மஞ்சள் கடற்பகுதியில் சீனா, ரஷ்யா கூட்டுக் கடற்பயிற்சி...

கிழக்கு சீன கடற்பரப்பான மஞ்சள் கடற்பகுதியில் சீனாவும் ரஷ்யாவும் இன்று முதல் கூட்டுக் கடற்படை பயிற்சியை மேற்கொள்கின்றன.

இக்கூட்டுக் கடற்படைப் பயிற்சிக்காக ரஷ்ய கப்பல்கள் நேற்று சீனாவின் சிங்தா துறைமுகத்திற்கு வந்தது.

அமெரிக்கா, ரஷ்யா பனிப்போருக்குப் பின்னதாக இரு நாடுகளும் கடந்த சில ஆண்டுகளாக கூட்டுப் கடற் போர்ப்பயிற்சியில் ஈடுபட்டு வருகின்றன.

இப்பயிற்சி தொடர்பாக கருத்து தெரிவித்த ரஷ்ய கடற்படையின் துணை முதன்மை தளபதி சுக்னோவ், இப்பயிற்சி ரஷ்யா, சீனாவிற்கு கிடைத்த ஒரு அரிய வாய்ப்பு என்று கூறியுள்ளார்.

இன்று முதல் வரும் 27ம் திகதி வரையில் மஞ்சள் கடல் பகுதியில் வான் தாக்குதல், கடலில் பொருட்களை வழங்குதல், கடல் வழி ஊடுருவலை எதிர்ப்பது, கடலில் மீட்புதவி ஆகியவை தொடர்பாக இருநாட்டு கடற்படையும் பயிற்சிகளை மேற்கொள்ள உள்ளது.

சீனாவின் 2 நீர்மூழ்கிக் கப்பல்கள் மற்றும் 16 போர்க் கப்பல்கள் இப்பயிற்சியில் பங்கேற்கின்றன.