ஐபாட் பயன்படுத்தும் ஒராங்குட்டான்கள்...

மனித குரங்குகளில் ஒரு வகையான ஒராங்குட்டான்கள், அதிநவீன தொழில் நுட்ப சாதனமான ஐபாட் பயன்படுத்தும் அளவுக்கு தேறி உள்ளன.

அமெரிக்காவில் புளோரிடா மாகாணம் மியாமியில் உள்ள ஒரு மிருகக்காட்சி சாலையில் தான் இந்த அதிசயம் நடக்கிறது. அங்கு 8 ஒராங்குட்டான்கள் பராமரிக்கப்பட்டு வருகின்றன.

அவற்றில் 6 இளவயது ஒராங்குட்டான்கள் ஐபாட் பயன்படுத்தி வருகின்றன. ஐபாடில் படம் வரைதல், விளையாட்டுதல் மற்றும் புதிய வார்த்தைகளையும் கற்றுக் கொள்கின்றன. தகவல் தொடர்புக்கும் பயன்படுத்துகின்றன.

ஒராங்குட்டான்களுக்கு லிண்டா ஜேக்கப்ஸ் என்பவர் இந்த பயிற்சியை நிர்வகித்து வருகிறார். டால்பின்களுக்கு ஐபாட் பயிற்சி அளித்து அனுபவப்பட்ட ஒருவர் அளித்த யோசனையின் பேரில் அவர் ஒராங்குட்டான்களுக்கு ஐபாடை பழக்கப்படுத்தினாராம். இதனால் மனிதர்களுக்கும், குரங்குகளுக்கும் இடையிலான வேறுபாடு மறையும் என்கிறார்.