இலங்கை தூதரகத்தை முற்றுகையிட முற்பட்ட திருமாவளவன் உள்ளிட்ட 150 பேர் கைது...

சென்னையில் உள்ள இலங்கை தூதரகத்தை முற்றுகையிட முயன்ற விடுதலை சிறுத்தைகள் கட்சித் தலைவர் தொல்.திருமாவளவன் கைது செய்யப்பட்டுள்ளார்.

இலங்கை தம்புள்ளையில் பள்ளிவாசல் விடயத்திற்கு எதிர்ப்புத் தெரிவித்து விடுதலை சிறுத்தைகள் கட்சி ஆதரவாளர்கள் இன்று 3ம் திகதி போராட்டம் நடத்தினர்.

இந்த போராட்டத்தின் போது விடுதலை சிறுத்தைகள் கட்சியை சேர்ந்த 150 பேர் கைது செய்யப்பட்டுள்ளனர்.

இந்த போராட்டத்தின் போது, இவர்கள் இலங்கையின் தேசிய கொடி மற்றும் இலங்கை ஜனாதிபதியின் படங்களை எரித்ததால் கைது செய்யப்பட்டதாக இந்திய தகவல்கள் தெரிவிக்கின்றன.