யாழ் சாவகச்சேரியில் மர்ம பொருள் வெடித்ததில் மாணவன் படுகாயம்...

சாவகச்சேரியில் இன்று மாலை இடம்பெற்ற வெடி விபத்து ஒன்றில் பாடசாலை மாணவன் ஒருவர் படுகாயமடைந்த நிலையில், யாழ்.போதனா வைத்தியசாலையில் அனுமதிக்கப்பட்டுள்ளார்.

மாலை 6 மணியளவில் இடம்பெற்ற இச்சம்பவத்தில், சரசாலை சாவகச்சேரியைச் சேர்ந்த எஸ்.கிசோபன் வயது 8 என்ற சிறுவனே இவ்வாறு படுகாயமடைந்த நிலையில் வைத்தியசாலையில் சிகிச்சைகளுக்காக அனுமதிக்கப்பட்டவராவார்.

குறித்த சிறுவன் வீட்டில் விளையாடிக்கொண்டிருந்தபோதே மர்மமான பொருள் ஒன்று வெடித்ததாகவும் அதன்போதே அவர் படுகாயமடைந்ததாகவும் தெரிவிக்கப்படுகின்றது.

படுகாயமடைந்த சிறுவன், சாவகச்சேரி ஆதார வைத்தியசாலையில் அனுமதிக்கப்பட்டு, மேலதிக சிகிச்சைகளுக்காக யாழ்.போதனா வைத்தியசாலைக்கு மாற்றப்பட்டு அதிதீவிர சிகிச்சைப்பிரிவில் சிகிச்சை பெற்று வருகின்றார்.

இச்சம்பம் தொடர்பாக சாவகச்சேரிப் பொலிஸார் விசாரணைகளை மேற்கொண்டு வருகின்றனர்.