யாழ். பாடசாலை அதிபர்கள் திடீர் இடமாற்றம் - அரசியல் பின்புலம் என்கிறது பாடசாலை வட்டாரம்...

யாழ்.வேம்படி மகளிர் உயர்தர பாடசாலை அதிபரின் இடமாற்றத்தை எதிர்த்து கல்லூரி மாணவர்கள் இன்று கவனயீர்ப்பு ஆர்ப்பாட்டமொன்றை நடத்தியுள்ளதுடன், இடமாற்றத்திற்கு தமது கடுமையான எதிர்பையும் வெளியிட்டிருக்கின்றனர்.

திருமதி.பொன்னம்பலம் ஓய்வுபெற்ற பின்னர் அதிபராக திருமதி இராஜினிதேவி முத்துக்குமாரன் நியமிக்கப்பட்டிருந்தார். இந்நிலையில் தற்போது அவர் மருதனார் மடம் இராமநாதன் கல்லூரியின் அதிபராக எந்த விதமான முன்னறிவித்தலுமின்றி இடமாற்றம் செய்யப்பட்டுள்ளார்.

இதனை எதிர்த்தே இன்று பிற்பகல் 2மணி தொடக்கம் கல்லூரி மாணவிகள் ஆர்ப்பாட்டத்தை மேற்கொண்டுள்ளனர். இதேவேளை இந்த திடீர் இடமாற்றத்திற்கு அமைச்சர் ஒருவரே காரணம் என பாடசாலை சமுகம் சுட்டிக்காட்டியுள்ளதுடன், அதிபருக்கும் அவருக்குமிடையில் தொடர்ந்து முறுகல் நிலை இருந்து வந்ததாகவும் தெரிவித்துள்ளனர்.

இதேவேளை இந்து மகளீர் கல்லூரி அதிபரும் இவ்வாறு அரசியல் காரணத்திற்காக இடமாற்றம் செய்ய முயற்சிக்கப்பட்டமை குறிப்பிடத்தக்கது.

மேலும் இந்த இடமாற்ற முயற்சிக்கு காரணமாக இருந்தவர் நல்லூர் கோட்டக்கல்விப் பணிப்பாளராக ஈ.பி.டி.பி உறுப்பினர் என்பது தெரிந்த விடயம் என பாடசாலை வட்டாரங்கள் தெரிவித்துள்ளன.

எனவே அரசியல் தற்போது யாழில் கல்வியிலும் ஆழமாக உள்நுழைந்துள்ளதா?.