வடக்கு கிழக்கில் மர்மமப் பொருள் குறித்து அவதானம் தேவை: பொலிஸார் கோரிக்கை...

வடக்கு கிழக்கில் சந்தேகத்திற்கிடமான, மர்மப்பொருட்கள் குறித்து பெற்றோரும், பெரியோரும் அவதான இருக்க வேண்டும் எனவும், அவர்கள் தமது குழந்தைகளை விழிப்புடன் கண்காணிக்க வேண்டும் எனவும் பொலிஸார் கோரிக்கை விடுத்துள்ளனர்.

அண்மைகாலங்களில் வடக்கு கிழக்கில் ஆறு, குளம், களப்பு, கடற்கரை, காட்டுப் பகுதிகளில் மர்ம பொருட்கள் வெடித்ததனால் பலர் உயிரிழந்ததுடன் சிலர் காயமடைந்த சம்பவங்களும் பதிவாகியுள்ளன.

சந்தேகத்துக்கு இடமான பொருட்களை கையிலெடுத்து சோதனைக்குட்படுத்துகின்றமையே இவ்வாறான விபத்துக்களுக்கு காரணமாக அமைந்துள்ளன. ௭னவே அவ்வாறான மர்மப் பொருட்கள் தொடர்பில் பொதுமக்கள் அவதானத்துடன் இருக்க வேண்டும்.

அத்தோடு அவ்வாறான பொருட்களை கண்டால் உடனடியாக அருகிலுள்ள பொலிஸ் தலைமையகத்துக்கோ அல்லது படைத் தளங்களுக்கோ தெரியப்படுத்த வேண்டும் ௭ன்று பொலிஸ் பேச்சாளர் கேட்டுக் கொண்டுள்ளார்.

இவ்வாறான மர்மப் பொருட்கள் வெடித்ததில் அதிகமாக சிறுவர்களே பலியாகியுள்ளனர். ஆகையால் பெற்றோர்களும் ஆசிரியர்களும் இந்த விடயம் தொடர்பாக சிறுவர்களுக்கு தெளிவுபடுத்த வேண்டும்.

அதாவது சிறுவர்கள் அவ்வாறான மர்ம பொருட்களைக் கண்டால் உடனடியாக தமது பெற்றோருக்கு தெரியப்படுத்துமாறு அவர்களை வலியுறுத்த வேண்டும் எனவும் அவர் அறிவுறுத்தியுள்ளார்.