இத்தாலி சரக்கு கப்பல் தரை தட்டியது: 19 ஊழியர்கள் மீட்பு...

இத்தாலியின் ஜெல்சோ எம் என்ற சரக்கு கப்பல் கடந்த சனிக்கிழமை சிசிலி தீவு அருகே சென்ற போது மோசமான தட்பவெப்ப நிலை காரணமாக கரை ஒதுங்கியது. இந்த கப்பலில் 19 ஊழியர்கள் பயணம் செய்தனர்.

இந்த விபத்து குறித்து இத்தாலியின் கடலோர காவல்படைத்தளபதி ஃபிப்லிப்போ(Filippo) கூறுகையில், சரக்கு கப்பல் தரைதட்டிய சம்பவம் குறித்து அறிந்ததும் கடலோர காவல்படையினர் ஹெலிகாப்டர் மூலம் விரைந்து சென்று கப்பலில் இருந்த 19 ஊழியர்களையும் உயிருடன் மீட்டனர் என்று தெரிவித்தார்.

மேலும் இந்த சரக்கு கப்பலானது பாரம் ஏதுமின்றி இருந்ததினால் பெரும் விபத்து தவிர்க்கப்பட்டுள்ளதாகவும் கூறினார்.

கடந்த ஜனவரி மாதம் இத்தாலியின் கோஸ்டா கன்கார்டியா என்ற பயணிகள் சொகுசு கப்பல் விபத்துக்குள்ளாகி 32 பேர் பலியாயினர். தற்போது அதிகமாக இத்தாலிய கப்பல்களில் இதுபோன்ற விபத்துகள் ஏற்படுவது குறிப்பிடத்தக்கது.