புலம்பெயர்வோரை திருப்பியனுப்ப தீவிர நடவடிக்கை எடுக்கும் சுவிஸ்...

ஸ்விட்சர்லாந்தின் புலம்பெயர்வுக் கொள்கையும் தனது நாட்டுக்குத் திரும்பிப் போக விரும்பாத வெளிநாட்டவரைப் பற்றியும் சுவிஸ் அரசு தீவிரமாக சிந்தித்து வருகின்றது.

சுவிஸ்சில் வாழும் மக்களில் 20சதவீதம் பேர் வெளிநாட்டவர் ஆவர். இவர்களில் சிலர் குற்ற நடவடிக்கைகளில் ஈடுபட்டிருந்ததால் திருப்பியனுப்பப் படுகின்றனர். மற்றவர்களை ஏன் திருப்பி அனுப்புகின்றனர் என்பது தெளிவாக தெரிவிக்கப்படவில்லை.

புகலிடம் நாடி வந்தவருக்கும், வெளிநாட்டிலிருந்து வந்து தங்கியிருப்பவருக்கும் சட்டத்தில் மாற்றம் கொண்டுவரப்பட்டிருந்தது. இந்நிலையில் நான்கு ஆண்டுகள் கழித்து 2010ல் மீண்டும் இச்சட்டத்தில் உள்ள முரண்பாடுகள் குறித்து விவாதம் எழுந்தது.

வலதுசாரி அமைப்பினர் பாலியல் குற்றம், திருட்டு, போதைப்பொருள் கடத்தல் மற்றும் சமூக நலக் குற்றங்களில் ஈடுபட்ட வெளிநாட்டவரை அவரவர் நாடுகளுக்குத் திருப்பியனுப்புவதற்கு அரசை வலியுறுத்தினர்.

சுவிட்சர்லாந்தில் இனப்பலகை காரணமாக குற்றநடவடிக்கைகளில் ஈடுபடாத பல நல்லவர்களையும், வெளிநாட்டிலிருந்து வந்தவர் என்ற ஒரே காரணத்தால் திருப்பிவைக்கின்றனர் என்று கருத்துத் தோன்றிவிட்டது. இனப்பலகை எதிர்த்து குரல் எழுப்பத் தொடங்கிவிட்டனர்.

மத்திய புலம்பெயர்ந்தோர் துறையில் திருப்பியனுப்பும் பணிகள் மேற்கொள்வதில் நிபுரணரான ஹென்றிக் கிராஸ்கோப்(Hendrick Krauskopf) திருப்பி அனுப்பப்படுவோரில் இரண்டு பிரிவினர் இருப்பதாக தெரிவித்தார்.

அதாவது ஒன்று புகலிடம் நாடி வந்தவர்கள், மற்றொன்று மத்திய அரசின் சட்ட நடவடிக்கைகளுக்கு ஆளான வெளிநாட்டவர் ஆவர். புலம்பெயர்ந்தோர் துறை புகலிடம் நாடி வந்தவர்களின் பிரச்சனைகளை மட்டுமே ஆராய்கிறது.

வெளிநாட்டவரை உள்ளே அனுமதிப்புவதும் தங்க விடுவதும் மாநில அரசுகளின் அதிகாரத்துக்கு உட்பட்டவை ஆகும்.