காதலியிடம் இருந்து தப்பிக்க குப்பை தொட்டியில் குதித்த காதலன்...

காதலியிடம் இருந்து தப்பிக்க மாடியில் இருந்து குப்பை தொட்டியில் குதித்த வாலிபர் கடுமையான போராட்டங்கள் மற்றும் முயற்சிகளுக்கு பின்னர் மீட்கப்பட்டார்.

ரஷ்யாவை சேர்ந்த ஒருவர் காதலியை சந்திக்க அவர் தங்கியிருக்கும் அபார்ட்மென்டுக்கு சென்றுள்ளார்.

அங்கு இருவருக்கும் தகராறு ஏற்படவே, காதலியிடம் இருந்து தப்பிக்க அபார்ட்மென்ட் மாடியில் இருந்து குப்பை தொட்டியில் குதித்துள்ளார்.

நடுவில் சிக்கி கொண்ட வாலிபர், உயிருக்கு போராடியபடி அலறினார். அவரது சத்தம் கேட்டு அபார்ட்மென்டில் வசிப்பவர்கள் ஓடிச்சென்று பார்த்தனர்.

அப்போது குப்பை தொட்டியில் ஒருவர் சிக்கி தவிப்பது தெரிய வந்தது. உடனே தீயணைப்பு துறையினருக்கு தகவல் தெரிவித்தனர். சம்பவ இடத்துக்கு வந்த வீரர்கள், அபார்ட்மென்ட்டில் இருந்த கம்பிகளை அறுத்து அவரை மீட்டனர்.

இதுகுறித்து மீட்புக் குழுவினர் கூறுகையில், அபார்ட்மென்டில் உள்ள குப்பை தொட்டி மிக குறுகலானது. மேல்தளத்தில் இருந்தே கழிவுகளை கொட்டும் வசதி கொண்டது.

மிக ஆழமாகவும் இருந்தது. குப்பை தொட்டி என்று தெரியாமல் அவர் இதில் குதித்துள்ளார். பல்வேறு முயற்சிகள் மேற்கொண்ட போதும் அவரை மீட்க முடியவில்லை. பிறகு அதில் இருந்த கம்பிகளை வெட்டி மீட்டோம் என்றனர்.