ஜூலை மாதத்தில் ஸ்ரீலங்கா பிறீமியர் லீக் போட்டிகள்...

ஸ்ரீலங்கா பிறீமியர் லீக் போட்டிகள் எதிர்வரும் ஜூலை மாதம் 19ஆம் திகதி முதல் ஓகஸ்ட் மாதம் 4ஆம் திகதி வரை இடம்பெற உள்ளது.

இந்தியாவின் இந்தியன் பிறீமியர் லீக் போட்டிகள் போன்று, வெளிநாட்டு வீரர்களை உள்ளடக்கிய 20- 20 தொடர் ஒன்றை நடத்த இலங்கைக் கிரிக்கெட் சபை தீர்மானித்திருந்தது.

இதன்படி சிங்கப்பூரை மையமாகக் கொண்ட சமர்செட் பொழுதுபோக்கு நிறுவனத்துடன் இது தொடர்பான ஒப்பந்தத்தை இலங்கைக் கிரிக்கெட் சபை மேற்கொண்டிருந்தது.

மேலும் கடந்தாண்டு நடைபெற இருந்த இத்தொடர் இந்திய கிரிக்கெட் சபையின் போதிய ஆதரவின்மை மற்றும் தொடரை நடத்தவிருந்த தனியார் அமைப்புடன் ஏற்படுத்தப்பட்டிருந்த ஒப்பந்தத்தில் எழுந்த சர்ச்சைகள் ஆகியன காரணமாக தள்ளி போடப்பட்டது.

இந்நிலையில் கடந்தாண்டு மேற்கொள்ளப்பட்ட ஒப்பந்தத்தில் காணப்பட்ட குறைபாடுகள் நிவர்த்தி செய்யப்பட்டு, 5 வருடகால ஒப்பந்தம் ரத்துச் செய்யப்பட்டு புதிய ஒப்பந்தம் ஒன்று உருவாகி உள்ளது.

இதன்படி, ஜூலை மாதம் 19ஆம் திகதி முதல் ஓகஸ்ட் மாதம் 4ஆம் திகதி வரை ஸ்ரீலங்கா பிறீமியர் லீக் போட்டிகள் நடைபெறும் என தெரிவிக்கப்பட்டுள்ளது.