பாகிஸ்தான் விமான விபத்திற்கு வேற்று கிரக வாசிகளின் பறக்கும் தட்டே காரணம்.... (வீடியோ இணைப்பு)

பாகிஸ்தானில் போஜா எயார் போயிஸ் 737 என்ற விமானம் கடந்த 20ம் திகதி விபத்துக்கு உள்ளானது.

இதற்கு காரணம் சீரற்ற காலநிலையெனவும், கடும் காற்று, இடி மற்றும் மின்னல் காரணமாக விமானத்தில் எரிபொருள் தாங்கி வெடித்தமையே எனவும் ஆரம்பத்தில் தெரிவிக்கப்பட்டது.

எனினும் ரஷ்ய ஊடகமொன்று விமானம் விபத்துக்குள்ளாகியமைக்கான காரணம் அடையாளம் கண்டுபிடிக்க முடியாத பறக்கும் பொருள்(Unidentified flying object அல்லது UFO) என செய்தி வெளியிட்டுள்ளது.

விமானி விமானத்தை செலுத்திக் கொண்டிருக்கும் போது, அவரின் கண்களின் முன் அடையாளம் கண்டுபிடிக்க முடியாத பறக்கும் பொருளொன்று தோன்றியதாகவும் அதன் ஒளி முக்கோண வடிவில் காணப்பட்டதாகவும் இதனால் அவர் குழப்பம் அடைந்தமையே விபத்துக்கான காரணமெனவும் அச்செய்தியில் குறிப்பிடப்பட்டுள்ளது.

இச்செய்தியானது ஊர்ஜிதப்படுத்தப்படாதபோதிலும் தற்போது பெரும் பரபரப்பை ஏற்படுத்தியுள்ளது.

அடையாளம் கண்டுபிடிக்க முடியாத பறக்கும் பொருள்(Unidentified flying object அல்லது UFO), வேற்றுக்கிரக வாசிகள் பூமியின் எல்லைக்குள் நுழைதல் தொடர்பில் செய்திகள் வெளிவருவது வழமை.