ரஷ்யாவின் ஜனாதிபதியாக புடின் இன்று பதவியேற்பு...

ரஷ்யாவின் ஜனாதிபதியாக விளாடிமிர் புடின் மூன்றாவது முறை இன்று பதவியேற்கிறார்.

இரண்டு முறை ரஷ்யாவின் ஜனாதிபதியாக பதவி வகித்த புடின், பிரதமர் பதவியேற்றார். தனது ஆதரவாளர் டிமிர்டி மெத்வடேவை ஜனாதிபதியாக்கினார்.

இந்நிலையில் சமீபத்தில் நடந்து முடிந்த ஜனாதிபதி தேர்தலில் மூன்றாவது முறையாக போட்டியிட்டு புடின் வெற்றி பெற்றார்.

இத்தேர்தலில் தில்லுமுல்லு நடந்ததாக புடினை எதிர்த்து நாடு முழுவதும் ஆர்ப்பாட்டங்கள் நடைபெற்றன. இந்நிலையில் மூன்றாவது முறையாக இன்று புடின் ஜனாதிபதி பொறுப்பேற்கிறார்.

இதனை எதிர்த்து தலைநகர் மாஸ்கோவில் நேற்று ஏராளமானோர் ஆர்ப்பாட்டம் நடத்தினர். அப்போது பொலிசாருக்கும், எதிர்ப்பாளர்களுக்கும் இடையே மோதல் ஏற்பட்டது.

இதில் 400க்கும் மேற்பட்டோர் கைது செய்யப்பட்டனர். கடந்த 2008ஆம் ஆண்டு முதல் ஜனாதிபதி பதவி வகித்த மெத்வடேவ் தற்போது பிரதமர் பதவி வகிப்பார் என்று கூறப்படுகிறது.