டர்ட்டி பிக்சரில் நடிப்பதால் நான் டர்ட்டி பெண் இல்லை: சனா கான்....

மலையாளத்தில் உருவாகும் டர்ட்டி பிக்சர்ஸ் படத்தில் நடிகை சனா கான் நடிக்க உள்ளார்.
கொலிவுட்டில் சிலம்பாட்டம் படத்தில் சிம்புவுக்கு நாயகியாக பிராமண பெண்ணாக நடித்தவர் சனா கான்.

சென்ற மாதம் பெங்களூரில் விபசார வழக்கில் சிக்கியதாக தகவல் வெளிவந்தது. பின்னர் அவ்வழக்கில் சிக்கியது இவர் அல்ல, வேற சனா கான் என்பது தெரிய வந்தது.

இந்நிலையில் நடிகை சனா கான் மலையாளத்தில் உருவாகும் டர்ட்டி பிக்சர்ஸ் படத்தில் நடிக்கின்றார். இப்படம் வித்யாபாலன் நடித்த பாலிவுட் தழுவல் அல்ல.

நடிகை சில்க் ஸ்மிதாவை திரையுலகில் அறிமுகப்படுத்திய ஆன்டனி ஈஸ்ட் மேன் இப்படத்தை இயக்குகின்றார்.

இப்படம் குறித்து நடிகை சனா கான், டர்ட்டி பிக்சர்ஸ் படத்தில் சில்க் வேடத்தில் நடிக்கின்றேன். ஆனால் நான் டர்ட்டி பெண் இல்லை என்று கூறியுள்ளார்.

கடந்த மாதம் ஏற்பட்ட இந்த சம்பவத்தால் நானும் குடும்பத்தினரும் மனஉளைச்சலுக்கு ஆளானோம். அந்த சம்பவத்தை என்னால் மறக்கமுடியாது எனவும் தெரிவித்துள்ளார்.