மீன் சாப்பிட ஆசைப்பட்டவருக்கு சிறைத் தண்டனை...

ஜேர்மனியை சேர்ந்த அலெக்சாண்டன் டோனின்கெர்(வயது 42) என்பவர், விடுமுறையை சந்தோஷமாக கழிப்பதற்காக மனைவி, 2 குழந்தைகளுடன் ஆஸ்திரியா சென்றார்.

அங்கு குளிர்பதனப் பெட்டியில் வைத்த(உயிர் இல்லாத) 2 மீன்களை வாங்கினார். அதனை சுற்றுலா செல்லும் இடத்திற்கு கொண்டு சென்று சமைத்து சாப்பிட திட்டமிட்டார்.

அதன்படி ஒரு ஏரிக்கரைக்கு சென்று இவர்கள் மீன்களை கம்பியில் குத்தி தண்ணீரில் சுத்தம் செய்தார். ஆனால் அங்கு மீன் பிடிப்பது சட்டவிரோத செயலாகும்.

இதை பார்த்த நபர் ஒருவர் மீன் பிடிப்பதாக நினைத்து பொலிசுக்கு தகவல் கொடுத்து விட்டார். உடனே பொலிசார் வந்து மீன்களை கைப்பற்றி அலெக்சாண்டரையும் கைது செய்தனர்.

அவர் எவ்வளவோ எடுத்து சொல்லியும் பொலிசார் கேட்கவில்லை. இதுகுறித்து பொலிசார் கூறுகையில், அது உயிரற்ற மீன் என்பதோ அல்லது பிடிக்கப்பட்ட மீன் என்பதோ கேள்வி கிடையாது. அந்த தண்ணீர் கரைக்கு மீன்களை கொண்டு வந்தது சட்டவிரோத செயல் என கூறி விட்டனர்.

இச்சம்பவம் பற்றி அலெக்சாண்டரின் வக்கீல் கூறுகையில், இது ஒரு முட்டாள் தனமான வழக்கு என்றார். இந்த குற்றச்சாட்டு நிரூபிக்கப்பட்டால் சுற்றுலா சென்ற அலெக்சாண்டருக்கு 6 மாதம் சிறைத் தண்டனை கிடைக்கும்.