ஐ.பி.எல் தொடர்: 164 ஓட்டங்கள் இலக்குடன் துடுப்பெடுத்தாடுகிறது பஞ்சாப்...

ஐ.பி.எல் தொடரின் மும்பை இண்டியன்ஸ் அணிக்கெதிரான இன்றைய போட்டியில் கிங்ஸ் லெவன் பஞ்சாப் அணி 164 ஓட்டங்கள் இலக்குடன் துடுப்பெடுத்தாடி வருகிறது.

ஐந்தாவது ஐ.பி.எல் டி20 கிரிக்கெட் தொடரின் 28வது லீக் போட்டியில் மும்பை இண்டியன்ஸ், கிங்ஸ் லெவன் பஞ்சாப் அணிகள் மோதும் இன்றைய போட்டி மும்பை வான்கடே மைதானத்தில் தொடங்கியது.

நாணய சுழற்சியில் வெற்றி பெற்ற மும்பை இண்டின்ஸ் அணி துடுப்பாட்டத்தை தெரிவு செய்தது.

தொடக்க வீரராக களமிறங்கிய சச்சின் டெண்டுல்கர் 23 ஓட்டங்கள் எடுத்த நிலையில் ஆட்டமிழந்தார்.

அடுத்து களமிறங்கிய ரோகித் சர்மா 2 ஓட்டங்களும், தினேஷ் கார்த்திக் 35 ஓட்டங்களும் எடுத்தனர். மற்ற வீரர்கள் ஒற்றை இலக்க ஓட்டங்களில் ஆட்டமிழந்தனர்.

மற்றொரு தொடக்க வீரரான ஜேம்ஸ் பிராங்களின் நிலைத்து நின்று விளையாடி 51 பந்தில் 6 பவுண்டரி, 4 சிக்சர்களுடன் அரைசதம் கடந்து 79 ஓட்டங்கள் எடுத்தார்.

மும்பை இண்டியன்ஸ் அணி 20 ஓவர் முடிவில் 6 விக்கெட் இழப்பிற்கு 163 ஓட்டங்கள் எடுத்துள்ளது.

இதனையடுத்து 164 ஓட்டங்கள் இலக்குடன் கிங்ஸ் லெவன் பஞ்சாப் அணி களமிறங்கியது.

தொடக்க வீரர்களாக களமிறங்கிய நிதின் ஸைனி 25 ஓட்டங்களும், மந்திப் சிங் 16 ஓட்டங்களும் எடுத்துள்ளனர்.

சற்று முன்பு வரை கிங்ஸ் லெவன் பஞ்சாப் அணி 5.1 ஓவரில் 43 ஓட்டங்கள் எடுத்துள்ளது.