சர்வதேச நீதிமன்ற நீதிபதியாக தல்வீர் பண்டாரி தெரிவு...

இருபது ஆண்டுகளுக்கு பிறகு சர்வதேச நீதிமன்ற நீதிபதியாக, இந்திய நீதிபதி தல்வீர் பண்டாரி தெரிவு செய்யப்பட்டுள்ளார்.

ஐ.நா.வின் சர்வதேச நீதிமன்றம் நெதர்லாந்தில் உள்ள ஹாக் நகரில் உள்ளது. இந்த நீதிமன்றத்தின் நீதிபதிகளை தேர்ந்தெடுப்பதற்கான தேர்தல் நடந்தது.

இதில் இந்தியாவின் சார்பில் முன்னாள் உச்சநீதிமன்ற நீதிபதி தல்வீர் பண்டாரி போட்டியிட்டார். இவரை எதிர்த்து பிலிப்பைன்ஸ் நீதிபதி புளோரின்டினோ பெலிசியானோ போட்டியிட்டார்.

ஐ.நா பொது சபையில் நடந்த தேர்தலில், 122 வாக்குகள் மற்றும் ஐ.நா பாதுகாப்பு கவுன்சிலில் உள்ள 15 பேரில் 13 பேரின் வாக்குகளை தல்வீர் பண்டாரி பெற்று வெற்றி பெற்றார்.

புளோரின்டினோ 58 வாக்குகள் பெற்றார். இதன் மூலம் 20 ஆண்டுகளுக்கு பிறகு சர்வதேச நீதிமன்ற நீதிபதியாக, இந்திய நீதிபதி ஒருவர் நியமிக்கப்பட்டுள்ளது குறிப்பிடத்தக்கது.

இதற்கு முன் கடந்த 1988ஆம் ஆண்டு முதல் 1990ஆம் ஆண்டு வரை உச்சநீதிமன்ற முன்னாள் தலைமை நீதிபதி ஆர்.எஸ்.பதக், சர்வதேச நீதிமன்ற நீதிபதியாக பணியாற்றி உள்ளார்.