மிரட்டல் படத்துக்காக வினயின் ஆக்ஸன் காட்சிகள்...

தமிழ் சினிமாவில் கமெர்சியல் பட இயக்குனராக ஹிட் படங்களைக் கொடுத்த இயக்குனர் மாதேஷ், தற்போது மிரட்டல் படத்தை இயக்கியுள்ளார்.
இதில் வினய், ஷர்மிளா இருவரும் நாயகன்- நாயகியாக இணைய, இவர்களுடன் கஞ்சா கருப்பு, சந்தானம் மற்றும் பலர் நடித்துள்ளார்கள்.

இப்படம் குறித்து பத்திரிக்கையாளர் சந்திப்பில் நாயகன் வினய் கூறுகையில், மூன்று வருடங்களுக்கு பிறகு நான் நடித்துள்ள தமிழ் படம் இது. என்னுடைய கதாபாத்திரத்திற்காக மும்பை வரை போய், ஹேர் ஸ்டைலில் இருந்து காஸ்ட்யூம் வரை வடிவமைத்துள்ளார்.

படத்தில் வரும் ஒவ்வொரு காட்சியையும் இயக்குனர் மாதேஷ் செதுக்கியுள்ளார். எனக்கு ஜோடியாக ஷர்மிளா நடித்துள்ளார்.

இந்தப்படத்தில் ரொமான்ஸ், ஆக்ஸன், காமெடி என எல்லாம் இருக்கிறது. பிரபு சார் படத்தில் நடித்துள்ளார்.

சிவாஜி சார் பெற்ற விருதுகளை பிரபு சார் காண்பித்த போது நான் பிரமித்துப் போனேன். என்னை நன்றாக தமிழ் பேச வைத்துள்ளார் இயக்குனர் மாதேஷ்.

இந்த மிரட்டல் படத்தில் ரொமான்ஸ் நாயகனாக மட்டுமில்லாமல் ஆக்ஸன் காட்சிகளில் அடிச்சு தூள் கிளப்பியிருக்கிறேன் என்று கூறியுள்ளார்.