கிரிக்கெட் அருங்காட்சியகத்தை திறந்து வைத்தார் சச்சின் (வீடியோ இணைப்பு)..

புனேவில் அமைக்கப்பட்டுள்ள கிரிக்கெட் அருங்காட்சியகத்தை மாஸ்டர் பேட்ஸ்மேன் சச்சின் டெண்டுல்கர் நேற்று திறந்து வைத்தார்.

இந்த அருங்காட்சியகத்தில் டான் பிராட்மேன் உள்ளிட்ட உலகின் பல்வேறு கிரிக்கெட் ஜாம்பவான்கள் பயன்படுத்திய மட்டை, பந்துகள் உள்ளிட்ட பல்வேறு பொருள்கள் இடம்பெற்றுள்ளன.

அங்குள்ள மட்டைகளில் சச்சின் கையெழுத்து போட்டார். இதில் சச்சினுக்கு என தனியாக ஒரு அரங்கம் உள்ளது. இதில் 2011 உலகக் கிண்ணம் இறுதிப் போட்டியில் சச்சின் அணிந்து விளையாடிய டி-சர்ட்டும் இடம்பெற்றுள்ளது குறிப்பிடத்தக்கது.

இந்த அருங்காட்சியகம் பொதுமக்களின் பார்வைக்காக வரும் 7ம் திகதி முதல் திறக்கப்பட உள்ளது.