கொலிவுட்டில் எனக்கென்று தனி இடம் கிடைக்கும்: ரம்யா நம்பிக்கை...

கொலிவுட்டில் குள்ளநரிக்கூட்டம், இளைஞன், ஆட்டநாயகன், ராமன் தேடிய சீதை ஆகிய படங்களில் நாயகி ரம்யா நம்பீசன் நடித்துள்ளார்.
தற்போது பீட்சா என்ற படத்தில் நடித்து வருகின்றார். இப்படத்திற்கான ஊடக சந்திப்பு நேற்று சென்னையில் நடைபெற்றது.

இதில் படத்தின் தயாரிப்பாளர் சி.வி.குமார், இயக்குனர் கார்த்திக் சுப்புராஜ், நடிகர் விஜய் சேதுபதியுடன் ரம்யாவும் கலந்து கொண்டார்.

இப்படம் குறித்து நாயகி ரம்யா கூறியதாவது, மலையாளத்திலிருந்து தமிழுக்கு வந்திருப்பதால் மொழி பிரச்சினை காரணமாக இதுவரையான படங்களில் டப்பிங் பேசவில்லை.

முதன்முறையாக இப்படத்தில் தமிழ் கற்றுக் கொண்டு டப்பிங் பேசப்போகிறேன்.

பீட்சா படத்தில் என்னுடைய நடிப்பு திறமையை வெளிக்காட்ட அருமையான காட்சியமைப்புகளை இயக்குனர் அமைத்திருக்கிறார்.

மற்ற நடிகைகளுடன் சுமூகமான போட்டி இருந்தாலும், தமிழில் எனக்கென்று தனி இடம் கிடைக்கும் என்று நம்புகிறேன்

கவர்ச்சியான கதாப்பாத்திரங்களில் நடிப்பது ஒன்றும் தவறில்லை. எனக்கு இதுவரை அந்த மாதிரியான கதாபாத்திரங்கள் கிடைக்கவில்லை. கிடைத்தால் கண்டிப்பாக நடிப்பேன்.