ஒசாமா பின்லேடனின் மனைவிகளுக்கு சிறைத்தண்டனை விதிப்பு

பாகிஸ்தானில் சட்டவிரோதமாக நுழைந்த குற்றத்திற்காக ஒசாமா பின்லேடனின் மனைவிகள் மற்றும் குழந்தைகளுக்கு பாகிஸ்தான் நீதிமன்றம் தண்டனை விதித்து இன்று தீர்ப்பு வழங்கியது.

சர்வதேச பயங்கரவாதி ஒசாமா பின்லேடன் பாகிஸ்தானின் அபோதாபாத்தில் பதுங்கியிருந்த போது அமெரிக்க இராணுவத்தினரால் சுட்டுக் கொல்லப்பட்டார்.

அப்போது அவருடன் 3 மனைவிகள், அவரது குழந்தைகள், பேரக்குழந்தைகள் என மொத்தம் 11 பேர் இருந்தனர்.

இதனையொட்டி சட்டவிரோதமாக பாகிஸ்தானுக்குள் நுழைந்ததாக இவர்கள் மீது வழக்குப்பதிவு செய்யப்பட்டது. எனவே அவர்கள் கைது செய்யப்பட்டு, வீட்டுக் காவலில் வைக்கப்பட்டுள்ளனர். பாதுகாப்பு காரணம் கருதி அவர்கள் சிறையில் அடைக்கப்படவில்லை.

இந்நிலையில் நீதிபதி நேரில் வந்து அவர்களிடம் விசாரணை நடத்தினார். அதன்பின் தீர்ப்பு இன்று வழங்கப்பட்டது, அதன்படி ஒவ்வொருவருக்கும் தலா 45 நாட்கள் சிறைத் தண்டனையும், தலா ரூ. 10,000 அபராதமும் விதிக்கப்பட்டுள்ளது.