ஐ.பி.எல் தொடரில் ஷேவாக் வரலாற்று சாதனை...

    

ஐ.பி.எல் தொடரில் ராஜஸ்தான் அணிக்கு எதிரான நேற்றைய ஆட்டத்தில், டெல்லி அணியின் அதிரடி துடுப்பாட்ட வீரர் ஷேவாக் 73 ஓட்டங்களை எடுத்து அணியின் வெற்றிக்கு வித்திட்டார்.

இம்முறை துடுப்பாட்டத்தில் அசத்தும் ஷேவாக், புனே(57), புனே(87*), மும்பை(73), ராஜஸ்தான்(63) அணிகளுக்கு எதிராக ஏற்கனவே அரைசதம் அடித்தார்.

தவிர டுவென்டி-20 வரலாற்றில் தொடர்ந்து 5 அரைசதம் அடித்த உலகின் முதல் வீரர் என்ற சாதனையும் படைத்தார்.

நேற்று 20 பந்தில் அரைசதம் எட்டினார் ஷேவாக். இதன் மூலம் இத்தொடரில் அதிவேக அரைசதம் அடித்த இரண்டாவது வீரரானார்.

முதல் இடத்தில் ராஜஸ்தான் அணியின் ஓவேஸ் ஷா(19 பந்து, எதிர், பெங்களூரு) உள்ளார்.