சினிமாவில் நடிக்க உள்ளார் சாதனை நாயகன் சச்சின்...

இந்திய கிரிக்கெட் வீரர் சச்சின் டெண்டுல்கர் திரைப்பட இயக்குநர் விது வினோத் சோப்ராவின் ஃபெர்ராரி கி சவாரி படத்தில் தோன்ற உள்ளார் என்று தகவல்கள் வெளியாகியுள்ளன.

இந்திய கிரிக்கெட் அணியின் நட்சத்திர நாயகனாக விளங்கும் சச்சின், சதசாதனை உட்பட எண்ணற்ற சாதனைகளை செய்துள்ளார். சமிபத்தில் அவருக்கு ராஜ்யசபா எம்.பி பதவியும் அளிக்கப்பட்டது.

இந்நிலையில் வினோத் சோப்ராவின் ஃபெர்ராரி கி சவாரி திரைப்படத்துக்காக தனது பெயரை பயன்படுத்திக் கொள்ளவும், சிறிய வேடம் ஒன்றில் நடிக்கவும் சச்சின் ஒப்புக் கொண்டதாக கூறப்படுகிறது.

எனினும் ஐ.பி.எல் போட்டி முடிந்த பின்னரே சச்சின் நடிக்கும் காட்சிகள் படமாக்கப்படும் என்று தெரிகிறது.

மேலும், சமிபகாலமாக மும்பை இண்டியன்ஸ் அணி மைதானத்தில் நுழையும் பொழுதெல்லாம் ஒலிக்கும் ”Yeh maara, yeh maara, maara re sixer, maara re four” என்ற பாடல் சச்சின் நடிக்கவுள்ள இந்த திரைப்படத்தில் இடம்பெற்றுள்ள பாடல் என்பது குறிப்பிடத்தக்கது.