கே.எஸ்.ரவிக்குமார் மகள் திருமணம்: ரஜினிகாந்த் நேரில் வாழ்த்து...

  இன்று காலை நடைபெற்ற பிரபல இயக்குநர் கே.எஸ்.ரவிக்குமாரின் மகளின் திருமணத்திற்கு நடிகர் ரஜினிகாந்த் நேரடியாக வாழ்த்து தெரிவித்தார்  பிரபல இயக்குனர் கே.எஸ். ரவிக்குமார்- கற்பகம் தம்பதி மகள் ஜனனிக்கும், ரவிசேகர்-கலாவதி தம்பதி மகன் சதீஷ்குமாருக்கும் திருமணம் நிச்சயம் செய்யப்பட்டது.
ஜனனி- சதீஷ்குமார் திருமணம் பட்டினப்பாக்கத்தில் உள்ள மேயர் ராமநாதன் செட்டியார் மண்டபத்தில் இன்று காலை நடைபெற்றது.

மணமக்களை கவர்னர் ரோசய்யா, ம.தி.மு.க. பொதுச்செயலாளர் வைகோ, பாரதீய ஜனதா தலைவர் பொன். ராதாகிருஷ்ணன், நடிகர் ரஜினிகாந்த் ஆகியோர் நேரில் வாழ்த்தினார்கள்

மேலும் விரைவில் திருமணம் செய்து கொள்ளவிருக்கும் சினேகாவும், பிரசன்னாவும் ஜோடியாக வந்து மணமக்களை வாழ்த்தினார்கள். மேலும் ஆர்.எம். வீரப்பன், ஏ.சி. சண்முகம், பாரிவேந்தர், ஜெயந்தி தங்கபாலு ஆகியோரும் நேரில் வாழ்த்தினர்.

நடிகர்கள் சிவக்குமார், பிரபு, ராமராஜன், ரகுமான், ஆனந்தராஜ், சின்னிஜெயந்த் பரத், ஜீவன், தியாகு, விஜய குமார், கவுண்டமணி, டெல்லிகணேஷ், அர்ஜூன், ராஜேஷ், அல்லு அரவிந்த், நடிகைகள் மஞ்சுளா, வைஜெயந்தி மாலா, எம்.என். ராஜம், சிம்ரன் ஆகியோரும் கலந்து கொண்டு வாழ்த்துக்களைத் தெரிவித்தனர்.

மேலும் இயக்குநர்கள் மணிரத்னம், சேரன், லிங்குசாமி, சுந்தர்.சி, பாலாஜி சக்திவேல், தயாரிப்பாளர்கள் கலைப்புலி தாணு, உதயநிதி ஸ்டாலின், ஆர்.பி. சவுத்ரி, ராம்குமார், அமுதா துரைராஜ், இசையமைப்பாளர் ஹாரீஸ் ஜெயராஜ், திரைப்பட மக்கள் தொடர்பாளர்கள் டைமண்ட் பாபு, சிங்காரவேலு, மவுனம் ரவி, ரியாஸ் உட்பட பலர் நேரில் வாழ்த்தினார்கள்.

நேற்று நடந்த திருமண நலுங்கு நிகழ்ச்சியில் சத்யராஜ், ஏ.ஆர். ரகுமான், இயக்குனர் ஷங்கர், மயில்சாமி ஆகியோர் கலந்து கொண்டு வாழ்த்தினார்கள்.