது லீக் போட்டியில் டெல்லி டேர்டெவில்ஸ், புனே வாரியர்ஸ் அணிகள் மோதும் இன்றைய போட்டி  டெல்லி ஃபெரோஷா மைதானத்தில் தொடங்கியது.

நாணய சுழற்சியில் வெற்றி பெற்ற டெல்லி டேர்டெவில்ஸ் அணித்தலைவர் வீரேந்திர ஷேவாக் களத்தடுப்பை தெரிவு செய்தார்.

இதனையடுத்து, புனே வாரியர்ஸ் அணி துடுப்பெடுத்தாட தொடங்கியது.

தொடக்க வீரராக களமிறங்கிய ராபின் உத்தப்பா 10 ஓட்டங்களில் ஓஜாவின் பிடியில் ஆட்டமிழந்தார்.

மற்றொரு தொடக்க வீரரான ஜெஸ்சி ரைடர் 43 ஓட்டங்களுடனும், அணித்தலைவர் சௌரவ் கங்குலி 14 ஓட்டங்களுடனும் களத்தில் உள்ளனர்.

சற்று முன்பு வரை புனே வாரியர்ஸ் அணி 8.2 ஓவரில் 1 விக்கெட் இழப்பிற்கு 70 ஓட்டங்கள் எடுத்துள்ளது.