மட்டு.களுவாஞ்சிகுடியில் இடம்பெற்ற விபத்தில் இருவர் படுகாயம்...

மட்டக்களப்பு, களுவாஞ்சிகுடி பிரதேசத்தில் இன்று பிற்பகல் இடம்பெற்ற விபத்துச் சம்பவத்தில் இருவர் படுகாயமடைந்துள்ளனர்.

இன்று பிற்பகல் 4.30மணியளவில் களுவாஞ்சிகுடிக்கும் ஓந்தாச்சிமடத்துக்கும் இடைப்பட்ட பகுதியில் உள்ள மோட்டார் சைக்கிள் திருத்தும் கடைக்கு அருகிலேயே இந்த விபத்துச் சம்பவம் இடம்பெற்றுள்ளது.

இதன்போது முச்சக்கர வண்டியை செலுத்திச்சென்ற ஓந்தாச்சிமடத்தை சேர்ந்த ஆறுமுகம் கனகசுந்தரம் (36வயது), மோட்டார் சைக்கிளை செலுத்திச்சென்ற பெரியகல்லாறைச் சேர்ந்த பொன்னையா முருகையா (64வயது) ஆகியோரே படுகாமடைந்துள்ளனர்.

இவர்கள் நேருக்கு நேர் மோதிக்கொண்டதால் இந்த விபத்து இடம்பெற்றதாகவும் இரு வாகனங்களும் கடும் சேதங்களுக்குள்ளாகியுள்ளதாகவும் களுவாஞ்சிகுடி பொலிஸார் தெரிவித்தனர்.

இதேநேரம் காயமடைந்த இருவரும் களுவாஞ்சிகுடி ஆதார வைத்தியசாலையில் அனுமதிக்கப்பட்டு, மேலதிக சிகிச்சைகளுக்காக மட்டக்களப்பு போதனா வைத்தியசாலைக்கு அனுப்பி வைக்கப்பட்டுள்ளனர்