திருமணம் முடிக்க இன்னும் காலம் உள்ளது: திவ்யா ஸ்பந்தனா..

தற்போது சினிமாவில் கவனம் செலுத்தி வருவதாகவும் திருமணத்திற்கு இன்னும் காலம் உள்ளதெனவும் நடிகை திவ்யா ஸ்பந்தனா கூறியுள்ளார்
தெலுங்கு, மலையாள மொழிகளில் நடித்தாலும் திவ்யாவுக்கு தமிழ் படங்கள் தான் பெயர் சொல்லும் அளவுக்கு கொண்டு வந்தன.

கொலிவுட்டில் சமீபத்தில் அவர் நடித்த வாரணம் ஆயிரம் திரைப்படம் சூப்பர் ஹிட் ஆனது.

திவ்யாவும் போர்ச்சுக்கல் தொழிலதிபரும் ஒருவருக்கொருவர் காதலித்து வருகின்றனர். சமீபத்தில் நடைபெற்ற ஐபிஎல் போட்டியில் பெங்களூர் அணிக்கு விளம்பரத்தூதுவராக செயற்பட்ட திவ்யாவைக் காண காதலர் ரபேல் பெங்களூர் வந்திருந்தார்.

இந்நிலையில் திவ்யாவும் ரபேலும் விரைவில் திருமணம் செய்யப்போவதாகவும் அதற்காக திகதிகள் குறித்ததாகவும் தகவல் வெளியாயின.

ஆனால் இதற்கு திவ்யா மறுப்பு தெரிவித்ததுடன் அவர் கூறியதாவது, நாங்கள் திருமணத்திற்கு அவசரப்பட வில்லை. இன்னும் கால அவகாசம் உள்ளது.

நான் சினிமாவில் கவனம் செலுத்தி வருகின்றேன். ரபேலுக்கு தொழில் சம்பந்தமான நிறைய பணிகள் உள்ளது என தெரிவித்துள்ளார்.