பிளாஸ்டிக் கூடை நடைமுறை மீண்டும் அமுல்!- வர்த்தக அமைச்சு...

மரக்கறிகள் மற்றும் பழங்களை எடுத்துச் செல்லும் போது பிளாஸ்டிக் கூடைகள் பயன்படுத்தும் நடைமுறை மீண்டும் கட்டாயமாக்கப்படவுள்ளதாக கூட்டுறவு மற்றும் உள்நாட்டு வர்த்தக அமைச்சு தெரிவித்துள்ளது.

நாளை மறுதினம் திங்கட்கிழமை தொடக்கம் இந்த முறைமையை அமுல்படுத்த உத்தேசித்துள்ளதாக கூட்டுறவு மற்றும் உள்நாட்டு வர்த்தக அமைச்சின் செயலாளர் சுனில் எஸ். சிறிசேன தெரிவித்துள்ளார்.

ஆரம்பத்தில் கொழும்பை அண்டிய பிரதேசங்களில் இந்த நடைமுறையினை புழக்கத்திற்கு கொண்டுவர திட்டமிட்டுள்ளதாக அவர் குறிப்பிட்டார். பிளாஸ்டிக் கூடைகள் பயன்படுத்துவது தொடர்பில் கடந்த காலங்களில் வர்த்தக நிலையங்கள் பலவற்றில் வியாபாரிகளுக்கு விளக்கமளிக்கப்பட்டதாக அமைச்சின் செயலாளர் தெரிவித்தார்.