கார்த்தி- வெங்கட் பிரபுவை இணைத்த சூர்யா....

புது படம் ஒன்றிற்காக கார்த்தியை இயக்குனர் வெங்கட் பிரபுவோடு, மாற்றான் சூர்யா இணைத்து வைத்திருப்பதாக தகவல் வெளியாகி உள்ளது.  
கார்த்தி, நாயகி ப்ரனிதா நடித்துள்ள சகுனி படம், இசை வெளியீட்டு விழாவுக்கு பிறகு வெளியாகிறது.

இந்த அரசியல் நையாண்டி படத்தை அறிமுக இயக்குனர் ஷங்கர் தயாள் இயக்கியுள்ளார். ட்ரீம் வாரியர் பிக்சர்ஸ் இப்படத்தைத் தயாரித்துள்ளது.

தல அஜித்துடன் இணைந்து மங்காத்தா படத்தின் மூலம் ஹிட்டடித்த இயக்குனர் வெங்கட் பிரபு, கொலிவுட்டின் பிஸி ஹீரோக்களான சூர்யா, கார்த்தி இருவருக்கும் கதை சொல்லியிருப்பதாக தகவல் பரவியுள்ளது.

இயக்குனர் வெங்கட் பிரபு சொன்ன கதை, கார்த்திக்கு ரொம்ப பொருத்தமாக இருக்கும் என்று சூர்யா யோசித்தாராம். இதனையடுத்து கார்த்தி- வெங்கட் பிரபு இருவரையும் சூர்யா புது படம் ஒன்றிற்காக இணைத்து வைத்துள்ளார்.

கார்த்தி நடிப்பில் உருவாகும் படத்தை வெங்கட் பிரபு இயக்குகிறார். ஜூலை மாதம் படப்பிடிப்பு தொடங்குகிறது என்று தகவல் வெளியாகி உள்ளது.