முன்னாள் போராளிகளை விடுதலை செய்ய சிறப்பு நீதிமன்றம்...

புனர்வாழ்வளிக்கப்பட்டு விடுதலை செய்யப்பட்டுள்ள முன்னாள் போராளிகளின் வாழ்க்கை மேம்பட பல்வேறு திட்டங்கள் ஆரம்பிக்கப்பட்டுள்ளதாக புனர்வாழ்வு மற்றும் சிறைச்சாலை அமைச்சர் சந்திஸ்ரீ கஜதீர தெரிவித்தார்.

இன்று யாழப்பாண மாவட்ட செயலகத்தில் போரினால் பாதிக்கப்பட்ட மக்களுக்கு நஸ்டஈடு வழங்கும் வைபவத்தில் உரையாற்றுகையில் அமைச்சர் இவ்வாறு குறிப்பிட்டார்.

இதுவரை 12 ஆயிரம் முன்னாள் முன்னாள் போராளிகள் புனர்வாழ்வளிக்கப்பட்டு விடுதலை செய்யப்பட்டுள்ளதுடன், விடுதலை செய்யப்படாதவர்களின் விடுதலையைத் துரிதப்படுத்தப்படுத்த மன்னார், வவுனியா மற்றும் அனுராதபுரம் ஆகிய மாவட்டங்களில் சிறப்பு நீதிமன்றம் அமைக்க நடவடிக்கை எடுக்கப்பட்டுள்ளதாக அமைச்சர் தெரிவித்துள்ளார்.

விடுதலை செய்யப்பட்ட முன்னாள் முன்னாள் போராளிகளில் விளையாட்டுத்துறையில் பிரகாசிப்பவர்களை தெற்காசிய விளையாட்டுப் போட்டியில் பங்கு பற்றுவதற்கான வாய்ப்பினை விளையாட்டு அமைச்சுடன் இணைந்து மேற்கொண்டுள்ளதாக அமைச்சர் சந்திஸ்ரீ கஜதீர தெரிவித்தார்.

இந்நிகழ்வில் யாழ்ப்பாணத்திலிருந்து தெரிவு செய்யப்பட்ட 91 பேருக்கும், கிளிநொச்சியிலிருந்து தெரிவு செய்யப்பட்ட 60 பேருக்கும் நஸ்டஈட்டு கொடுப்பனவுகள் வழங்கப்பட்டது.

இதுவரை யுத்தத்தினால் பாதிக்கப்பட்ட மக்களுக்கு, நான்கரைக் கோடி ரூபா நஸ்டஈடாக வழங்கப்பட்டுள்ளதாக சிறைச்சாலைகள் புனர்வாழ்வு அமைச்சர் சந்திரஸ்ரீ கஜதீர சுட்டிக்காட்டினார்.

புனர்வாழ்வளிக்கப்பட்டு சமூகத்துடன் இணைக்கப்பட்ட முன்னாள் போராளிகளில் இரண்டாயிரம் பேருக்கு பொருளாதார மேம்பாட்டடிற்காக கடனுதவிதவிகள் வழங்கப்பட்டுள்ளதாகவும் அமைச்சர் தெரிவித்தார்.

10 ஆண்டுகளில் மீளச் செலுத்தக் கூடியவகையில் முன்னாள் போராளிகளுக்கு கடன் வழங்கவென இவ்வாண்டு 300 மில்லியன் ரூபாவினை ஜனாதிபதி ஒதுக்கியுள்ளதாக அமைச்சர் அறிவித்தார்.

இன, மத, மொழி வித்தியாசமின்றி அனைவரும் ஒன்றுபட்டு ஐக்கிய இலங்கையை உருவாக்க முன்வரவேண்டுமென அமைச்சர் வேண்டுகோள் விடுத்தார்.

இந்நிகழ்வில் அமைச்சின் செயலாளர் ஏ.திஸ்ஸாநாயக்கா, புனர்வாழ்வு அதிகார சபையின் தலைவர் சமரசிங்க, அமைச்சின் ஆலோசகர் சதீஸ்குமார், யாழ்மாவட்ட அரசாங்க அதிபர் சுந்தரம் அருமைநாயகம் உட்பட பலரும் கலந்து கொண்டனர்.