'Z' புள்ளிகளைப் புதிதாகக் கணிப்பிடுக. நீதிமன்றம் உத்தரவு !

இஸட் புள்ளிகளை இரத்துச் செய்து புதிதாக அதனைக் கணிப்பிடுமாறு உயர்நீதிமன்றம் உத்தரவிட்டுள்ளது. 2011 ஜீ.சீ. ஈ. உயர்தரப் பரீட்சை இஸட் புள்ளி வழங்கப்பட்டமை தொடர்பாக தொடரப்பட்ட வழக்கின் தீர்ப்பினை இன்று உயர்நீதிமன்றம் அறிவித்த போதே மேற்கண்டவாறு தெரிவித்தது.

அந்தத் தீர்ப்பில், இஸட் புள்ளிகளை இரத்துச் செய்து புதிதாகக் கணிப்பிடுமாறும் அதனை இரண்டு பாடத்திட்டங்களுக்கு அமைய வெவ்வேறாகக் கணிப்பிடுமாறும் நீதிமன்றம் உத்தரவிட்டுள்ளது.

புதிய மற்றும் பழைய பாடத்திட்டங்களின் அடிப்படையில் நடத்தப்பட்ட பரீட்சைக்கு இரண்டு லட்சத்து 40 ஆயிரத்து 876 பேர்

 தோற்றியிருந்தனர். இதில் 1லட்சத்து 44ஆயிரத்து 341 பேர் புதிய பாடத்திட்டத்தில் பரீட்சைக்கு தோற்றியிருந்தமை குறிப்பிடத்தக்கது.