ஐ.சி.சியின் தரவரிசைப் பட்டியல் வெளியீடு: தொடர்ந்து அவுஸ்திரேலியா முதலிடம்...

சர்வதேச கிரிக்கெட் வாரியம்(ஐ.சி.சி), தற்போது அணிகளுக்கான டெஸ்ட் மற்றும் ஒருநாள் கிரிக்கெட் தர வரிசை பட்டியலை வெளியிட்டுள்ளது.

ஒருநாள் தரவரிசை பட்டியலில் அவுஸ்திரேலிய அணி 123 புள்ளிகளுடன் முதலிடத்திலும், தென் ஆப்ரிக்க அணி 118 புள்ளிகளுடன் இரண்டாமிடத்திலும், இந்திய அணி 117 புள்ளிகளுடன் மூன்றாமிடத்திலும் உள்ளது.

இங்கிலாந்து, இலங்கை, பாகிஸ்தான், நியூசிலாந்து அணிகள் முறையே 4, 5, 6, 7வது இடத்திலும் உள்ளது.

சமீபத்தில் மேற்கிந்திய தீவுகள் அணிக்கெதிரான டெஸ்ட் தொடரை 2-0 என்ற கணக்கில் இங்கிலாந்து அணி வென்றதன் மூலம் இங்கிலாந்து அணி தொடர்ந்து டெஸ்ட் தர வரிசையில் 117 புள்ளிகளுடன் முதலிடத்தைத் தக்கவைத்துக் கொண்டது.

தென் ஆப்ரிக்க அணி 116 புள்ளிகள் பெற்று இரண்டாவது இடத்திலும், அவுஸ்திரேலிய அணி 112 புள்ளிகள் பெற்று மூன்றாவது இடத்திலும் உள்ளது.

இந்திய அணி 111 புள்ளிகள் பெற்று நான்காவது இடத்திலும், பாகிஸ்தான் அணி 108 புள்ளிகளுடன் 5வது இடத்திலும், 99 புள்ளிகளுடன் இலங்கை அணி 6வது இடத்திலும் உள்ளது.

ஏழாம் இடத்தில் மேற்கிந்திய தீவுகள் அணியும், எட்டாம் இடத்தில் நியூசிலாந்து அணியும், ஒன்பதாம் இடத்தில் வங்கதேச அணியும் உள்ளன.

சர்வதேச டி20 போட்டிகளில் இங்கிலாந்து, தென் ஆப்ரிக்கா அணிகள் முதலிரண்டு இடத்தையும், இலங்கை அணி மூன்றாமிடத்தையும் பிடித்துள்ளது. இந்திய அணி ஏழாம் இடம் பிடித்துள்ளது.