ரஜினி, ஜெயலலிதா வீடுகள் இருக்கும் போயஸ் தோட்டத்திற்கு வெடிகுண்டு மிரட்டல்...

தமிழ்நாடு சென்னையில் போயஸ் தோட்டத்தில் வெடிகுண்டு வைக்கப்பட்டுள்ளதாக வந்த மின்னஞ்சல் மிரட்டலால் பொலிஸார் உஷார் படுத்தப்பட்டனர். நேற்று இரவு மகாராஷ்டிராவில் இருந்து இந்தத் தகவல் வந்ததாக சென்னை சிறப்பு பாதுகாப்புப் பிரிவு அலுவலகத்தில் தெரிவிக்கப்பட்டது. சென்னை போயஸ் கார்டன், மதுரை மீனாட்சி அம்மன் கோயில், திருவில்லிபுத்தூர் ஆண்டாள் கோயில் ஆகியவற்றில் வெடிகுண்டு வைக்கப்பட்டுள்ளதாக மின்னஞ்சலில் மிரட்டல் விடப்பட்டிருந்தது. இதை அடுத்து பொலிஸார் உஷார்படுத்தப்பட்டனர். பாதுகாப்பு ஏற்பாடுகளும் பலமாக செய்யப்பட்டுள்ளன. போயஸ் தோட்டத்தில் தமிழக முதல்வர் ஜெயலலிதா, சூப்பர் ஸ்டார் ரஜினிகாந்த் போன்ற பிரபலங்கள் வசிக்கின்றனர் என்பது குறிப்பிடத்தக்கது.